Dagblaðið Vísir - DV - 28.06.2013, Blaðsíða 36

36 Menning 28.–30. júní 2013 Helgarblað
Ískaldur leigumorðingi
n Michael Shannon vinnur leiksigur
P
ólski leigumorðinginn Richard
Kuklinski er talinn hafa drepið
yfir 100 manns. Kvikmyndin
Ísmaðurinn (The Iceman)
byggir á hans sögu. Myndin er hrein­
ræktuð mafíósamynd – lýsir upp­
gangi Kuklinski innan mafíunnar í
New Jersey, uppgangi hans og falli.
Strax í upphafi myndarinnar er
sleginn dökkur tónn. Teknu andliti
Kuklinski bregður fyrir í myrkvuðu
herbergi. „Ég ætlaði ekki að valda
neinum skaða …“ segir hann. Þetta
atriði er í heimildamyndastíl og í lok­
in er þessu stílbragði aftur beitt og
við heyrum niðurlag setningarinnar.
Það fellur í hlut Michael Shannon
að túlka hinn ískalda leigumorðinga.
Frammistaða hans í aðalhlutverk­
inu er ekkert minna en leiksigur. Það
kæmi mér ekki á óvart ef hann yrði
tilnefndur til óskarsverðlauna fyrir
leik sinn. Hann nær að túlka Richard
Kuklinski á einhvern óhuggulegan
en jafnframt heillandi hátt – hann
er í senn sadisti og elskulegur fjöl­
skyldufaðir og áhorfandinn fyllist
bæði viðbjóði á gjörðum hans og fær
um leið samúð með honum.
Margir stórleikarar hafa orðið til
í mafíumyndum. Nægir að nefna
Robert De Niro og Al Pacino. Michael
Shannon gefur þeim ekkert eftir.
Auk Michael Shannon fara fjöl­
margir aukaleikarar á kostum. Chris
Evans er eftirminnilegur sem leigu­
morðingi á ísbíl, David Schwimmer,
úr Friends, misheppnaður smá­
krimmi og Winona Ryder sem eigin­
kona Richard Kuklinski. En kannski
er það til marks um sterka nærveru
Michael Shannon að sjálfur Ray
Liotta verður hálf brjóstumkennan­
legur í hlutverki mafíuforingjans í
nærveru Kuklinski.
En getur maður sem drepur yfir
hundrað einstaklinga með köldu
blóði talist mennskur? Eflaust er það
stærsta spurningin sem leikstjórinn
Ariel Vromen glímir við í myndinni.
Það er gefið í skyn með minningar­
brotum úr æsku Richard Kuklinski
að ofbeldi geti af sér meira ofbeldi.
Kuklinski er eins og fíkill, þegar hann
fær ekki útrás fyrir ofbeldisþörf sína
molnar úr hjónabandi hans og fjöl­
skyldan fær innsýn í hans raunveru­
lega eðli.
Ísmaðurinn er ágeng, dökk og á
köflum hrottaleg bíómynd. Hún á að
mínu mati heima með klassískum
mafíumyndum á borð við Goodfellas
og Donnie Brasco. Þar er stórleik
Michael Shannon aðallega að þakka,
næmni leikstjórans fyrir smáatriðum
og eftirminnilegum aukapersónum.
Þetta er mynd sem situr í manni;
sér í lagi endirinn sem byggður er á
raunverulegum játningum Richard
Kuklinski. n
Símon Örn Birgisson
Skúli mennski
fer hringinn
Tónlistarmaðurinn Skúli mennski
og hljómsveitin Robert the Room­
mate halda í hringferð um landið
frá 28. júní til 7. júlí. Skúli er þekkt­
ur trúbador en hljómsveitin Robert
the Roomate var stofnuð fyrir fáein­
um árum með það í huga að spila
tónlist eftir gömlu meistarana; Bob
Dylan, Leonard Cohen og fleiri.
Hljómsveitin bar sigur úr býtum
í ábreiðulagakeppni Rásar 2 en á
efnisskránni nú eru einnig frum­
samin lög eftir sem mun senda frá
sér plötu á næstunni. Tónleikaferð
Skúla og Robert the Roommate
hefst á Akureyri á Græna hattinum
þann 28. júní og lýkur í Reykjavík á
Rosenberg þann 11. júlí.
Ískaldir leigumorðingjar Chris Evans og
Michael Shannon í hlutverkum sínum.
Glatað ofurmenni
n Nýja Superman myndin vonbrigði n Einhæf og leiðinleg bardagaatriði
M
ikil eftirvænting hefur ríkt
yfir nýju myndinni um
Ofur mennið, sem nefnist
Man of Steel eða Stálmað­
urinn. Christopher Nolan
sem er þekktur fyrir vel heppnaðar
myndir um Leðurblökumanninn
framleiðir myndina, ásamt hinum
efnilega Zack Snyder sem situr í leik­
stjórastólnum.
Þetta eru þungaviktarmenn í
draumaverksmiðjunni og það er til
mikils ætlað af þeim, sérstaklega í
ljósi þess að við erum að tala um
Supermann sjálfann.
Misheppnaðar tilraunir
Í gegnum tíðina hefur það reynst
þrautinni þyngri að gera vel heppn­
aða bíómynd um Ofurmennið.
Ógrynni af mislélegum bíómynd­
um og sjónvarpsþáttum bera þess
vitni. Margir vilja meina að Ofur­
mennið sé svolítið þurr persóna í
samanburði við til dæmis Leður­
blökumanninn sem verður að telj­
ast töluvert svalari ofurhetja.
