Dagblaðið Vísir - DV - 09.09.2011, Blaðsíða 27

Erlent | 27Helgarblað 9.–11. september 2011
n 10 ríkustu þingmenn Bandaríkjanna eiga ótrúleg auðæfi n Allir eru hvítir n Ein kona á listanum
Eiga 130 milljarða
1. Michael McCaul
Þingmaður Repúblikanaflokksins
frá Texas kemur frá ofurríkri fjöl-
skyldu. Eignir þingmannsins eru
metnar á 33,3 milljarða króna.
Tengdafaðir hans stofnaði eina af
stærstu útvarpsstöðvum Banda-
ríkjanna. Hann er auk þess stór-
tækur fasteignabraskari samhliða
því að vera þingmaður.
2. Darrell Issa
Þingmaður Repúblikanaflokks-
ins í Kaliforníu á 22,5 milljarða
króna. Hefur stundað ýmis við-
skipti en varð fyrst ríkur þeg-
ar hann stofnaði fyrirtæki sem
selur þjófavarnir í bíla. Árið 2010
græddi hann 7 milljarða króna
á nokkrum sprotafyrirtækjum
sem hann hafði stofnað skömmu
áður. Ágætt meðfram þing-
mennsku.
3. John Kerry
Þingmaður Demókrataflokksins
í Massachusetts og fyrrverandi
frambjóðandi til forseta Banda-
ríkjanna. Eignir Kerry eru metnar
á 22,4 milljarða króna. Ríkidæmi
þingmannsins er tilkomið vegna
þess að hann er giftur Teresu
Heinz Kerry, sem er ekkja John
Heinz, stofnanda Heinz-tómat-
sósufyrirtækisins.
4. Jay Rockefeller
Þingmaður Demókrataflokksins
í Vestur-Virginíu á 9,5 milljarða
króna. Maðurinn með fræga
ættarnafnið á auð sinni fjölskyld-
unni að þakka. Stærsti hluti auð-
æfanna er fjárfestingasjóður í JP
Moran Chase og fleiri bönkum.
Jay er afkomandi John D. Rocke-
feller sem stofnaði Standard Oil
og er talinn einn ríkasti maður
mannkynssögunnar.
5. Mark Warner
Þingmaður Demókrataflokksins
í Vestur-Virginíu á 8,8 milljarða
króna. Áður en hann náði kjöri
í bandarísku öldungadeildinni
stórgræddi hann á áhættufjár-
festingum í tæknifyrirtækjum.
Hann á einnig fyrirtækið Col-
umbia Capital Corp.
6. Jared Polis
Þingmaður Demókrataflokksins
í Colorado á 7,6 milljarða króna.
Polis er frumkvöðull í tækni-
bransanum og fjárfesti í nokkrum
internet-fyrirtækjum fyrir nokkr-
um árum. Hann seldi á réttum
tíma og mokgræddi. Eini sam-
kynhneigði maðurinn á listanum
og jafnframt sá yngsti.
7. Frank Lautenberg
Öldungadeildarþingmaður
Demókrataflokksins í New Jersey
græddi 580 milljónir króna í
fyrra og eru eignir hans metnar á
6,4 milljarða króna. Lautenberg
stofnaði Automatic Data Process-
ing sem er greiðslumiðlunar-
fyrirtæki og var forstjóri þess um
árabil. Hann á fasteignir víða í
New York, Connecticut, Flórída
og Hawaii.
8. Richard Blumenthal
Öldungadeildarþingmaður
Demókrataflokksins í Connecti-
cut á eignir sem eru metnar á 6,3
milljarða króna. Ríkidæmi Blu-
menthals kemur til vegna eigin-
konu hans, Cynthiu, sem er dóttir
fasteignarisans Peters Malkin.
Blumenthal á fasteignir víða um
heim, þar á meðal í Brasilíu og í
New York. Hann á að auki hluta í
einni frægustu byggingu heims,
Empire State Building.
9. Dianne Feinstein
Öldungadeildarþingmaður
Demókrataflokksins í Kaliforníu
á 5,2 milljarða króna. Eiginmaður
hennar, Richard Blum, á hlut í
CB Richard Ellis Group, Collec-
tive Brands, Avid Technology og
Career Education Corp. Feinstein
var áður borgarstjóri San Fran-
cisco og á nokkrar mjög verð-
mætar fasteignir í borginni.
10. Vern Buchanan
Þingmaður Repúblikanaflokksins
í Flórída er tíundi ríkasti þing-
maður Bandaríkjanna með eignir
upp á 5,1 milljarð króna. Áður
en hann varð þingmaður í neðri
deild bandaríska þingsins var
hann stórtækur bílasali í Flórída.