Dagblaðið Vísir - DV - 28.02.2014, Blaðsíða 4

Helgarblað 28. febrúar 20144 Fréttir
GRÍMSBÆ VIÐ BÚSTAÐAVEG · SÍMI 588 1230
Opið: mánudaga - laugardaga 10-19, sunnudaga 11-17
Annar hundurinn á lífi
V
ið höfum engar sannanir
um að neitt saknæmt hafi
átt sér stað,“ segir Antonía
Hermannsdóttir, dýra­
eftirlitsmaður hjá Matvælastofnun,
í samtali við DV. Blaðið greindi frá
því á dögunum að ábending um
slæma meðferð á hundum hefði
borist Matvælastofnun þann 6.
febrúar og varðaði ábendingin
sögusagnir um að tveir hundar
hefðu verið skildir eftir bundnir
ofan í baðkari yfir helgi. Annar
átti að hafa hengst í ólinni, en
hinn einhvern veginn hafa skrúf­
að frá eða brotið leiðslu og drep­
ist vegna bruna eða hita frá heitu
vatni. Samkvæmt heimildum DV
átti atvikið að hafa átt sér stað í
blokkaríbúð í Reykjavík og var eig­
andinn sagður hafa brugðið sér frá
yfir helgi. Á meðan áttu dýrin að
hafa verið tjóðruð eftir í baðkari á
baðherbergi íbúðarinnar. Antonía
segir að rannsókn hafi leitt í ljós
að ekkert saknæmt átti sér stað í
íbúðinni. Hún segir að ljóst hafi
verið að annar hundurinn sem átti
að hafa verið í íbúðinni sé á lífi.
„Það er hægt að staðfesta það
að slökkvilið kom á staðinn og
það var leki,“ segir Antonía. „Við
vitum til þess að annar hundurinn
sem sagður var hafa verið þarna
er á lífi,“ segir hún en segir lík­
legt að hinn hundurinn hafi drep­
ist. Það hafi hins vegar ekki gerst
á saknæman hátt. Aðspurð hvort
hundarnir hafi verið skildir eftir í
baðkarinu einir yfir helgi segir hún
það ekki vera rétt. „Við teljum mál­
ið vera fullrannsakað. Við töluðum
við mjög marga og höfum gengið
frá þessu máli hér hjá okkur,“ segir
Antonía. n
astasigrun@dv.is
Tveir hundar voru sagðir hafa drepist í baðkari meðan eigandinn brá sér frá
Lagaheimild Matvælastofnun hefur
heimild til þess að vísa málum sem þessum
til lögreglu en í þessu tilfelli var ekki ástæða
til þess að sögn.
Vilja aukinn
byggðakvóta
Hverfisráð Hríseyjar lagði fram
ályktun á síðasta fundi bæjarráðs
Akureyrar, þar sem áhyggjum
var lýst vegna þróunar atvinnu­
mála í Hrísey. Fiskvinnslufyrir­
tækið Hvammur sagði upp öllum
starfsmönnum sínum nýverið,
en þeir telja 7,5% íbúa eyjarinnar.
Ráðið telur mikilvægt að grípa
til aðgerða sem skili sér til lengri
tíma. Telur hverfisráðið að bæjar­
ráð þurfi að beita sér fyrir því
að fjármagn verði sett í verkefni
Byggðastofnunar um brothættar
byggðir, til þess að þeir sem
stunda fiskveiðar frá Hrísey fái
aukinn byggðakvóta og að að­
stæður lítilla fyrirtækja í sjávarút­
vegi verði tryggðar.
Skikkuðu bankann
til að fylgja lögum
Samherjamálið er enn til rannsóknar hjá sérstökum saksóknara
B
ankaráð Seðlabanka Ís­
lands, sem er pólitískt skipað,
beitti sér fyrir því að dótturfé­
lag Samherja fengi gögn um
rannsókn bankans á meint­
um gjaldeyrisbrotum félagsins. Þetta
kom fram í bréfi sem Gústaf Baldvins­
son, framkvæmdastjóri dótturfélags­
ins Seagold Ltd., birti á vef Samherja
nú í febrúar.
Seðlabankinn hafði meint brot
Samherja á lögum um gjaldeyrisbrot
til meðferðar áður en málið var sent
til sérstaks saksóknara. Samherji hefur
deilt harkalega á bankann vegna rann­
sóknarinnar. Meðal þess sem Sam­
herji reyndi að gera var að fá rann­
sóknargögnin í málinu í hendur. Um
þetta sagði Gústaf í bréfi sínu: „Um
alllangt skeið höfum við hjá Seagold
reynt að fá rannsóknargögnin í hend­
urnar. Seðlabanki Íslands hefur ætíð
neitað að verða við þeirri beiðni. Um
tíma sögðu talsmenn bankans að þeir
væru búnir að afhenda sérstökum sak­
sóknara gögnin og hefðu engin gögn
undir höndum lengur.“
Ríkissaksóknari beitti sér
Í bréfi sínu rakti Gústaf að Samherji
hefði ekki fengið gögnin fyrr en í ríkis­
saksóknari og bankaráð Seðlabanka
Íslands hefði beitt sér fyrir því að gögn­
in yrðu afhent. „Það var ekki fyrr en
nýverið sem Ríkissaksóknari skarst í
leikinn og úrskurðaði að það bæri að
afhenda okkur rannsóknargögnin. Úr­
skurður frá Ríkissaksóknara einn og
sér nægði þó ekki, heldur þurfti inn­
grip frá bankaráði Seðlabankans til
þess að fá stjórnendur bankans til að
framfylgja úrskurðinum og afhenda
okkur gögnin. Það er því fyrst núna,
um tveimur árum eftir að sakir voru á
okkur bornar, að við eigum möguleika
á að tjá okkur um sakarefnið.“
Ríkissaksóknari taldi því að Seðla­
bankinn ætti að afhenda gögnin en
stjórnendur bankans töldu ekki að
honum bæri að gera það. Stjórnend­
ur bankans létu svo ekki undan fyrr
en eftir að bankaráðið hafði skorist í
leikinn.
