Dagblaðið Vísir - DV - 11.12.2009, Blaðsíða 42

42 föstudagur 11. desember 2009 fréttir
spyrnumaðurinn til að spila í Búlgar-
íu. Ásdís lýsti því yfir á bloggi sínu að
hún væri stolt af sínum heittelskaða
en ekki viss hvernig henni litist á að
flytja til Búlgaríu.
„Ég veit ekki alveg hvernig mér líð-
ur varðandi Búlgaríu en ég er svona
að venjast tilhugsuninni og stefni
að því að hrista vel upp í landanum
þar á komandi mánuðum. Þetta kom
svona svakalega óvænt upp í hend-
urnar á okkur að maður er bara hálf-
dofinn enn þá. Nú hafa erfiði síðustu
ára loksins borgað sig. Þetta er alveg
ótrúleg tilfinning, ég veit ekki hvort
ég á að grenja, hlæja eða bara fara að
kaupa mér föt!“
Fyrr en varði fengu Íslendingar að
heyra af því hve fræg Ásdís var orð-
in í Búlgaríu, áður en hún var komin
til landsins. Í Búlgaríu fóru hjólin að
snúast og hafa ekki stöðvast enn þá.
Búin að laga brjóstin
Þetta ár viðurkenndi hún fyrir blaða-
manni Séð og Heyrt að hún hafi látið
laga á sér brjóstin.
„Ég hef bara einu sinni far-
ið í brjóstastækkun en það var eft-
ir að ég eignaðist fyrsta barnið. Mér
finnst sjálfsagt að konur láti laga á sér
brjóstin eftir barnsburð ef þær kjósa
að gera það.“
Í lok sama árs olli Ásdís miklu
fjaðrafoki vegna útlits síns. Fannst
mörgum varir hennar hafa stækkað
er hún kom fram í viðtalsþætti Loga
Bergmanns en í viðtali við Séð og
Heyrt þvertók hún fyrir að hafa farið
í varastækkun.
„Ég hef ekki látið setja neitt í var-
irnar á mér [...] Ég skil þetta ekki al-
veg. Varirnar komu svolítið stórar út
þarna í sjónvarpsútsendingunni. Ég
veit ekki alveg hvað þetta var. Ég er
auðvitað með alls konar trikk til að
láta þær stækka.“
Í kjölfarið birti Ásdís „uppskrift“
að stærri vörum á bloggsíðu sinni.
„Ég nota KissKiss Liplifter frá Gu-
erlain og set hann vel út fyrir varirn-
ar. Svo hækka ég varalínuna út fyrir
varirnar, liplifterinn gerir það mjög
raunverulegt. Eftir það nota ég svo
2-3 bleika tóna og ljósan rétt í miðj-
una til að blása þær betur út. Það eru
ótrúlegustu trikk sem maður getur
gert bara með réttu makeup-vörun-
um og ef maður kann að nota þær.“
Björn Blöndal segir hana hafa vit-
að nákvæmlega hvað hún var að gera
með þessu.
„Ég spurði hana af hverju hún
sagði ekki bara já við því að hún hafi
farið í varastækkun. Þá væri þetta
búið. Þá sagði hún við mig: „Ég vissi
hvað ég var að segja. Mig vantaði
bara athygli.“ Hún vissi hvað hún var
að gera - meira umtal skapar henni
meiri tekjur.“
Nú síðast í Íslandi í dag í nóvem-
ber síðastliðnum tjáði hún sig um
lýtaaðgerðir.
„Ég hef ekki áhuga á að breyta
andlitinu mínu eða einhverju öðru.
