Dagblaðið Vísir - DV - 11.12.2009, Blaðsíða 26
Framsókn aFturábak
Framsóknarflokkurinn hefur verið sprækasta risaeðlan á Alþingi eftir að gamla bænda-liðinu var að mestu skipt út
fyrir sprelligosana Sigmund Davíð og
Höskuld Þórhallsson. Eftir hrun komst í
tísku að skella orðinu „nýja“ fyrir fram-
an allt gamalt drasl á Íslandi og með
þeirri einföldu aðgerð átti að bjarga
landinu. Gömlu, ömurlegu bankarn-
ir, sem fóru á hausinn og tóku þjóðina
með sér í fallinu, urðu að nýjum bönk-
um þótt þeir væru auðvitað enn þá al-
veg sama drasið. Þessi falska endur-
nýjunarárátta gekk meira að segja svo
langt að fólk fór að tala um eitthvert
Nýja Ísland. Á daginn hefur svo auðvit-
að komið að Ísland er enn sama gamla
draslið sem stefnir lóðbeint í ruslflokk á
meðan alþingismenn gjamma sig hása
sólarhringum saman.
Samviska og fortíð Framsóknar-flokksins er vitaskuld sótsvört þannig að gamli sérhagsmuna-
gæsluflokkurinn stökk að
sjálfsögðu á nýjabrumsvagn-
inn. Valgerði og Guðna var
mokað út ásamt Bjarna
Harðarsyni sem var
hálfgerður forngripur
þótt hann væri glæ-
nýr á þingi. Síðan var
bara skipt um haus
og uppfærður Framsóknarflokkur var
kynntur til sögunnar fyrir 21. öldina.
Hið galsafengna tvíeyki Hös-kuldur og Sigmundur Davíð fékk óskabyrjun og þeir hafa eiginlega leyst landvætt-
ina af í linnulausri varnarbaráttu fyrir
sína hrjáðu þjóð. Þeir félagar hafa látið
einskis ófreistað og fóru meira að segja
til fundar við flokksbróður sinn, norsk-
an afdalabónda, til þess að reyna að fá
lánaða voða mikla peninga til þess að
skera Íslendinga úr Icesave-snörunni.
Þá efast auðvitað ekki nokkur mann-
eskja um að þeim gangi gott eitt til þeg-
ar þeir standa froðufellandi í ræðustóli
á hinu háa Alþingi og finna Icesave-
samningnum allt til foráttu. Eða hvað?
Þessir vösku sveinar sitja auðvit-að uppi með það að í gegnum tíðina hafa framsóknarmenn aldrei gert neitt af heilum hug
nema einhver flokksbróðir þeirra eða
félagi komist fyrir vikið um leið í álnir
eða mikið fé. Ungu mennirnir í gamla
flokknum með nýja hausnum
voru komnir langleiðina
með að hrekja af sér þetta
gamla slyðruorð þangað
til þeim varð fótaskortur á
pólitíska svellinu í vikunni
þegar þeir gleymdu
sér í augnablik og
þvottekta, gamal-
dags framsókn-
arkarlremba
vall út úr þeim
úr ræðustóli. Formaðurinn nútímalegi
gerði lítið úr mælskubrögðum Jóhönnu
forsætisráðherra þegar hann gaf í skyn
að hún semdi ræðurnar sínar ekki sjálf.
Þetta þykir að vísu ekki stórmál úti í
hinum stóra heimi þar sem verseraðir
stjórnmálaleiðtogar hafa her ræðuskrif-
ara á sínum snærum. Tortryggnir fem-
ínistar hafa hins vegar lesið það á milli
línanna hjá Sigmundi að hann haldi að
Jóhanna geti ekki skrifað ræðu vegna
þess að hún er kona.
Hinn hressi gaurinn bætti svo um betur þegar hann taldi víst að Jóhanna væri ekki í þingsal vegna þess að hún
væri heima að baka. Fleiri vitnanna
þarf ekki við. Framsóknarflokkurinn
er enn sama karlrembuvígið og ungu
mennirnir eru engu betri framsókn-
armenn en gamli formaðurinn Guðni
Ágústsson sem taldi konur best geymd-
ar bak við eldavélina.
