Dagblaðið Vísir - DV - 28.06.2013, Side 47

Fólk 47Helgarblað 28.–30. júní 2013
Á
föstudaginn fer annað Föstu­
dagsfiðrildi Götuleikhússins
og listhópa Hins hússins fram.
Markmiðið er að skemmta
bæjar búum og vekja athygli á verk­
um þess unga fólks sem fæst við skap­
andi sumarstörf á vegum Reykjavíkur­
borgar í sumar.
„Þarna koma allir listhóparn­
ir saman auk Götuleikhússins, fara út
á götu og hrista aðeins upp í bæjar­
búum,“ segir Hlynur Páll Pálsson, leik­
stjóri Götuleikhússins.
Margt breyst
Hlynur er vel kunnugur skapandi
sumarstörfum – var leikari í Götuleik­
húsinu um fimm ára skeið, frá 1995 til
2000 og er nú leikstjóri hópsins. Hann
segir margt hafa breyst á þessum tíma.
„Miðbærinn er talsvert frábrugðinn
því sem hann var árið 1995. Það var
miklu minna af fólki í bænum og
ekki svona mikið líf á hliðargötum
eins og Skólavörðustígnum. Stærsta
breytingin er samt örugglega sú að
nú eru allir komnir með myndavélar
í snjallsímum. Um leið og unga fólk­
ið fer út á götu má sjá skóg af mynda­
vélum. Það er allt tekið upp og sett á
vefinn.“
Gott tækifæri
Hlynur segir fyrsta Föstudagsfiðrildið,
fyrir um tveimur vikum, hafa gengið
vel en fiðrildin fljúga aðra hverja viku
í sumar.
„Þetta er tækifæri fyrir ungt fólk á
aldrinum 17–25 ára að þroska sína list
– hvort sem það er í Götuleikhúsinu
eða einhverjum þeirra listhópa sem
sækja um og fá styrk yfir sumarið. Svo
má segja að verið sé að slá tvær flug­
ur í einu höggi. Þetta þroskar og kennir
listamönnunum heilmargt og er svo
mikil skemmtun fyrir bæjarbúa sem
njóta afrakstur starfsins.“ n
Föstudagsfiðrildin fljúga á ný
n Götuleikhúsið og listhópar glæða miðbæinn lífi
Sveinn Breki Hróbjartsson Kyssir tré.
Hákon Jóhannesson
and Þórdís Björk Þor-
finnsdóttir. Listhóp-
arnir glæða miðbæinn lífi.
Stund milli stríða hjá
dætrum Hermanns
V
ið fjölskylda Hemma og
vinir viljum byrja á því
að þakka þann auðsýnda
hlýhug og stuðning sem
við höfum fundið fyrir
síðustu daga,“ segir í yfirlýsingu
frá fjölskyldu og vinum Hermanns
Gunnarssonar, sem lést eins og
kunnugt er fyrir rúmri viku eftir að
hafa fengið hjartaáfall.
Í dag, föstudag, verður sýnd
í beinni útsendingu útför Her­
manns Gunnarssonar. Séra Pálmi
Matthías son mun jarðsyngja.
„Fyrirséð er að engin kirkja mun
rúma allan þann fjölda sem athöfn­
ina myndi vilja sækja og munum við
því reyna að setja upp skjá og hljóð­
kerfi fyrir utan Hallgrímskirkju þar
sem hægt verður að fylgjast með því
sem fram fer í kirkjunni.“
Mikið hefur mætt á fjölskyldu
Hermanns eins og gefur að skilja.
Á dögunum komu dætur hans, Eva
Laufey, Sigrún, Edda og Björg Sig­
ríður, og bökuðu saman. Þær eru
allar miklir matgæðingar og Eva
Laufey fer þar fremst í flokki. Upp­
skriftina birtir Eva Laufey einnig á
vefsíðu sinni evalaufeykjaran.is.
