Dagblaðið Vísir - DV - 02.08.2013, Qupperneq 2

2 Fréttir 2.–6. ágúst 2013 Helgarblað
Boðið er upp á tveggja vikna spænskunámskeið með menn-
ingarlegu ívafi í Extremadurahéraði á Spáni. Kennt er í 3
tíma á dag utan þá tvo daga sem farið er í dagsferðir.
Fyrri vikuna er dvalið í klaustri sem breytt hefur verið í þriggja stjörnu
hótel í þorpinu La Parra. Þar gefst góður tími til slaka á, ná sambandi við
náttúruna og kyrrðina og borða mat sem framleiddur er í héraðinu.
Síðari vikuna er dvalið á undurfallegu fjögurra stjörnu hóteli á ráðhús-
torginu í bænum Zafra. Leiðsögumaður og spænskukennari er Margrét
Jónsdóttir Njarðvík, vararæðismaður Spánar.
Haustbúðir á Spáni
- fyrir fullorðna
www.mundo.is
11. - 25. október 2013
Verð: 369.900 miðað við tvo í herbergi
Verð: 410.000 miðað við einn í herbergi
Nánari upplýsingar í síma 6914646 eða margret@mundo.is
Innifalið: Flug, hótel, fæði (fullt fæði fyrri vikuna, hálft fæði
síðari vikuna), rútuferðir, skoðunarferðir til Mérida og Sevilla,
spænskukennsla 3 klst. á dag, gönguferðir við sólarupprás
í 2-3 klst á dag, jóga þrisvar í viku, aðgangseyrir að Reales
Alcazares í Sevilla og aðgangseyrir að söfnum í Mérida.
Sendur heim
með verkjalyf
3 Methúsalem Þórisson sem
lést úr hjarta áfalli á
heimili sínu þann
14. júní síðast-
liðinn fór tveim-
ur dögum áður
á Læknavaktina
á Smáratorgi. Þá
hafði hann verið mjög
slappur í þrjá daga og kvartað und-
an verkjum aftan í hálsi sem leiddu
niður í öxl. Læknirinn tjáði honum
að þeir stöfuðu af þreytu og sendi
hann heim með lyfseðil fyrir verkja-
lyfjum. Þetta segir Elda Thorisson-
Faurelien, eiginkona hans. Tveimur
dögum síðar fannst hann látinn eins
og áður greinir.
Jóhannes
Jónsson látinn
2 „Hann var stór maður
með stórt hjarta,“
sagði Hendrik
Berndsen, eða
Binni á Blóma-
verkstæði Binna,
um vin sinn Jó-
hannes Jónsson,
kaupmann kennd-
an við Bónus, sem lést eftir hetjulega
baráttu við krabbamein síðast liðinn
laugardag. Í mánudagsblaði DV var
farið yfir feril Jóhannesar og rætt
við vini hans. Hann var vinmargur
og var lýst sem traustum og dygg-
um vini, miklum leiðtoga sem hafði
skýra framtíðarsýn. Félagslyndum,
fyndnum og orðheppnum. Manni
með þykkan skráp.
Ríkustu
Íslendingarnir
1 Rúmlega þrjú þúsund ís-
lenskar fjölskyldur
greiddu auðlegðar-
skatt á síðasta ári
og skilaði hann
ríkissjóði tekjum
upp á tæplega 5,6
milljarða króna.
Þetta eru ríkustu
fjölskyldur landsins. Í DV á mánu-
dag var auður ríkustu Íslendinganna
út frá greiddum auðlegðarskatti árið
2012 áætlaður. Í efstu 25 sætum list-
ans eru margir þjóðþekktir athafna-
menn; útgerðarmenn, fjárfestar
og frumkvöðlar. Á toppnum trónir
Kristján V. Vilhelmsson, annar af
helstu eigendum og stjórnendum
útgerðarrisans Samherja.
Fréttir vikunnar Þessar fréttir bar hæst í DV í vikunni
R
isasveppurinn jötungíma
vex í tugatali umhverf-
is sveitabæinn Sandvík á
Melrakkasléttu. Þar býr
gæsabóndinn Hans Al-
freð Kristjánsson ásamt vinkonu
sinni. „Sveppamóðirin sjálf er und-
ir húsinu mínu. Og svo vaxa svepp-
ir í tugatali hringinn í kringum hús-
ið mitt, og hringurinn stækkar með
hverju árinu,“ segir Hans Alfreð. Í
viðtali við DV tekur hann jafnframt
fram að hann sé ekki mjög fróður um
sveppi. Hann veit þó að þessir svepp-
ir eru tröllvaxnir. „Þetta eru risavaxn-
ar gorkúlur, 93 síðast þegar ég taldi.