Þeir félagar köstuðu þarna óvart í málæðinu nýju, fínu sauðagærunni sinni og sýndu í klær gamla fram-
sóknarvargsins þannig að nú þarf
að endurskoða öll þeirra verk og
orð í því ljósi að þeir eru mosa-
grónir afdalabændur í flottum
jakkafötum og berjast því
væntanlega bara fyrir liðið
sitt, Framsóknarflokkinn,
óháð þjóðarhag og al-
mannaheill.
Sandkorn
n Bjarni Benediktsson er í
vandræðum vegna fortíðar
sinnar í viðskiptum. Tenging
hans við braskið með lúxusturn
í Makaó er ótvíræð en þar voru
hann, faðir
hans, og
föðurbróð-
ir í stórum
hlutverkum.
Sjálfur segist
hann engar
ákvarðanir
hafa tekið
og vera sak-
laus í þessu máli sem kostað
hefur skattgreiðendur yfir 3000
milljónir króna. Gárungar sjá
skemmtilegan flöt á málinu og
vilja að turninn njóti athyglinn-
ar. Þannig sé eðlilegt að Makaó-
menn horfi til Bjarna með nafn-
gift og kalli turninn Big Ben.
n Bjarni Benediktsson á trausta
bandamenn sem trúa á sak-
leysi hans. Einn helsti siðapost-
uli viðskiptalífs og stjórnmála,
Pétur Blöndal var spurður um
mál Bjarna í Bítinu á Bylgjunni.
Varð hann nokkuð vandræða-
legur en sagði síðan að Bjarni
hefði svarað og sagst saklaus.
Síðan endurtók hann fyrri ræðu
sína um að fjölmiðlum væri
ekki treystandi og nefndi þar
sérstaklega Morgunblaðið og
Fréttablaðið varðandi Hagamál-
ið. Greinilegt var að stuðningur
hans við Bjarna er blendinn.
n Páll Baldvin Baldvinsson,
menningarritstjóri Fréttablaðs-
ins, á það til að vera illskeyttur í
orðum. Í pistli í blaðinu fjallaði
hann um kjaftstopp Agnes-
ar Bragadóttur í Bítinu þegar
Mörður Árnason benti á að
hún hefði ekki þýtt rétt úr ensku
fræga tölvupósta Indriða Þor-
lákssonar, aðstoðarmanns fjár-
málaráðherra. Páll Baldvin lýsti
þögninni sem varð í útvarpinu
og kallaði Agnesi íþróttakenn-
ara og gjammara. Búist er við
að Agnes skrái sig hið bráðasta
á enskunámskeið til að forðast
frekari þýðingarslys.
n Sigurður G. Guðjónsson er
kominn í bloggstríð við Hann-
es Hólmstein Gissurarson og
Davíð Oddsson. Síðasta útspil
lögmannsins á Pressubloggi
hans snéri að Davíð. „Sögur og
spaugsyrði Davíðs létta oftast
lund. Stundum hefur hann þó
farið yfir strikið og í raun verið
rætinn, eins og í sögunni af rit-
stjóranum, sem hann fullyrti að
skuldaði 100 milljónir í bönkum
hér á landi. Saga þessi fór svo
fyrir brjóstið á einum samráð-
herra Davíðs í fyrstu ríkisstjórn
hans, að
ráðherr-
ann sá sig
tilknúinn til
að leiðrétta
sögu Davíðs
og sagði rit-
stjórann að-
eins skulda
66 milljón-
ir.“ Vísar hann til þess að Davíð
hafi dreift sögum um Styrmi
Gunnarsson, fyrrverandi rit-
stjóra, sem síðar gerðist einkar
handgenginn meintum kvalara
sínum.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: sverrir arngrímsson
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
elísabet austmann, elisabet@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Við skrifuðum
undir í dag og
erum mjög
spenntir.“
n Ragnar Bragason leikstjóri hefur tryggt sér
kvikmyndaréttinn að Ódáðahrauni Stefáns Mána.
- Fréttablaðið
„Menn greinir mjög á um
hvort ég sé liðtækur
söngvari.“
n Ólafur Helgi Kjartansson, sýslumaður á
Selfossi, tók lagið með bandinu Granít á Catalinu.