En ég held að það sé allt í lagi að
laga ef þarf að laga. Ég á þrjú börn og
auðvitað ef ég myndi ekki laga á mér
brjóstin væru þau niðri í gólfi núna.“
Nokkrum tímum frá dauða
Ásdís Rán Gunnarsdóttir hafði ein-
göngu verið í einn dag í Búlgaríu
þegar hún var lögð inn á spítala og
sett í bráðaaðgerð. Þegar hún vakn-
aði eftir aðgerð tjáði læknirinn henni
að hún hefði verið þremur til fjórum
tímum frá því að deyja. Hún þurfti að
liggja á sjúkrahúsi í níu daga og sagði
sjúkrasögu sína í DV.
„Ég fæ oft mjög miklar kval-
ir í kannski þrjá til fjóra tíma en svo
gengur það yfir, núna fylgdu þessu
hins vegar miklar blæðingar [...] Þeg-
ar við komum upp á spítala var far-
ið með mig í sónar og svo komu ein-
hverjir tólf læknar að líta á mig og ég
var sett beint í bráðaaðgerð. Þegar ég
vaknaði eftir aðgerðina kom skurð-
læknirinn til mín og sagði að ég hefði
verið þremur til fjórum tímum frá
því að deyja,“ sagði Ásdís. Fjarlægja
þurfti hluta af eggjastokk sem valdið
hafði miklum innvortis blæðingum.
Kynþokkafyllsta ljóskan
Í ágúst 2008 börðu útsendarar Play-
boy aftur að dyrum og buðu henni 25
þúsund bandaríkjadali fyrir prufu-
töku fyrir Playmate, eða leikfélaga.
Ásdís íhugaði tilboðið en var ekki
lengi að ákveða sig og fannst þetta
ekki rétti tíminn.
Síðan Ásdís kom til Búlgaríu hef-
ur hún setið fyrir í fjöldamörgum
tímaritum, verið í viðtölum í dag-
blöðum og leyfir sjónvarpsmönnum
að fylgjast með sér í þáttunum Foot-
baller´s Wives sem fjallar um eigin-
konur knattspyrnumanna í Búlgaríu.
Og hún tók einnig þátt í keppninni
Million Dollar Woman. Þá hefur hún
einnig gefið út sitt eigið iPhone-forrit
- The IceQueen Application og geta
aðdáendur hennar keypt sér dagatal
í símann með yfir þrjátíu myndum af
Ásdísi.
Seint í mars í fyrra var hún val-
in kynþokkafyllsta ljóshærða kona
Búlgaríu og bloggaði um að það væri
mikill heiður.
Hún er andlit ilmvatnsframleið-
andans Ray Saxx og einnig andlit
World Class-líkamsræktarstöðvanna
í Búlgaríu. Hún hefur auglýst Ice-
landic Glacial-vatnið sem kemur úr
smiðju Jóns Ólafssonar og var valin
ein af fallegustu konum heims í vef-
tímaritinu The Black Rabbit. Hún
hefur einnig komið fram í búlgörsk-
um spjallþáttum sem eru svipaðir og
Jay Leno og David Letterman.
Aldrei í betra formi
Fyrr á þessu ári rifti CSKA Sofia
samninginn við Garðar og hefur
hann skrifað undir samning við Val.
Móðir Ásdísar vonar að Garðar fái að
spila nálægt Búlgaríu á næstunni þar
sem Ásdísi líki lífið þar vel.
„Hún er að markaðssetja sjálfa sig.
Hún sér um það ein og það er stór-
kostlegt og hún er dugleg við það.
Framtíðin er óljós. Hún vinnur mik-
ið í Búlgaríu og við skulum bara vona
að Garðar fái samning nálægt Búlg-
aríu. Hún er ofsalega sátt þar og líkar
vel við fólkið enda allir mjög jákvæð-
ir og hjálplegir,“ segir Eygló. Hún seg-
ir Garðar styðja vel við bakið á sinni
konu.
„Garðar er mjög liðlegur að hjálpa
henni og standa með henni í þessu.
