Dagblaðið Vísir - DV - 11.12.2009, Blaðsíða 6

Sandkorn
n Finnur Ingólfsson er horf-
inn á braut úr byggingarnefnd
aðalstöðva Ungmennafélags
Íslands. Honum var skipt út úr
nefndinni á dögunum. Nefnd-
in hefur það verkefni að hafa
yfirumsjón
með bygg-
ingu nýrra
aðalstöðva
UMFÍ á lóð
í miðborg
Reykjavíkur
sem borgin
gaf vilyrði
fyrir að af-
henda endurgjaldslaust. Hins
vegar hljóp snurða á þráðinn
þegar DV greindi frá því vorið
2007 að til stæði að reisa hót-
el sem hluta af byggingunni.
Edduhótel áttu þá að reka hót-
elið en einn af helstu eigend-
um Icelandair, móðurfélags
Edduhótela, var einmitt bygg-
ingarnefndarmaðurinn Finnur
Ingólfsson sem var því beggja
vegna borðs.
n Eitt af því sem vakti athygli
við ákvörðun borgaryfirvalda
haustið 2006 var að dýrmætri
lóð í miðborg Reykjavíkur væri
lofað til samtaka sem rækju
nær alla starfsemi sína á lands-
byggðinni.
Ungmenna-
félag Íslands
var þá með
aðeins tíu
prósent
aðildarfé-
laga sinna í
höfuðborg-
inni. Meðal
þeirra sem stóðu að ákvörð-
uninni í borgarstjórn þá var
Björn Ingi Hrafnsson, þáver-
andi oddviti framsóknarmanna
í borginni, sem hafði nýlega
myndað meirihluta með sjálf-
stæðismönnum í borginni.
Hann er einmitt flokksbróðir
Finns Ingólfssonar, byggingar-
nefndarmanns hjá Ungmenna-
félagi Íslands.
n Skrautlegt kapphlaup er hafið
á samskiptavefnum Facebook.
Þar keppast stuðningsmenn
og andstæðingar Evrópusam-
bandsaðildar við að safna
fylgismönnum. Markmiðið er
að verða á undan hvorum öðr-
um í að ná tíu þúsund félags-
mönnum. Á fimmtudagskvöld
var ekki annað að sjá en að
fullveldissinnar hefðu talsvert
forskot á Evrópusinna. Þannig
voru 5.300 á lista fullveldis-
sinna en 2.100 á lista Evrópu-
sinna. Hóparnir á Facebook
nefnast Evrópusinnar á undan
andstæðingum Evrópusam-
bandsaðildar upp í 10.000
manns og Fullveldissinnar á
undan Evrópusinnum upp í
10.000 manns. Svo er bara að
sjá hverju þetta skilar.
6 föstudagur 11. desember 2009 fréttir
Kleppsvegi 48 | 104 Reykjavík
Sími: 698 6738 | lp-verk.is
LP-verk ehf sérhæfir sig
í viðhaldi á fasteignum
úti sem inni.
Flísalagnir - Múrviðgerðir
lekaviðgerðir - steypuviðgerðir
trésmíðavinna - málningavinna
blikksmíði - pípulagnir
eða raflagnir
Tæplega þrítugur karlmaður er grun-
aður um að hafa nauðgað sextán ára
stúlku á Snæfellsnesi um síðustu
helgi. Samkvæmt upplýsingum frá
lögreglunni átti meint nauðgun sér
stað í samkvæmi á heimili mannsins,
aðfaranótt sunnudagsins 6. desem-
ber. Lögreglan í Snæfellsbæ fór upp-
haflega með rannsókn málsins, en
hún er nú í höndum lögreglunnar á
Akranesi. Samkvæmt heimildum DV
hefur lögreglan yfirheyrt nokkur vitni
undanfarna daga vegna málsins.
Stúlkan var færð til læknis dag-
inn eftir og samkvæmt heimildum
bar hún sjáanlega áverka eftir hina
meintu nauðgun. Heimildarmaður
DV fullyrðir að hinn grunaði sé sak-
aður um að hafa keflað stúlkuna og
nauðgað henni í samkvæminu.
Maðurinn sem grunaður er í mál-
inu var handtekinn á sunnudag og
úrskurðaður í gæsluvarðhald sam-
dægurs. Honum var haldið á lög-
reglustöðinni á Akranesi í rúma tvo
sólarhringa en sleppt úr varðhaldi
á þriðjudagskvöldið. Hann neitaði
allri sök í yfirheyrslum lögreglunnar.
Í samtali við DV neitar hinn grunaði
því hins vegar ekki að hafa átt sam-
ræði við stúlkuna. Hann neitar því
hins vegar alfarið að hafa nauðg-
að stúlkunni. „Þetta er lygi, algjör
steypa,“ segir maðurinn.
valgeir@dv.is
Tæplega þrítugur karlmaður var úrskurðaður í gæsluvarðhald:
Grunaður um að nauðga ungri stúlku
Nauðgun Tæplega þrítugur karlmaður
er grunaður um nauðgun. Hann neitar
sök.