Þetta er orðið alltof mikið.“
Borðar þá stundum
Sveppirnir byrjuðu að spretta upp
úr jörðu Hans í byrjun 10. áratugar
síðustu aldar, gæsabóndanum til
mikillar armæðu. Hans reynir að
hefta útbreiðslu sveppanna með því
að tína þá og stundum enda þeir á
pönnunni. „Þeir eru samt ekkert sér-
staklega góðir á bragðið – ég fæ klígju
af þeim,“ segir Hans Alfreð, en hann
lætur sig þó hafa að narta í þá enda,
eins og sést á meðfylgjandi myndum,
eru þeir einstaklega stórir og matar-
miklir.
Fjórtán kílóa sveppur
Jötungíma er af físisveppaætt og
getur myndað risavaxið aldin, sem
getur orðið allt að 60 sentímetrar í
þvermál. Árið 2006 var sagt frá því á
vef Bæjarins besta að „risasveppur“
hefði fundist í Bolungarvík. Var þar á
ferð títtnefndur sveppur. Sveppurinn
hefur einnig fundist í Hrunamanna-
hreppi, á Þríhyrningi í Hörgárdal auk
Melrakkasléttu þar sem útbreiðsla
hans virðist vera mest. Hann fannst
fyrst hér á landi á Svíra í Hörgárdal
á síðari hluta liðinnar aldar, sam-
kvæmt því sem fram kemur á vefnum
Flóra Íslands. Þar kemur fram að jöt-
ungíma komi oftast upp úr jörðinni á
hverju ári á sama stað. Einn stærsti
sveppur þessarar tegundar fannst á
Skáni í Svíþjóð árið 1909. Hann var
mjög stór, 60 sentímetrar í þvermál,
og vó hann heil fjórtán kíló. Aldin
þessarar tegundar vex mjög hratt og
getur hver sveppur innihaldið tíu
milljarða gróa.
„Mjög sjaldgæfur“
Helgi Hallgrímsson er einn helsti
sveppafræðimaður á Íslandi. „Þetta
er stærsta sveppategund sem hér
vex, en hann er mjög sjaldgæfur,“
segir Helgi og bætir við aðspurður að
enginn viti hvernig eða hvenær þessi
risasveppategund nam land á Íslandi
– nema guð almáttugur. „Mönnum
hefur helst látið sér detta í hug að
hann hafi borist með fóðri. Sveppur-
inn hefur stundum sprottið upp við
skepnuhús,“ segir Helgi. Þar er hugs-
anlega komin skýringin á sveppa-
plágunni á Melrakkasléttu. n
Baldur Eiríksson
blaðamaður skrifar baldure@dv.is
n „Sveppamóðirin er undir húsinu mínu“ n Geta orðið allt að 14 kíló
Risasveppir gera
bónda lífið leitt
„Þeir eru samt
ekkert sérstak-
lega góðir á bragðið
Sveppa- og gæsabóndi Hans Alfreð
Kristjánsson fær klígju af jötungímu.
Risastór Jötungíma getur orðið á stærð við körfubolta eða sundbolta.
Hótel rís loks
við Hörpu
Á fimmtudag undirrituðu eignar-
haldsfélagið Situs og Auro Invest-
ment ehf. kaupsamning um hótel-
lóð við hlið Hörpu að Austurbakka
2. Útboðið var framkvæmt af
Ríkis kaupum og voru tilboð opn-
uð í júlí árið 2011. Auro Invest-
ment bauð hæst í lóðina, rúmlega
1,8 milljarða.
Á lóðinni mun rísa 250 her-
bergja fjögurra eða fimm stjörnu
hótel. Búið er að vinna frum-
hönnun hótelsins og verður það í
svipuðum stíl og Harpa.
Nú bítast tvö fyrirtæki um að
fá að annast rekstur hótelsins og
verður tekin ákvörðun um það
í vikunni. Annað þeirra er hin
heimsþekkta Marriott-hótelkeðja.
Auro Investment mun byggja
hótelið, en arkitektar T.ark munu
hanna það og Mannvit stjórna
framkvæmdum.
Áfengissala
svipuð og í fyrra
Vikan fyrir verslunarmannahelgi
er ein annasamasta vika ársins í
Vínbúðunum. Á síðasta ári komu
um 125 þúsund viðskiptavinir í
Vínbúðirnar þessa viku og seld-
ust um 713 þúsund lítrar af áfengi.
Mest var salan á föstudeginum,
eða 225 þúsund lítrar. Til saman-
burðar má nefna að vikuna 16.
til 21. júlí komu um 95 þúsund
viðskiptavinir í Vínbúðirnar og
keyptu um 430 þúsund lítra af
áfengi. Samkvæmt frétt á heima-
síðu Vínbúðarinnar bendir flest
til þess að viðskiptavinafjöldi fyrir
verslunarmannahelgina í ár verði
svipaður og í fyrra.
Reynslan sýnir að flestir kaupa
áfengi á milli klukkan 16.00 og
18.00 á föstudeginum, en þá
koma allt að 7.000 viðskiptavinir
á klukkustund. Þegar álagið er
sem mest þarf stundum að grípa
til þess að hleypa viðskiptavinum
inn í hollum.