Raunverulega væri það ekki hægt
öðruvísi en að hann væri jákvæður
fyrir öllu sem hún er að gera. Hann
hvetur hana áfram sem er náttúru-
lega ekkert nema frábært.“
Björn Blöndal hefur ekki trú á því
að Ásdís komi heim á næstunni.
„Garðar er að koma heim en ég
trúi því að Ásdís verði með annan
fótinn úti á næstunni. Það má ekki
gleyma því að hún hefur aldrei ver-
ið í betra formi og aldrei litið bet-
ur út. Hún veit að hún þarf að halda
sér í góðu formi. Margir gera sér ekki
grein fyrir því hvað það er mikil vinna
og mörg módel nenna þessu ekki.“
Komin með lögfræðing í málið
Ásdís stefnir enn hærra og er með
módelþátt í bígerð sem búlgörsk
sjónvarpsstöð hefur samþykkt að
gera. Í samtali við Séð og Heyrt sagði
hún feril sinn í Footballer’s Wives
setja strik í reikninginn.
„Ég er nefnilega stjarna í öðrum
þætti, á sjóvnarpsstöðinni bTV, og
þeir eru frekar fúlir yfir því að ég vilji
fara að gera annan þátt og reyna að
stoppa það með því að bjóða mér
gull og græna skóga. Ég er aðal-
stjarnan í Footballer’s Wives og þeir
vilja ekki missa mig. Ég gerði þennan
þátt að því sem hann er því ég var svo
mjög þekkt áður en ég byrjaði í hon-
um og er fúl yfir þessu því mér finnst
að þeir eigi að sleppa mér því ég er
búin að gera svo mikið fyrir þá. En ég
ætla ekkert að gefast upp og er komin
með lögfræðinga í málið.“
Ekki skær stjarna
Ásdís er dugleg við að tilkynna ís-
lensku þjóðinni hvað hún sé fræg í
Búlgaríu. Í viðtali við Ísland í dag 16.
nóvember sagði hún að búlgarskir
fjölmiðlar veltu sér mikið upp úr því
hvort hún væri á förum.
„Það er mikil sorg í gangi. Fólk er
mikið að pæla í því hvort ég ætli að
yfirgefa Búlgaríu eða ekki.“
DV hafði samband við tvo búlg-
arska blaðamenn til að grennslast
fyrir um frægðarsól Ásdísar. Annar
þeirra, sem vildi ekki láta nafn síns
getið, sagði að fólk hefði ekki miklar
áhyggjur af því hvort hún ætlaði að
yfirgefa Sofiu.
„Hún er lítillega fræg hér. Hún er
oft á forsíðum búlgarskra lífstíls- og
karlatímarita og hún er tíður gestur
í VIP-partíum í Sofia. Ég myndi ekki
segja að hún væri ein af skærustu
stjörnum Búlgaríu eða að einhver
kvíði því að hún sé kannski á förum
frá Sofiu.“
Petar Kostadinov, einn af ritstjór-
um dagblaðsins The Sofia Echo, segir
hana fræga í Búlgaríu þó að Garðari
hafi ekki gengið vel hjá CSKA Sofia.
„Það sem er athyglisvert er að hún
er bara í Búlgaríu af því að fjölmiðl-
ar sýna henni áhuga. Hún hefur sagt
oft og mörgum sinnum að hún muni
yfirgefa landið um leið og fólk missir
áhugann á henni. Þá fari hún jafnvel
til Hollywood.“
Jordan okkar Íslendinga
Kunningjakona Ásdísar, sem hef-
ur kynnst henni bæði í leik og starfi,
segir Ásdísi vera ansi klóka.
„Ásdís er snjallari en flestir gera
sér grein fyrir. Henni hefur tekist
að sannfæra Búlgara um að hún sé
heimsfræg á Íslandi og Íslendinga
um að hún sé heimsfræg í Búlgaríu.
