Dagblaðið Vísir - DV - 28.02.2014, Blaðsíða 11

Helgarblað 28. febrúar 2014 Fréttir 11
Það gerist ekkert
án fjárveitingar
Þ
að gerist ekkert nema fjár-
veiting komi fyrir undirbún-
ingsvinnu,“ segir Friðþór Ey-
dal, talsmaður Isavia, þegar
blaðamaður spyr hann um
hvort fyrirtækið hyggist nota efni úr
Vaðlaheiðargöngum til að byggja
flughlað á Akureyrarflugvelli. „Isavia
gerir ekkert í flugvallarkerfinu inn-
anlands nema það sé á fjárlögum.“
Friðþór segir að það liggi fyrir
ófrágenginn samningur við atvinnu-
vegaráðuneytið varðandi málið.
Hann skýrir jafnframt frá því að enn
sé óvíst hvort efnið verði notað í flug-
hlað eða eitthvað annað. Boltinn sé
hjá Alþingi sem gefur út samgöngu-
áætlun.
Gefur svar í vikunni
Þórir Hrafnsson, upplýsingafulltrúi
atvinnuvega- og nýsköpunarráðu-
neytisins, segir málið tilheyra græn-
um framkvæmdum frá tíma síðustu
ríkisstjórnar. „Það er fyrirspurn sem
forsætisráðherra mun svara í þessari
viku, að ég held,“ segir Þórir.
Það liggur einmitt fyrir fyrirspurn
á Alþingi frá Katrínu Jakobs dóttur,
formanni Vinstrihreyfingarinn-
ar - græns framboðs og fyrrverandi
mennta- og menningarmálaráð-
herra, þar sem óskað er eftir sundur-
liðun yfir þau grænu verkefni sem
fjármunum var ráðstafað til. „Bæði
greidda styrki og loforð um styrki,
sem og stuttri lýsingu á hverju ver-
kefni og upplýsingum um aðstand-
endur verkefnanna,“ segir í fyrir-
spurninni. Katrín óskar eftir skriflegu
svari.
Leita að nýjum efnilosunarstöðum
Valgeir Bergmann Magnússon, fram-
kvæmdastjóri Vaðlaheiðarganga hf.
og byggingartæknifræðingur, segir
að efni úr Vaðlaheiði verði notað til
þess að byggja göngustíg meðfram
Drottningarbraut á Akureyri. Hann
segir að gangagröftur gangi það
vel að verið sé að leita eftir nýjum
efnilosunarstöðum.
„Staðan er þannig að það hefur
safnast fyrir mikið efni úr göngun-
um sem var upphaflega eyrnamerkt
stækkun flughlaðs Akureyrarflug-
vallar,“ segir Valgeir við DV. „Ef ég skil
Isavia rétt þá hafa þeir ekki peninga
tilbúna til þess að borga fyrir flutn-
ingana frá efnilosunarsvæðinu okk-
ar við göngin og að flughlaðinu. Það
verður ekki byrjað að keyra efnið á
flugvallarsvæðið fyrr en málið verður
leyst. Á meðan svo er ekki höfum við
reynt að bjarga okkur vegna þess að
það fyllist allt á efnilosunarsvæðinu.“
Vill eyða óvissunni
Þann 1. febrúar árið 2013 var
skrifað undir samninga um gerð
Vaðlaheiðarganga. Ári síðar ganga
framkvæmdir prýðilega, en ljóst er
að með tilkomu þeirra muni sam-
göngumál gjörbreytast á Norður-
landi. Göngin liggja á milli Eyja-
fjarðar og Fnjóskadals og verða
rúmlega sjö kílómetra löng. Með
göngunum styttist vegalengd milli
Akureyrar og Húsavíkur um 16 kíló-
metra og ekki þarf lengur að fara
um fjallveginn Víkurskarð sem getur
verið erfiður á veturna.
„Að eyða óvissunni væri best,“
svarar Valgeir aðspurður hvort hann
vonist til þess að Isavia fái það fjár-
magn sem þarf til framkvæmdanna.
„Í sjálfu sér erum við ekkert að hagn-
ast á þessu. Ef það væri bara staður
sem hægt væri að losa efnið á þá væri
það gott. Óvissan er leiðinlegust.
Við erum aðeins rólegri í bili þar
sem Akureyrarbær fékk 30 þúsund
rúmmetra, sem gefur okkur í kring-
um tvo mánuði.“ n
Ingólfur Sigurðsson
ingolfur@dv.is
„ Isavia gerir ekkert
í flugvallarkerfinu
innanlands nema það sé
á fjárlögum.
Segir óvissuna leiðinlega Valgeir Bergmann hlakkar til að fá lausn í málið. Mynd Facebook
Reisa verksmiðju fyrir afsláttarfé
Í
slenska fyrirtækið Algalíf Iceland
ehf. nýtir sér fjárfestingarleið Seðla-
bankans til að flytja inn gjaldeyri til
að fjármagna þörungaverksmiðju
á Ásbrú á Reykjanesi. Þetta staðfest-
ir framkvæmdastjóri Algalífs, Skarp-
héðinn Orri Björnsson. Þannig geta
fjárfestarnir í Algalífi fengið 20% af-
slátt þegar þeir skipta gjaldeyrinum í
krónur. Í þörungaverksmiðjunni verða
framleidd andoxunarefni sem notuð
verða í vítamín og fæðubótarefni.
