Dagblaðið Vísir - DV - 28.06.2013, Blaðsíða 26

26 Viðtal 28.–30. júní 2013 Helgarblað
rannsóknarblaðamennsku,“ segir
Svavar og segir þá dóma sem hafa
fallið nýverið gegn blaðamönnum
með ólíkindum. „Gagnrýnin blaða-
mennska er búin að vera ef þetta
heldur svona áfram, sumir þessara
dóma sem hafa fallið eru stórfurðu-
legir, eins og í þessu Sigurplasts-
máli þar sem DV er dæmt fyrir að
nota orðið rannsókn í staðinn fyrir
skoðun, eða hvernig sem það nú ná-
kvæmlega var. Svo var málið komið
til formlegrar rannsóknar nokkrum
dögum síðar. Þetta er bara orðheng-
ilsháttur og vitleysa og ekki í sam-
ræmi við almenna málvitund, þótt
það sé ef til vill í ströngum lögfræði-
legum skilningi rétt. Og það að dóm-
arar séu að láta draga sig inn í laga-
klæki er hreint út sagt ótrúlegt. Hjá
okkur er enginn blaðamaður skotinn
eða beittur ofbeldi fyrir að segja satt
en það er ráðist gegn lífsviðurværi
manna.
Í mínu tilfelli var ekki höfðað mál
gegn fréttastjóra og vaktstjóra. Meðal
raka í málinu var hvar í röðinni fréttin
var. Fréttamaður hefur lítið um það
að segja hvar í fréttatímanum fréttin
er. Þetta vita allir sem nenna að hafa
fyrir því að kynna sér málið. Það eru
fréttastjórar sem hafa úrslitavaldið.
Þess utan koma fleiri að fréttaskrif-
um, sérstaklega í stærstu málunum.
Þetta er eins og þegar Pálmi Har-
aldsson í Fons fór í mál við Maríu
Sigrúnu, því hún las innganginn
að fréttinni sem fréttaþulur. Maður
spyr sig, af hverju fer hann í mál við
Maríu Sigrúnu? Jú, því lögin segja
að hann geti það. En samkvæmt
sömu lagagrein þá hefði líka átt að
taka Jón Thordarson sem las útdrátt
á miðnætti. Menn eru að reyna að
kúga fjölmiðla til hlýðni. Um það
snýst þetta og smám saman tekst
það ef dómstólar spila með. Menn
ráðast ekki á þann sem raunveru-
lega ber ábyrgðina, heldur reyna
menn að ráðast beint á veikasta
hlekkinn. Blaðamanninn sjálfan. Og
sannleikur og réttlæti virðast bara
aukaatriði í sumum þessara dóma.“
Með tannburstann í
skrifborðsskúffunni
Nú er Svavar laus við aðför útrásarvík-
inga ef svo má að orði komast án þess
að eiga von á hótun um málsókn
inn um lúguna. Hann segir álag síð-
ustu ára hafa haft sitt að segja í þeirri
ákvörðun að hætta á RÚV. Í hruni ís-
lenska efnahagskerfisins var álagið
ævintýralegt og stundum svaf hann
á ritstjórnarskrifstofunni og geymdi
tannburstann í skrifborðsskúffunni.
„Þetta var brjálæðislegt álag
sem má líka rekja til þess þegar
fréttastofurnar voru sameinaðar,
það gerðist 2008, rétt fyrir hrun. Sem
þýddi að margt af reyndasta fólkinu
var á stanslausum fundum eftir sam-
einingu til að koma henni í fram-
kvæmd.
Ég man eftir því að hafa setið í
vaktstjórastólnum þegar Ísland var
að hrynja og ég leit í kringum mig
og þá var enginn reyndari en ég sem
ég gat leitað ráða hjá. Það var mjög
skringilegt. Álagið var mikið og það
voru nokkrar nætur sem ég svaf uppi
á fréttastofu. Með tannburstann í
skrifborðsskúffunni. Ég vann frá átta
á morgnana og fram yfir kvöldfréttir
og svo fór ég um kvöldið í fréttaöfl-
un niður á Austurvöll eða að fylgjast
með fundum hjá Kaupþingi. Þetta
var furðulegur tími en skemmtilegur
fyrir blaðamann.“
Vill kalla sig matarblaðamann
Öll sú lífsreynsla sem Svavar hefur
gengið í gegnum hefur þrýst hon-
um á þennan stað í lífinu. Að gera
það sem gerir hann hamingjusam-
an. Stundum þarf ekki svo mikið til.