Þetta hefur á endanum orðið til þess
að fjölmargir þekkja nafn hennar í
báðum löndum. Hún er í raun Jor-
dan okkar Íslendinga, eða Paris Hilt-
on, meistari í því að vera fræg fyrir
frægð. Þetta er engin tilviljun og ég er
sannfærð um að þetta hefur verið út-
hugsað hjá henni frá upphafi.“
Hún segir Ásdísi mjög misskilda
og harða í horn að taka þegar kemur
að viðskiptum.
„Ásdís er langt frá því að vera
heimsk, hún hefur bara furðulega
lífssýn og sannfæringar. Hún hef-
ur náttúrlega búið sér til feril og
lifibrauð af útliti sínu þannig að
líf hennar snýst í raun um hvern-
ig hún lítur út og ég hef oft velt því
fyrir mér hvað verður um hana,
þegar hún verður „útrunnin vara“
eins og hún óumflýjanlega mun
verða. Hún getur verið hörð í horn
að taka í viðskiptum. Lætur alla-
vega ekki vaða yfir sig og stendur
föst á sínu.“
Eins og Íþróttaálfurinn
Ósk Norðfjörð, ein besta vinkona
Ásdísar, líkir henni við Íþróttaálfinn
sem er alltaf í gervi.
„Fólk veit í raun lítið um hana,
kannski bara svipað og með Íþrótta-
álfinn. Hann er alltaf í sínu gervi þeg-
ar hann kemur fram, eins er það með
Ásdísi. Fólk myndar sér skoðanir út
frá útliti oft á tíðum. Hvað hún sýn-
ir selur og er þetta bara ein tegund
af leiklist að mínu mati. Það sem fáir
vita kannski er að hún talar aldrei
illa um fólk og ef hún sér einhverja
fallega konu eða vel klædda, hrós-
ar hún henni alltaf,“ segir Ósk. Hún
segir Ásdísi vera rólyndismanneskju
sem hafi látið draumana rætast.
„Ásdís er þannig manneskja að
mottóið hennar ætti að vera „með
hægðinni hefst það“. Hún er svaka-
lega róleg en ákveðin í senn, hún
veit hvað hún vill og hefur alltaf vit-
að það. Hún er rosalega dugleg, fór
snemma að heiman og hefur alla tíð
þurft að sjá um sig sjálf. Ásdís er lífs-
glöð og hamingjusöm og á allt sem
hana dreymir um. Góðan mann og
yndisleg börn, er náin fjölskyldu
sinni og vinum og hefur frama sem
hún er ánægð með. Er hægt að biðja
um það betra?“
Gerir ekkert druslulegt
Ásdís bloggar nú á Pressunni og er
dugleg við að gefa lesendum tísku-
og fegurðarráð. Hún passar sig að
halda sér í blöðum með einhverjum
uppákomum að eigin sögn. Hún sat
nakin fyrir í búlgarska Maxim, einu
þekktasta karlatímariti heims, og
prýddi einnig forsíðuna. Hún sagði
í viðtali við Ísland í dag, í nóvember,
hafa sín takmörk.
„Ég íhuga öll verkefni og ef fólkið
á bak við tökuna er gott og þetta er
allt klassaefni þá íhuga ég það vel ef
það er vel borgað [...] Það er spurn-
ing hvort þetta er klassi eða druslu-
legt og ég myndi aldrei gera neitt
druslulegt.“
Hún sagði einnig vera mjög flókið
að fá hana í verkefni þar sem hún set-
ur margar flóknar reglur sem verður
að fara eftir.
Eina glamúrpían
Ásdís er vinsælt umræðuefni á
spjallinu á barnalandi.is og oftar en
ekki er talað afar illa um fyrirsætuna.
Hún hefur svarað þessum neikvæð-
isröddum á bloggi sínu.