Alltaf tími fyrir kökuát
„Það er í nægu að snúast þessa dag­
ana hjá okkur fjölskyldunni en það
er svo sannarlega alltaf tími fyrir
kökuát og smá huggulegheit. Edda
hefur boðið okkur upp á svo ljóm­
andi góða skúffuköku að ég verð að
fá að deila uppskriftinni með ykkur,
þessi kaka er ein sú besta sem ég
hef smakkað. Ég segi það satt,“ segir
Eva Laufey og mælir með því að
kakan sé borin fram þegar hún er
enn volg, með rjóma eða ís. „Auð­
vitað má bera hana fram kalda líka
en kakan er stórfengleg þegar hún
er volg, best er að drekka ískalda
mjólk með. Við höfum held ég öll
systkinin dásamað þessa köku í
bak og fyrir, enda miklir súkkulaði­
sælkerar.
Kakan er mjög einföld og á svo
sannarlega vel við á svona rign­
ingardögum, mæli með að þið setj­
ið upp svuntuna þegar þið komið
heim úr vinnu og skellið í eina Edd­
uköku, kveikið á nokkrum kertum
og komið ykkur vel fyrir undir teppi
og njótið. Svona dagar eiga einung­
is, já einungis að fara í notalegheit.“
Eddukaka
n 3 bollar hveiti
n 2 bollar sykur
n 3 egg
n 2 bollar venjuleg ab-mjólk
n 1 bolli olía
n 5–6 msk. Kötlu-eðalkakó
n 2 tsk. lyftiduft
n 1 tsk. natrón
n Nóg af vanilludropum, magn eftir smekk
Aðferð:
Blandið öllum hráefnum saman og
hrærið í nokkrar mínútur eða þar
til deigið verður slétt og fínt. Hellið
deiginu í bökunarform eða ofn­
skúffu. Bakið við 175°C í 20 mín­
útur. Mikilvægt að fylgjast með og
stinga gaffli í kökuna til þess að
athuga hvort hún sé tilbúin, passið
ykkur á því að baka ekki of lengi.
Kælið kökuna smávegis áður en þið
setjið á hana kremið.
Súkkulaðikrem
n 200 gr smjör
n 1 pakki flórsykur
n 5–6 msk. Kötlu-eðalkakó
n 1/2 kaffibolli
n Nóg af vanilludropum, magn eftir smekk
Hitið 200 gr af smjöri í potti við
vægan hita og bætið hinum hrá­
efnunum saman við, hrærið vel í
blöndunni í smá tíma. Edda segir
að það sé smá þolinmæðisverk að
hræra og ná sléttri og glansandi
áferð, en vel þess virði! Hellið krem­
inu yfir kökuna og skreytið með
kókosflögum og kókosmjöli. n
n Njóta samverunnar yfir súkkulaðiköku
Hermannsdætur
Björg Sigríður, Sigrún,
Eva Laufey og Edda.
Kristjana Guðbrandsdóttir
blaðamaður skrifar kristjana@dv.is
Girnilegt Dætur Hermanns eru sælkerar
eins og sjá má. Á borðum er eplapæ Evu
Laufeyjar og súkkulaðikaka Eddu.
Stór og girnileg
Súkkulaðikaka
Eddu er glæsileg.
Damon Younger
í hvalskurði
Leikarinn góðkunni Damon
Younger er kominn í sumarvinnu
við hvalskurð í Hvalfirði. Damon
mun vinna í akkorði við skurðinn
og mun þéna vel. Eiginkona hans,
Vera Sölvadóttir, heimsækir hann
reglulega en ekki er víst henni líki
aðfarirnar enda starfaði hún lengi
sem leiðsögumaður í hvalskoðun.
Sniðgengin
á götu úti
„Fólk heilsaði mér ekki úti á götu
þegar ég vó yfir 100 kíló,“ segir
Elísabet Ólafsdóttir, fjölmiðlakona
á RÚV, í forsíðuviðtali við Vikuna.
Hún breytti um lífsstíl fyrir fjórum
árum og viðurkenndi fyrir sjálfri sér
að hún væri matarfíkill. Í dag hefur
hún misst 40 kíló og líðanin er góð.
Andri Freyr
tyrfði svalirnar
„Ekki lengi að búa til garð,“ sagði út­
varpsmaðurinn vinsæli Andri Freyr
Viðarsson sem hefur tyrft svalirn­
ar hjá sér fyrir nýjasta fjölskyldu­
meðliminn, hundinn Hemma.
„Þessi garður heitir Hemma­
tún og ég setti næringu í hann í
gær. Hemmi skeit á blettinn í fyrsta
skiptið í morgun, ég tók mynd af
því!,“ bætti Andri Freyr við til út­
skýringar.