Á heimasíðu Verðbréfaskráningar
Íslands kemur fram að þann 11.
febrúar hafi Algalíf farið í skuldabréfa-
útboð. Slík skuldabréfaútboð eru not-
uð af aðilum sem vilja nýta sér fjár-
festingarleið Seðlabanka Íslands.
Heildarumfang skuldabréfaútgáfunn-
ar nemur tveimur milljörðum króna
en fyrst um sinn er byrjað á tæplega
111 milljónum króna. Fjárfestingar-
leiðin gengur þannig fyrir sig að ís-
lensk fyrirtæki gefa út skuldabréf sem
svo eru keypt með fjármagni frá er-
lendum aðilum. 20 prósenta afsláttur-
inn af krónunum kemur til sögunnar
þegar erlenda gjaldeyrinum er skipt
yfir í krónur hjá Seðlabanka Íslands.
Skarphéðinn Orri segir fjármagn-
ið í þörungaverksmiðjunni koma frá
norskum fjárfestum: „Þeir eru að fjár-
magna okkur fyrir eigið fé.“ Skarphéð-
inn segir að eins og er sé gert ráð fyrir
því að allt fjármagnið í verkefninu
komi frá Noregi.
Hins vegar kunni að vera að ís-
lenskir aðilar hafi áhuga á þörunga-
verksmiðjunni og að þá geti þeir hugs-
anlega komið inn í verkefnið. „Það er
áhugi hérna innanlands en það er ekk-
ert fast í hendi. Það er ekki 100 prósent
ákveðið að allt fjármagnið komi frá
Noregi. Þetta fer eftir því hvað menn
eru áhugasamir hér heima þegar kem-
ur að því. Annars er þetta bara fjár-
magn frá Noregi.“ Fjárfestingarleiðinni
var komið á til að liðka til fyrir fjár-
festingum erlendra aðila á Íslandi í
kjölfar hrunsins og setningar gjaldeyr-
ishaftanna. „Við erum að nýta okkur
jákvæðu hliðarnar á þessum höftum
sem eru annars ekkert jákvæð,“ segir
Skarphéðinn Orri.
Á meðal þeirra sem DV hafa nýtt sér
fjárfestingaleið Seðlabankans, og DV
hefur fjallað um, eru Bakkavararbræð-
urnir, Lýður og Ágúst Guðmundssyn-
ir, Ólafur Ólafsson í Samskipum og
Róbert Guðfinnsson á Siglufirði. Fjár-
festingarleiðin auðveldar þeim sem
eiga fé erlendis að fjárfesta á Íslandi og
komast þeir í betri stöðu en þeir sem
eiga bara fé á Íslandi þar sem þeir geta
boðið hærra verð í íslenskar eignir.
Skarphéðinn segir að um 30 starfs-
menn muni vinna hjá Algalífi eftir að
búið verður að reisa þörungaverk-
smiðjuna á Ásbrú. „Þegar við verðum
komnir í fullan gang verðum við þrjá-
tíu en nú erum við tólf. Ég reikna með
því að við verðum orðin 15 til 16 eftir
nokkra daga.“
Hann segir að búið verði að reisa
verksmiðjuna einhvern tímann á
næsta ári. Gert er ráð fyrir að fram-
leiðsla geti hafist á fullu árið 2016.
Verksmiðjan á að vera 7.500 fermetrar
að stærð. n ingi@dv.is
Fyrirtækið Algalíf á Reykjanesi nýtir sér fjárfestingarleiðina til að flytja inn fé frá Noregi
afsláttur Skarphéðinn
Orri sést hér við hlið
Ragnheiðar Elínar og
Árna þegar samningur um
þörungaverksmiðjuna var
undirritaður. Mynd PreSSPhotoS
Lúxusstólar í
ríkisstofnun
Fjármálaeftirlitið eyddi sam-
tals 792 þúsund krónum í tvo
stóla á skrifstofu forstjórans,
Unnar Gunnarsdóttur, í sept-
ember síðastliðnum. Um er að
ræða þekkta hönnunarvöru sem
heitir Svanurinn og hönnuð er
af danska hönnuðinum Arne
Jacob sen.
Markaðurinn, fylgirit Frétta-
blaðsins, greinir frá þessu. Þar
er haft eftir upplýsingafulltrúa
FME að kaup stofnunarinnar á
stólunum hafi
verið loka-
hnykkurinn
í 66 milljóna
króna endur-
nýjun á hús-
búnaði sem
hófst árið
2011 þegar
ríkisstofnun-
in var flutt í
nýtt húsnæði
á Katrínar-
túni 2.
Fram kem-
ur í blaðinu
að 9,4 millj-
ónum hafi
verið varið í
að endurinn-
rétta ellefu
einkaskrif-
stofur stjórn-
enda FME á
þessum tíma.
Það gera 857
þúsund krón-
ur á hverja
skrifstofu.
Í blaðinu gagnrýnir Guðlaug-
ur Þór Þórðarson, varaformaður
fjárlaganefndar Alþingis og
þingmaður Sjálfstæðisflokksins,
þessi fjárútlát og segir tölurnar
staðfesta að hjá FME ríki ann-
ar kúltúr en á mörgum öðrum
ríkis stofnunum. „Eftirlit er mikil-
vægt en það verður að gera kröf-
ur til þess að menn fari vel með
almannafé, þar eins og annars
staðar,“ er haft eftir Guðlaugi.
„Það
verð-
ur að gera
kröfur til
þess að
menn fari
vel með al-
mannafé.
n Framkvæmdastjóri Vaðlaheiðarganga vill eyða óvissunni