- DV
„Ég vissi líka að argi
prófessorinn í Háskóla
Íslands, Hannes Hólm-
steinn Gissurarson,
mundi verja fóstra
sinn Davíð.“
n Sigurður G. Guðjónsson fer hamförum í pistli.
- pressan.is
„Ég fann að mig
langaði ekki
aftur í akkúrat
þetta starf
þegar ég fer aftur
að vinna.“
Ragnhildur Magnúsdóttir Thordarson er hætt
á Bylgjunni og ætlar að gera aðra heimildarmynd,
nú um fíkla. - Fréttablaðið
Spuni Bjarna Ben
Leiðari
Fram kom í fjölmiðlum í vikunni að Bjarni Benediktsson, formaður Sjálf-stæðisflokksins, vísar fréttaflutningi DV um aðkomu hans að fasteigna-
braski í Makaó á bug. Hið rétta er að Bjarni
vísaði öllu öðru en frétt DV á bug í tilraun til að
þyrla upp moldviðri í kringum málið. Bjarni
forðaðist sannleikann án þess að ljúga.
Í stuttu máli kom fram í DV að Bjarni hefði
tekið þátt í fasteignabraski í Makaó með Wern-
erssonum, í gegnum fyrirtækið BNT. Bjarni
var ekki í persónulegum ábyrgðum og eins
og hann greinir frá í samtali við DV í dag var
áhætta hans og Engeyjarfjölskyldunnar engin
af viðskiptunum. Hins vegar hefði orðið millj-
arðagróði ef allt hefði gengið upp. Almennir
borgarar á Íslandi hefðu ekkert haft upp úr
því. Þeir borga hins vegar fyrir tapið. Vegna
viðskiptanna falla um þrír milljarðar á ríkis-
sjóð. Viðskiptin, sem Bjarni tók þátt í áhættu-
laust, kosta hvern einasta Íslending tæpar
10 þúsund krónur. Tapið er fjármagnað með
skattahækkunum á almenning, sem Bjarni
hefur ítrekað fordæmt í pontu á Alþingi.
Í fjölmiðlum í fyrradag vísaði Bjarni frétt-
inni á bug með ýmsum útúrsnúningum, sem
flestir snerust um að „Bjarni Benediktsson“
væri ekki það sama og fyrirtækin sem Bjarni
ætti hlut í. „Það er rangt að Bjarni Benedikts-
son hafi verið að braska með fasteignir í Mak-
aó,“ sagði Bjarni í samtali við RÚV. Bjarni
sagðist síðan ekki hafa vitað að turninn í Mak-
aó hefði ratað að hluta til í hans eigu, eða fyr-
irtækis hans. Bjarni var stjórnarformaður í
BNT, sem átti ásamt öðrum fjölskyldumeð-
limum stóran hlut í félaginu Vafningi, sem
stóð að verkefninu í Makaó. Samkvæmt skjöl-
um sem DV hefur undir höndum hafði Bjarni
persónulegt umboð til að skrifa undir kaup-
samninginn á Vafningi. Sama dag og kaupin
gengu í gegn, fékk Bjarni umboð til að veð-
setja hlut fjölskyldunnar í Vafningi. Hann var
í miðju milljarðaviðskipta, að því er virðist
meðvitundarlaus.
„Ég á hvorki eignarhaldsfélög né hlutabréf
af öðrum toga og hef aldrei farið fram á af-
skriftir persónulegra skulda eða félaga í minni
eigu,“ sagði Bjarni við Vísi. Með yfirlýsingunni
neitar hann því hins vegar aðeins að hann eigi
eignarhaldsfélög eða hlutabréf í dag. Bjarni
seldi hlut sinn í BNT í fyrra. Því er það rétt sem
hann segir í nútíð, að hann eigi ekki hlut.
Bjarni segist ekki hafa komið að ákvörð-
un um verkefnið. Í DV var aldrei sagt að
hann hefði tekið ákvörðun um að reisa turn-
inn. Hann var hins vegar í miðju viðskipta
með hluti í félaginu sem var að reisa turninn.
Bjarni segist ekki heldur myndu hafa grætt
á viðskiptunum. Þess ber þó að geta að fjöl-
skyldufyrirtækið sem hann veitti stjórnarfor-
mennsku og átti hlut í hefði getað grætt form-
úur.
