Dagblaðið Vísir - DV - 04.04.2014, Qupperneq 36

36 Lífsstíll Helgarblað 4.–7. apríl 2014
Arnhildur Anna Árnadóttir kraftlyftingakona stefnir hátt
Þ
etta var markmiðið, þetta er
svona mín grein. En svo gekk
mér bara ágætlega í hinum
greinunum,“ segir kraftlyft-
ingakonan Arnhildur Anna
Árnadóttir, sem varð nýlega Íslands-
meistari í hnébeygju. Arnhildur lyfti
þar 185 kílóum og setti nýtt Íslands-
met í leiðinni.
Mamma mikil hvatning
Arnhildur er þó ekki hætt og ætlar
sér stærri hluti í íþróttinni. „Ég stefni
á að gera enn betur, ég er einmitt á
leiðinni út að keppa á Evrópumóti,“
segir Arnhildur en hún er á leið til
Rússlands að keppa fyrir Íslands
hönd ásamt fleiri keppendum þann
8. apríl. Arnhildur er búin að ná góð-
um árangri á stuttum tíma en hún
byrjaði fyrst að æfa kraftlyftingar fyrir
tveimur árum en hún æfði fimleika
áður.
Lyftingahæfileikana á Arnhildur
þó ekki langt að sækja en mamma
hennar, Borghildur Erlingsdóttir, á
glæstan lyftingaferil að baki og segir
Arnhildur það hafa haft mikil áhrif
á sig. „Hún var mér mikil hvatning.
Mér þótti hún svo ótrúlega flott og
mig langaði eiginlega bara pínulítið
að verða svona líka. Ég vissi líka að ég
hefði einhvern styrk af því að ég var
í fimleikum svo lengi. Þannig að ég
ákvað bara að slá til.“
Borðar hreinan mat
Aðspurð um stöðu kraftlyftinga-
kvenna á Íslandi segir hún íþróttina
vera í miklum vexti. „Já, líka sérstak-
lega núna þar sem það eru komnar
svo margar konur sem eru að taka
þátt þannig að þetta er orðin mikil
keppni á milli okkar. Því er hrikalega
skemmtilegt að fylgjast með þessu.“
Sem kraftlyftingakona þarf Arn-
hildur að hugsa vel um mataræðið
en hún segist þó ekki borða margar
próteinstangir. „Ég hugsa rosalega
mikið um mataræðið, ég reyni bara
að borða hreinan mat. Ég sneiði fram
hjá mjólkurvörum, brauði, sælgæti
og slíku og náttúrlega líka áfengi. En
ég veit ekki með svona próteinstangir,
ég borða bara mikið af eggjum í stað-
inn,“ segir Arnhildur hlæjandi, en
hún æfir fjórum til sex sinnum í viku.
Eins sterk og hún getur
Arnhildur segist ekki vera alveg viss
um hver langtímamarkmið hennar
séu. „Nú veit ég eiginlega ekki alveg,
þetta er svolítið stór spurning. En
bara að vera eins sterk og ég get. Mig
langar náttúrlega að komast á pall í
útlöndum á alþjóðamótum. Það væri
náttúrlega frábært. En ég veit ekki
alveg með langtímamarkmið, bara
vera í þessu eins lengi og ég get,“ segir
Arnhildur að lokum. n
Jón Steinar Sandholt
jonsteinar@dv.is
„Það eru komnar
svo margar konur
sem eru að taka þátt
þannig að þetta er orðin
mikil keppni á milli okkar.
Keppir fyrir Íslands hönd Arnhildur er á leið til Rússlands að keppa.
„Vil bara vera eins
sterk og ég get“
Arnhildur Anna Árnadóttir
Arnhildur hefur æft í tvö ár og
setti Íslandsmet fyrir stuttu.
Myndir Sigtryggur Ari
Ungt íþrótta-
fólk með betra
minni í ellinni
Samkvæmt nýrri bandarískri
rannsókn hefur regluleg hreyfing
í æsku verndandi áhrif á heilann
seinna á lífsleiðinni.
Íþróttir viðhalda líkamlegri
hreysti – og betra minni í ellinni.
Þetta kemur fram í rannsókninni
sem birtist í tímaritinu Neurology.
Vísindamenn við háskólann í
Minnesota, sem rannsökuðu tæp-
lega 3.000 heilbrigða einstaklinga
í kringum 25 ára aldur og svo aftur
20 árum síðar, segja niðurstöðurn-
ar ýta undir fyrri hugmyndir um að
hreyfing hafi góð áhrif á heilabúið.
Þátttakendur sem hlaupið
gátu lengur en aðrir þegar þeir
voru ungir stóðu sig betur á
minnisprófi 20 árum seinna. Jafn-
vel þegar breytur á borð við reyk-
ingar, sykursýki og hátt kólesteról
voru teknar með í reikninginn.
Dagsljósið
léttir okkur
Reglulegur skammtur af dags-
ljósi snemma um morgun virðist
hafa jákvæð áhrif á baráttuna við
aukakílóin. Þetta kemur fram í
rannsókn vísindamanna en fjall-
að var um niðurstöðurnar í Los
Angeles Times.
Vísindamenn komust að því
að þeir sem nutu dagsljóss í hálf-
tíma einhvern tímann á milli
átta og hádegis voru líklegri til
að hafa lægri BMI-stuðul burtséð
frá því hversu mikinn mat þeir
innbyrtu. Vísindamenn útskýra
áhrif dagsljóssins út frá genum
tengdum líkamsklukku okkar
sem svo kveikja á efnaskiptun-
um. Þeir mæla enn fremur með
því að of þungir einstaklingar
eyði kaffihléum sínum undir
beru lofti eða við glugga.