„Ég verð nú að tjá mig aðeins fyrst
ég er svona vinsæl í dag. Mér finnst
alveg sorglegt hvað margar barna-
landskonur geta velt sér upp úr því
hvað ég er að gera og reynt að út-
húða mér við hvert tækifæri. Þessi
umræða hjá þeim er gott dæmi um
hversu sorglegir einstaklingar eru
þarna á ferð.“
Í Íslandi í dag í nóvember sagðist
hún skilja allt þetta umtal.
„Ég er náttúrlega eina manneskj-
an á Íslandi í þessum glamúrbransa.
Ísland er pínulítið. Alls staðar annars
staðar eru hundrað Ásdísar Ránar og
þetta er ekkert merkilegt [...] Ég er
eina manneskjan sem fólk getur nag-
að á í þessum bransa. Þannig að það
er skiljanlegt að ég verði fyrir meira
áreiti en aðrir.“
Setið um Ásdísi Rán
Þessa dagana sést Ásdís á sjónvarps-
skjánum í Lottó-auglýsingum þar
sem hún gerir stólpagrín að sjálfri
sér.
Frægðin er samt ekki bara dans á
rósum því fyrir stuttu var einkasíðu
hennar og aðdáendasíðu hent út af
samskiptavefnum Facebook. Í sam-
tali við DV.is kenndi hún kynþokkan-
um um.
„Þetta kom mér mjög á óvart og
ég er ekkert smá svekkt yfir allri vinn-
unni sem ég hef lagt í prófílinn minn
og aðdáendasíðuna [...] Ég setti ekki
inn neinar bannaðar myndir en ætli
ég sé bara ekki of „sexy“ fyrir Face-
book.“
Þá lenti hún einnig í óskemmti-
legri lífsreynslu fyrir stuttu sam-
kvæmt búlgörsku vefsíðunni life-
style.bg. Kvöld eitt þegar Ásdís kom
út úr lúxusíbúð sinni í hverfinu Bor-
ovo og ætlaði að stíga inn í bifreið
sína kom mjög æstur ungur mað-
ur upp að henni og endurtók nafn
hennar í sífellu. Á vefsíðunni kemur
fram að Ásdís hafi haldið að maður-
inn ætlaði að ráðast á sig en seinna
kom í ljós að hann var aðeins mjög
dyggur aðdáandi Ásdísar og Garð-
ars.
Ljóst er að Ásdís er hvergi nærri
hætt og er móðir hennar handviss
um að hún eigi eftir að spjara sig í
framtíðinni.
„Ásdís Rán getur allt.“
liljakatrin@dv.is
Fylgst með eiginkonunum Í Foot-
baller’s Wives er fylgst með eiginkonum
knattspyrnumanna og þar er Ásdís í
stóru hlutverki.
Samrýmd hjón Þessa mynd af hjón-
unum birti Ásdís á bloggi sínu. Þau voru
á leið á grímuball eins og sést og vöktu
mikla athygli. Þau hafa verið kölluð
Beckham-hjón okkar Íslendinga.
Með sleikjó Þessi mynd birtist árið
2002 þegar Ásdís var enn bara þekkt á
Íslandi.
Vinsælasta talan Ásdís sést nú í Lottó-
auglýsingum.
Þráir umtalið Ásdís tók fyrir að hafa
farið í varastækkun til að fá athygli. Hér
er hún ásamt móður sinni á skemmti-
staðnum Austur í heimsókn á Íslandi
nýlega. LJóSMyNdARi: BJöRN BLöNdAL
Með fjölskyldunni Garðar og Ásdís
eiga tvö börn saman og fyrir á hún
einn son sem hún eignaðist sautján ára
gömul.
Í partíi með stjörnunum Ásdís hefur
tvisvar hitt Cuba Gooding Jr. í partíi
vestanhafs.
Ekkert sást Ásdís sat fyrir nakin á for-
síðu búlgarska karlatímaritsins Maxim.
Alltaf glamúrpía Ásdís (lengst til
hægri) á Astró á sínum yngri árum í
góðra vina hópi.