Vandamál myndarinnar liggur
reyndar ekki í nýja Ofurmenninu
sem er leikinn að þessu sinni af
Henry Cavill. Honum tekst að
skapa virkilega viðkunnarlega
persónu sem maður á auðvelt með
að finna til samúðar með. Að sama
skapi er hann harðgerðari mass­
aðari og flottari heldur en forverar
hans sem hafa yfirleitt verið afar
ferkantaðir. Nýi Superman er
flottur!
Furðulegar hugmyndir
Myndin sjálf er ekki flott. Sem
mikill aðdáandi bæði Snyders og
Nolans þá gaf ég myndinni eins
mikinn sjens og ég gat. Ég hef hins­
vegar ekki endalausa þolimæði.
Þessi mynd er glötuð.
Miklu púðri er eytt í sköpunar­
sögu Ofurmennisins. Hvernig póli­
tísk átök á Krypton hafa í för með
sér að lítið barn er sent út í geim
rétt áður en plánetan eyðileggst.
Kannski var ætlunin að útskýra
bakgrunn Ofurmennisins en þær
hugmyndir sem þarna koma fram
eru svo furðulegar að þær standast
enga nánari skoðun.
Ofurmennið lendir svo í Kansas
í Bandaríkjunum. Þar upplifir
hann höfnun allt sitt líf af því að
hann getur ekki sýnt sína leyndu
ofurkrafta. Af hverju hann mátti
ekki sýna þá og af hverju hon­
um var hafnað í sífellu skildi ég
aldrei almennilega. Atriðin um
uppvaxtarárin hans eru sérstak­
lega dramatík og tilfinningalega
þrungin. Það er verið að byggja
upp einhverja tilfinningalega vigt í
ofurmennið sem missir því miður
marks af því að þessi atriði eru illa
skrifuð og bjánaleg.
Ástarsambandið á milli Ofur­
mennisins og fréttakonunar
Lois Lane er að sama skapi
einkennilegt. Þau verða bara allt í
einu ástfangin en ástarsagan á sér
því miður aldrei stað.
Leiðigjarnir bardagar
Útlit myndarinnar er nokkuð flott
en kvikmyndatakan er mér ekki að
skapi. Öll atriði myndarinnar eru
tekin með hand­myndavélum sem
eiga að fá mann til þess að líða sem
maður sé staddur í miðju atburð­
arrásarinnar. Hristingurinn er hins­
vegar svo mikill á skjánum að ég átti
mjög erfitt með að fatta hvað var að
gerast í myndinni. Þrívíddinn gerði
þetta einnig sérstaklega erfitt fyrir
augun.
Bardagaatriðin eru einhæf og
leiðinleg. Vissulega er það stórfeng­
legt að sjá menn þeytast í gegnum
byggingar og rústa heilu borgun­
um. En það er nóg að sjá það einu
sinni. Þetta er hinsvegar endurtekið
aftur og aftur í Man of Steel sem
hefði vel þolað að vera stytt um hálf­
tíma. Ofan á það er myndin full af
einstaklega bjánalegum samtölum
og mörgum litlum röksemdarvillum
sem grafa endalaust undan bíóupp­
lifuninni.
Það verður að segjast að þessi
mynd er gríðarleg vonbrigði í alla
staði og get ég því ekki með góðri
samvisku mælt með henni. n
Bíómynd
Leifur Þór Þorvaldsson
skrifar
Henry Caville Þykir standa sig vel í hlut-
verki Ofurmennisins.
Stálmaðurinn Myndin
hefur gengið vel í miðasölu
og þegar hefur verið
tilkynnt um framhald.
Menningar
helgin
Hún Um helgina ætla ég að sjá
Sísí Ey spila í Listasafni Reykja­
víkur í Hafnarhúsinu. Ég hef
ekki séð hljómsveitina áður á
tónleikum en Sísí Ey er er ein
svalasta hljómsveit sem ég veit um
í dag. Svo væri ég til í að sjá Snorra
Helgason og Múm á All Tomorrow
Parties­hátíðinni í Keflavík. Vanda­
málið er að ég á ekki miða á það og
ætla í staðinn að fara í ferðalag um
Ísland og ekki snúa til baka fyrr en
seint í júlí. Eru ferðalög ekki bara
málið núna? Það hlýtur að vera
ástæða fyrir öllum þessum ferða­
mönnum sem hér eru.
Guðni Tómasson listsagnfræðingur
Ásrún Magnúsdóttir
danstilraunamaður
Hann Ef veðurguðir leyfa er
stefnan tekin á að viðra soninn
með göngu á Hengilssvæðinu, en
guðirnir sem ríkja yfir suðvestur­
horninu eru ekki í miklu stuði
þessa dagana. Þá er ágætt að fara á
söfn: Ég á alltaf eftir að sjá mynd­
bandsútgáfurnar af gjörningum
Magnúsar Pálssonar sem fram fóru
á Listahátíð í Hafnarhúsi Listasafns
Reykjavíkur. Eins er spennandi að
kynna sér viðbætur við íslensku
myndlistarsöguna í Nýlistasafninu
en þar er Katrín Inga Jónsdóttir
Hjördísardóttir Hirt að prjóna
við hana. Ég ætla að fylgjast með
lokahnykknum í Álfukeppninni í
knattspyrnu, fylla tónskynvitin með
nýjum djassi og klassík með hjálp
Spotify, klára Landið og Kortið eftir
Michel Houellebecq í þýðingu Frið­
riks Rafnssonar og síðast en ekki
síst ætla ég að vinna áfram í því að
koma mér upp trommusetti úr af­
göngum í bílskúrnum. Ef menn
eiga eitthvað afgangs sem tekur of
mikið pláss, má alveg láta vita.