Dagblaðið Vísir - DV - 04.04.2014, Qupperneq 8

Helgarblað 4.–7. apríl 20148 Fréttir
OKKAR
LOFORÐ:
Lífrænt og
náttúrulegt
Engin
óæskileg
aukefni
Persónuleg
þjónusta
HEILSU-
SPRENGJA
20% afsláttur
Grænn apríl í Lifandi markaði
G
il
d
ir
f
rá
3
. -
1
0
. a
pr
íl
2
01
4
Borgartún 1 Fákafen 1 Hæðasmári
www.lifandimarkadur.is
Jón Bjarki Magnússon
jonbjarki@dv.is
Fleiri börn tekin
frá Haítí-fjölskyldu
n Dætur Vanessu Francois teknar af heimilinu n Faðir hennar farinn úr landi
É
g vil fá dætur mínar aft­
ur heim,“ segir Vanessa
Francois, 26 ára haítísk kona,
í samtali við DV. Dætur henn­
ar tvær, fjögurra og átta ára,
voru samkvæmt ákvörðun Barna­
verndarnefndar Reykjavíkur tekn­
ar úr umsjá hennar þann 21. mars
síðastliðinn. Eftir tvo mánuði verð­
ur tekin ákvörðun um framhaldið
en þær eru núna búsettar í barna­
húsi. Engin svör fengust um það frá
barnaverndarnefnd hvaða ástæður
lægju að baki þeirri ákvörðun að taka
stúlkurnar af heimilinu.
Veit ekki hvar þær eru
Aðspurð segist Vanessa ekki vita hvar
dætur hennar séu niðurkomnar. Þær
eru ekki fyrstu börnin sem tekin eru
af heimilinu. DV fjallaði um málefni
fjölskyldunnar í byrjun mars en þá
var búið færa frænku Vanessu, sex
ára stúlkubarn, í hendur fósturfor­
eldra. Stúlkan hafði komið hingað
til lands á grundvelli fjölskyldusam­
einingar árið 2012 með foreldrum
Vanessu – afa sínum og ömmu – en
móðir hennar lést í jarðskjálftanum á
Haítí árið 2010.
Hæstiréttur Íslands staðfesti
þann 24. janúar síðastliðinn úrskurð
Héraðsdóms Reykjavíkur um að
stúlkan skyldi vistuð utan heimilis í
sex mánuði, en þá þegar hafði hún
verið hjá fósturforeldrum í mánuði.
Úrskurðurinn byggði meðal annars á
nafnlausum ásökunum um ofbeldi,
vanrækslu og mansal sem síðar voru
hraktar. Eftir að stúlkan var komin í
hendur fósturforeldra greindi RÚV
frá því að grunur hefði vaknað um að
afinn hefði beitt stúlkuna kynferðis­
ofbeldi og að málið væri til rann­
sóknar hjá lögreglu. Þá var afinn hins
vegar farinn úr landi.
Þögull lögmaður
Vanessa segir ásakanir á hendur föð­
ur sínum úr lausu lofti gripnar en
samkvæmt frétt RÚV frá 14. mars
síðastliðnum hafa grunsemdir um
ofbeldi á heimilinu fremur aukist
en hitt eftir að málinu var vísað til
lögreglu. Þá segir Vanessa að fað­
ir hennar vilji koma aftur til lands­
ins enda hafi hann ekki vitað af lög­
reglurannsókninni þegar hann fór
til Haítí.
Lögmaður fjölskyldunnar,
Þuríður Halldórsdóttir, vildi ekkert
tjá sig um málið í samtali við DV.
Barnaverndarnefnd Reykjavíkur
lagði inn kvörtun til Lögmannafé­
lagsins á dögunum vegna meintra
brota Þuríðar á siðareglum lög­
manna. Taldi nefndin að Þuríður
hefði látið fjölmiðlum í té upplýs­
ingar úr máli sem trúnaður eigi að
ríkja um.