„Ég veit að ég get aldrei náð að
fullkomna áramótaheitið en ef ég
fer nálægt því þá er ég ánægður. Ég
skoðaði alla hluta lífs míns og íhug-
aði hvernig ég gæti bætt það. Það
sem mér finnst skemmtilegt er að
vera með börnunum mínum. Það
er aðalhvatinn að áramótaheitinu.
Ég sníð mér tilveru í kringum börn-
in mín og heimilið og nýt þess mjög.
Þegar maður er svona ljónheppinn
eins og ég, að eiga þessa frábæru
krakka og ástríkt og gott hjónaband
– þá er valið í rauninni augljóst. Far-
sælt fjölskyldulíf er svo stór hluti af
hamingjuríkri tilveru. Ég hlakka
bókstaflega til hvers einasta dags.
Ég kalla sjálfan mig matarblaða-
mann. Ég ætla að gefa út bækur, gera
sjónvarpsþætti, útvarpsþætti, halda
úti vefsíðum og í rauninni hvað sem
er. Ég er búinn að gefa út þessa bók,
Íslensku hamborgarabókina. Ég
er líka byrjaður að taka upp sjón-
varpsþætti sem verða sýndir á RÚV
þarnæsta haust sem fjalla um mat
og uppruna hans.
Ég fór vestur í Önundarfjörð um
daginn, að vaða þar með góðum
mönnum og skutla rauðmaga. Þetta
er hluti af vinnslu þáttanna. Geggjað,
þarna var ég í sjónum á miðnætti, í
fullkominni stillu og hugsaði bara með
mér, þetta er lífið.“ n
Íslenska hamborgarabókin
Svavar gaf nýverið út bók um
hamborgara sem eru honum
hjartans mál.
„Ég hlakka
bókstaf-
lega til hvers
einasta dags
Svipmyndir úr lífi Svavars
„Reynt að láta líta út sem ofbeldisverk“
„Það tilvik sem barnsmóðir mín vísaði til í viðtali hjá Eiríki
Jónssyni var erfið stund þar sem ungar dætur okkar þurftu
að verða vitni að erfiðum sambandsslitum,“ sagði Svavar í
yfirlýsingu sem hann sendi frá sér eftir að barnsmóðir hans
og fyrrverandi eiginkona sagði frá því á vef Eiríks Jónssonar
að Svavar væri ofbeldismaður sem hefði meðal annars beitt
ömmu hennar ofbeldi árið 2002. „Ég var að sækja dætur
mína til ömmu barnsmóður minnar, eins og ég átti rétt á.
Þar sem ég geng út haldandi á yngstu dóttur minni og hinar
tvær með mér, reynir hún að varna mér útgöngu. Ég færði til
handlegg hennar svo við kæmumst út og af því segist hún
hafa fengið marblett,“ sagði hann í yfirlýsingunni. „Enginn
var kærður, en þetta tilvik hefur barnsmóðir mín síðan, gegn
betri vitund, reynt að láta líta út sem ofbeldisverk.
Í Hæstarétti Svavar var dæmdur fyrir meiðyrði í Hæsta-
rétti. Hann segir aðför gerða að lífsviðurværi blaðamanna
hér á landi og ef dómur hans hafi fordæmisgildi, sé hægt að
slökkva á fjölmiðlum landsins.
Börnin skipta mestu máli
Svavar vill setja börnin í fyrsta sæti í lífi sínu og allar þær breytingar sem hann hefur gert,
hefur hann gert með hagsmuni þeirra að leiðarljósi.
Fréttahaukur Svavar þótti harðsnúinn fréttamaður og tók á
efnahags- og stjórnmálum af hörku eftir hrun. Álagið í hruninu var
hins vegar, að hans sögn, brjálæðislegt og neistinn slokknaði.
Komst ekki á Bessastaði Kosningabarátta Þóru hófst vel en fylgið hrundi af henni þegar á leið. Svavar sér ekki eftir neinu.
Sálufélagar
Svavar og
Þóra hittust
eftir vinnu
með vinnu-
félögunum og
ástin kviknaði.