„Við strákarnir í áhöfninni vorum að
ræða málin, hvað ástandið væri orð-
ið aumt. Þá spratt þessi hugmynd
upp að við ættum að bjóðast til þess
að flaka ofan í fólkið, svo rákum við
augun í blaðið þar sem Fjölskyldu-
hjálp Íslands var að auglýsa eftir
matföngum. Þá vorum við harðir á
því að framkvæma þetta,“ segir Sig-
urbjörn L. Guðmundsson, skipstjóri
á línubátnum Sturlu, sem gerir út frá
Grindavík.
Hugmynd skipverjanna var að
fá að veiða eitt tonn af þorski utan
aflaheimilda, flaka þorskinn sjálfir
og færa Fjölskylduhjálpinni veglega
matargjöf. Sigurbjörn reiknar með
að skipverjarnir hefðu getað gefið
Fjölskylduhjálpinni um 300 kíló af
ferskum þorskflökum. Sjávarútvegs-
ráðuneytið hefur hins vegar hafn-
að beiðni skipverjanna um að fá að
veiða í soðið fyrir hina fátæku og því
verður ekkert af góðverkinu.
„Er þetta skjaldborg
heimilanna?“
„Ég talaði við útgerðina, sem sagði
þetta vera hið besta mál, en ég þurfti
að fá leyfi frá Fiskistofu um að veiða
eitt tonn utan kvóta, sem við ætluð-
um að flaka og gefa. Svo hringdi ég í
ráðuneytið og fékk þau svör að þetta
væri ekki hægt. Þetta væri fordæm-
isgefandi. Mér fannst það nú alls
ekki verra þó að það væri fordæm-
isgefandi,“ segir Sigurbjörn skip-
stjóri. Hann segir strákana um borð
í Sturlu vera mjög hissa á því að yf-
irvöld skyldu koma í veg fyrir að þeir
gætu nýtt aðstöðu sína til að gefa
góðverk. „Er þetta skjaldborg heim-
ilanna, sem ríkisstjórnin var að tala
um?“ spyr Sigurbjörn.
Áhöfnin á Sturlu er nú á veið-
um fyrir austan land, árlega er veitt
á skipinu um 2.600 til 2.700 tonn á
ári, svo ljóst er að hugmynd þeirra
um eitt tonn var aðeins dropi í hafi af
heildarkvótanum.
„Það er erfitt að eiga við þetta,
við höfum ekki tekið neinn fisk með
okkur heim í haust og við ætluðum
að gefa Fjölskylduhjálpinni okkar
skammt, sem ég hef leyft mönnum
að taka með sér heim,“ segir Sigur-
björn.
Dapurlegt
Ásgerður Jóna Flosadóttir, formaður
Fjölskylduhjálparinnar, segir ákvörð-
un sjávarútvegsráðuneytisins mjög
dapurlega. Þörfin fyrir matargjafir
hjá Fjölskylduhjálpinni er mikil. Á
miðvikudag komu til að mynda um
460 manns á vikulegan úthlutun-
ardag. „Þetta var tvöföld úthlutun,
bæði jólamaturinn og hefðbundin
matarúthlutun,“ segir hún og bætir
því við að Fjölskylduhjálpin sé svo
heppin að velunnarar hafi lagt henni
til nóg svo enginn þurfi að fara án
þess að fá aðstoð.
Þrátt fyrir ítrekaðar tilraunir náð-
ist ekki í Jón Bjarnason sjávarútvegs-
ráðherra við vinnslu fréttarinnar.
Ásgerður Jóna Flosadóttir Formaður Fjölskylduhjálparinnar segir ákvörðun
sjávarútvegsráðuneytisins mjög dapurlega.
Skipverjarnir á línubátnum Sturlu ætluðu að veiða eitt tonn af þorski utan kvóta, flaka
hann sjálfir og færa Fjölskylduhjálp Íslands að gjöf fyrir jólin. Sjávarútvegsráðuneytið
stöðvaði góðverkið á þeim forsendum að það væri fordæmisgefandi. Skipstjórinn er stein-
hissa á þessari ákvörðun og spyr hvar skjaldborg ríkisstjórnarinnar um heimilin sé.
MEGA EKKI GEFA
FÁTÆKUM FISK
valgEir örN ragNarssoN
blaðamaður skrifar: valgeir@dv.is
Áhöfnin ætlaði að gera góðverk „Svo hringdi ég í ráðuneytið og fékk þau svör að þetta væri ekki hægt. Þetta væri fordæmis-
gefandi,“ segir skipstjórinn á Sturlu.
Jón Bjarnason Sjávarútvegsráðuneytið
bannaði sjómönnunum að veiða fyrir
Fjölskylduhjálp Íslands.