Fjölskyldusameining
Á meðal þeirra upplýsinga sem DV
byggði umfjöllun sína á var um­
sögn frá leikskóla stúlkunnar sem
tekin var af heimilinu á síðasta ári,
en sömu upplýsingar voru birtar í
úrskurði héraðsdóms. Þar kemur
fram að hún sé „mjög kát og hress.“
Þá segir að hún sé ákveðin og sýni
umhverfinu mikinn áhuga, komi
ávallt hrein og í hreinum fötum á
leikskólann, og að umhirða hennar
og aðbúnaður hafi verið með ágæt­
um. Í umsögninni segir enn frekar
að stúlkan sé umhyggjusöm, góð
við alla og láti kennara vita ef ein­
hver geri henni eitthvað.
Vanessa settist að hér á landi
ásamt íslenskum eiginmanni
sínum árið 2008. Tveimur árum síð­
ar létust fjórar systur hennar í jarð­
skjálftanum sem reið yfir Haítí árið
2010. Vanessa studdi foreldra sína,
systur og frændsystkin með því að
senda peninga heim til fjölskyldu
sinnar en þau héldu til í tjaldbúðum
eftir að þau misstu híbýli sín í jarð­
skjálftanum.
Þegar hún fékk þau skila­
boð frá íslenskum yfirvöldum að
hún gæti boðið fjölskyldumeð­
limum að koma hingað til lands á
grundvelli fjölskyldusameiningar
bauð hún foreldrum sínum að
koma. Þau bjuggu ásamt tveimur
barnabörnum sínum og dóttur hjá
Vanessu og dætrum hennar tveim­
ur. Þröngur húsakostur var ástæða
þess að Barnaverndarnefnd Reykja­
víkur sá ástæðu til þess að skoða að­
stæður fjölskyldunnar nánar. n
Börnin tekin Þrjú börn
hafa verið tekin af heimili
Francois-fjölskyldunnar
í Breiðholti á síðustu
mánuðum.
Mynd Sigtryggur Ari
„Ég vil fá
dætur
mínar aftur heim
Réðst á
ökumann
Héraðsdómur Reykjaness hef­
ur dæmt karlmann í 30 daga
skilorðsbundið fangelsi fyr­
ir líkamsárás og eignaspjöll.
Maðurinn var ákærður fyrir
að hafa laugardaginn 3.
ágúst í fyrra, á gatnamótum
Reykjanesbrautar, Sæbrautar
og Bústaðavegar, brotið hliðar­
rúðu bifreiðar og veist að ök­
umanni hennar. Sló hann
manninn meðal annars í and­
litið með þeim afleiðingum
að fórnarlambið hlaut bólgu á
vinstra auga, vinstra kinnbein,
skrámur á kinn og efri vör.
Maðurinn, sem er fæddur
árið 1975, játaði brot sitt fyrir
dómi en frá árinu 2011 hefur
honum fimm sinnum verið
gerð refsing. Fangelsisdómur­
inn er skilorðsbundinn til
tveggja ára.
Stöðvuðu
meintar Nike-
eftirlíkingar
Tollverðir stöðvuðu nýlega
fjórar sendingar í Flugstöð Leifs
Eiríkssonar, sem taldar voru inni­
halda eftirlíkingar af Nike­skóm.
Í tilkynningu frá tollinum kem­
ur fram að um hafi verið að ræða
hraðsendingar sem komu frá Kína
sem einstaklingur stóð að innflutn­
ingi á. Sendingarnar voru stöðvað­
ar samkvæmt heimild í tollalögum
vegna gruns um að þær innihéldu
falsaðar vörur og var rétthafa Nike­
merkisins tilkynnt um málið í kjöl­
farið. Rétthafi hefur kært málið til
lögreglunnar á Suðurnesjum sem
annast rannsókn þess.
Í tilkynningunni kemur fram
að embætti tollstjóra taki nú þátt
í alþjóðlegu verkefni sem beinist
gegn vörufölsun og tengslum við
fjölþjóðlega skipulagða glæpastarf­
semi. Falsaður varningur er oft og
tíðum framleiddur við ófullnægj­
andi aðstæður af vinnuafli sem ekki
fær greidd mannsæmandi laun.
Það er gríðarlega mikilvægur lið­
ur í baráttunni gegn vörufölsun að
fólk sé meðvitað um þær afleiðingar
sem þessi iðnaður hefur í för með
sér. Þannig séu minni líkur á að al­
menningur kaupi slíkar vörur og
styrki þannig skipulagða glæpastarf­
semi. Þá getur falsaður varningur
hreinlega verið hættulegur.