Loks sagði Bjarni að verið væri að koma á
hann höggi með því að tengja hann við verk-
efnið í Makaó. Bjarna finnst óeðlilegt að Ís-
lendingar fái tækifæri til að lesa um að hver
þeirra borgi 10 þúsund krónur fyrir ævintýri
sem Bjarni sjálfur gat aðeins hagnast á. Sem
formaður stjórnmálaflokks gerir Bjarni kröfu
til þess að stjórna landinu. Miðað við mál-
flutning hans er hann ófær um að gæta hags-
muna almennings.
Jón trausti reynisson ritstJóri skriFar. Hann var í miðju milljarðaviðskipta, að því er virðist meðvitundarlaus.
bókStafLega
Betri tíð á Bessastöðum
Ég játa það hér og nú, að víst hefur
fólk nefnt það við mig að ég gefi kost á
mér sem næsti forseti lýðveldisins. En
ég játa það einnig strax og góðfúslega
að þeir eru mörgum sinnum fleiri
sem ekki hafa nefnt þetta við mig.
Það er þó að gerast núna einsog oft
áður að spekingar og spámenn opin-
bera okkur hinum þau nöfn sem lík-
legust þykja til vinsælda þegar kem-
ur að því að finna eftirmann okkar
óvinsæla forseta, Ólafs Ragnars, sem
ekki á sjö dagana sæla. En ógæfa okk-
ar ágæta forseta liggur líklega fyrst og
fremst í þeim örlögum að vera forseti
þjóðar sem hefur siðblindu að leiðar-
ljósi. Sameiningartáknið er akkúrat
það sem sundrar okkur þegar öllu er
á botninn hvolft. Að upphefja útrás-
arvíkinga var það sem forsetinn gerði
opinberlega á meðan við hin gerðum
það á laun.
Ég hef stundum pælt í því, að
sjálfsagt væri best að hætta þessu for-
setabrölti. Smákóngaþjóð sem rís úr
öskustó og áttar sig á því að innviðir
samfélagsins voru svik og prettir, sú
þjóð á þann kost vænstan að samein-
ast. Slík sameining mun helst eiga sér
stað undir merkjum kærleika og von-
ar en ekki með titlatogi og uppgerð-
arupphefð. En ef við viljum forseta
þá verðum við að taka tillit til þess að
núna vantar okkur fangelsi, við getum
því fengið dæmdan mann – jafnvel
fanga eða virtan glæpamann í emb-
ættið. Og víst hafa nöfn verið nefnd.
Davíð Oddsson, Kjartan Gunnars-
son, Hannes Hólmsteinn, Árni John-
sen, Finnur Ingólfsson, Halldór Ás-
grímsson, Valgerður Sverrisdóttir eru
einstaklingar sem ég gæti alveg hugs-
að mér að sjá taka við af Ólafi. Ef við
viljum forseta þá er aðalatriðið að fá
í djobbið manneskju sem mun hljóta
bót og betrun af vistinni að Bessa-
stöðum.
Embætti forseta Íslands fær ná-
kvæmlega þá virðingu sem þjóðin
telur við hæfi. En þegar hægt er að ja-
ska titli þessum þannig að við hann
má líma óhróður, illkvittni og yfirleitt
allt sem til baga getur talist þá er bet-
ur sleppt en haldið. En ef við viljum
halda í embættið þá eigum við að
gera það þannig að við sláum nokkr-
ar flugur í einu höggi.
Við eigum að mæta baslinu með
bros á vör, þannig komumst við á
vængjum gleðinnar gegnum yndis-
lega tíma þrenginga. Við eigum að
láta útrás og innrás blása okkur gæfu
í brjóst. Við eigum að gleðjast – svona
rétt fyrir hátíð kærleika og friðar.
Er þjóðin lofar ljós og frið
með ljúfum, hlýjum orðum
á Bessastöðum bjóðum við
betrun einsog forðum.
kristján hreinsson
skáld skrifar
„Ef við viljum forseta
þá er aðalatriðið að fá
í djobbið manneskju
sem mun hljóta bót og
betrun af vistinni að
Bessastöðum.“
SkáLdið Skrifar
26 föstudagur 11. desember 2009 umræða