Ólöf segist bundin trúnaði
DV hafði samband við Ólöfu Nordal,
formann bankaráðs Seðlabanka Ís­
lands og fyrrverandi varaformann
Sjálfstæðisflokksins, til að spyrja
hana út í málið og ástæðuna fyrir inn­
gripi bankaráðs Seðlabanka Íslands.
„Veistu, ég vil ekkert tjá mig um það.
Ég get alveg staðfest að bréf barst en
ég vil ekkert um þetta tjá mig […] Ég
get sagt þér að bankaráð fékk bréf en
ég ætla ekki að tjá mig um þetta mál.
Það er nú yfirleitt trúnaður um allt
sem fer fram á bankaráðsfundum og
ég ætla ekki að tjá mig neitt um það.“
Þorsteinn Már Baldvinsson segir að
umrætt bréf hafi komið frá lögmanni
Samherja sem hafi ýtt á eftir því að
útgerðarfyrirtækið fengi gögnin um
rannsóknina.
Bankaráðið hefur eftirlit
Samkvæmt lögum um Seðla­
banka Íslands á bankaráð
að fylgjast með því að bank­
inn fari að lögum. Í 28. grein
í lögum um starfsemi Seðla­
banka Íslands segir: „Banka­
ráð hefur eftirlit með því að
Seðlabanki Íslands starfi í
samræmi við lög sem um
starfsemina gilda.“
Miðað við staðreyndir
málsins þá taldi ríkissaksóknari að
Seðlabankinn ætti að veita Sam­
herja aðgang að umræddum gögn­
um, stjórnendur bankans voru hins
vegar ekki sammála þeirri túlkun en
það var ekki fyrr bankaráðið greip inn
í að orðið var við beiðni Samherja.
Þetta þýðir annaðhvort að stjórnend­
ur Seðlabanka Íslands hafa ekki farið
eftir lögum um starfsemi bankans eða
að ríkissaksóknari og bankaráðið túlki
lögin ekki með réttum hætti. Þessi
saga er enn eitt dæmi um það hversu
eldfimt Samherjamálið er og hefur
verið eftir að það kom til kasta Seðla­
banka Íslands.
Samkvæmt heimildum DV er Sam­
herjamálið enn til rannsóknar hjá
embætti sérstaks saksóknara síðan
það barst honum frá Seðlabanka Ís­
lands. Ekki liggur fyrir hvort og þá
hvenær sú rannsókn muni leiða til
ákæru eða frávísunar. Einhverjar yfir­
heyrslur hafa farið fram í tengslum við
rannsókn málsins.
DV hafði samband við Þorstein
Má Baldvinsson, forstjóra Samherja,
og hann staðfesti að hann hefði ver­
ið boðaður í yfirheyrslu hjá sérstökum
saksóknara. „Ég var boðaður þangað
og talaði við þá.“ n
Bundin trúnaði Ólöf Nordal, formaður
bankaráðs Seðlabanka Íslands, segist
bundin trúnaði um af hverju ráðið veitti
Samherja aðgang að rannsóknargögnum
í meintu gjaldeyrisbrotamáli.
„Ég get sagt
þér að banka-
ráð fékk bréf
Verðbólgan
minnkar hratt
Verðbólga hér á landi hefur ekki
verið minni frá því í upphafi árs
2011. Í febrúar mældist ársverð­
bólga 2,1 prósent samkvæmt
nýrri mælingu Hagstofu Íslands
á vísitölu neysluverðs. Vitnað
er til mælingarinnar á vefsíðu
ASÍ. Þar kemur fram að á milli
janúar­ og febrúarmánaðar hafi
verðlag hækkað um 0,67 pró­
sent vegna hækkana á fötum og
skóm í kjölfar útsöluloka auk
hækkana á flugfargjöldum og
eldsneyti. Á móti vegur að verð
á mat­ og drykkjarvörum lækk­
aði frá fyrra mánuði. Lítið bólar
á lækkun á innfluttum mat­
vörum þrátt fyrir mikla gengis­
styrkingu undanfarna mánuði
og yfirlýsingar forsvarsmanna
matvöruverslana um lækkanir á
vöruverði, að sögn ASÍ.
Yfirheyrslur hafa átt sér stað Sérstakur
saksóknari er með Samherjamálið til rannsóknar
og hafa yfirheyrslur farið fram í því. Þorsteinn Már
Baldvinsson er forstjóri Samherja. MYnd SigtRYgguR ARi
ingi Freyr Vilhjálmsson
Sigurður Mikael Jónsson
ingi@dv.is / mikael@dv.is