Dagblaðið Vísir - DV - 03.10.2008, Blaðsíða 37

DV Helgarblað föstudagur 3. október 2008 37
ast nýja samstarfsfólkinu mínu og
búa til þann þátt sem okkur langaði
að sjá – vissulega voru innbyrðisátök
en útkoman varð eins og við óskuð-
um okkur.
Við byrjuðum af miklum krafti
og tókst að búa til að mínu mati
góðan þátt. Hópurinn sem vann
að þættinum náði einstaklega vel
saman og hefur haldist mjög þétt-
ur alla daga síðan. Það er sérstök
tilfinning að enn í dag mætir fólk á
morgunfundi af jafnmiklum krafti
og það gerði í byrjun og er uppfullt
af hugmyndum og löngun til að búa
til og skapa gott sjónvarpsefni.“
Spurður um galdurinn á bak við
velgengni Kastljósshópsins segir
Þórhallur skipta meginmáli að fólki
líði vel í þeim verkefnum sem það
tekur sér fyrir hendur. „Það gerist
varla að ég sendi fólk í verkefni sem
það hefur engan áhuga á. Stundum
reynir maður vissulega að glæða
áhuga þeirra á efninu en aðallega
kemur fólk með sínar eigin hug-
myndir og fylgir þeim eftir. Við
erum heppin að því leyti að ein-
staklingarnir sem starfa við þáttinn
eru á ólíkum aldri með ólíkar skoð-
anir og hugsanir og þar af leiðandi
er mikil vídd í efni þáttarins.“
Eftir tvö ár sem ritstjóri Kast-
ljóssins tók við aukin ábyrgð í störf-
um innan RÚV. Ásamt því að starfa
áfram sem ritstjóri tók Þórhall-
ur einnig við starfi dagskrárstjóra
sjónvarps. Það er óhætt að segja að
Þórhallur hafi dustað rykið af þess-
ari áragömlu stofnun með nýrri
stefnu, róttækum breytingum, upp-
sögnum og ráðningum.
Erfiðar ákvarðanir
Það er þjóðinni enn í fersku
minni þegar Randver Þorláksson
var látinn taka pokann sinn og
kveðja félaga sína í Spaugstofunni
til margra ára. Þórhallur sætti mik-
illi gagnrýni vegna málsins. „Ég
taldi ákvörðunina rétta fyrir RÚV
á þessum tíma. Það er betra að
taka erfiða ákvörðun af því að hún
er rétt heldur en að forðast hana.
Þess vegna verður maður að taka
slaginn,“ segir hann og bendir á að
áhorfendur hafi haft fullan rétt á
sínum skoðunum.
„Í þessu tilfelli fannst mér erfitt
að ákvörðunin skyldi bitna á ein-
staklingi en ég taldi Randver vel
í stakk búinn að takast á við þess-
ar breytingar vegna þess að hann
hafði margt annað að takast á við.
Meðal annars var hann formaður
félags leikara. Í kjölfar uppsagnar-
innar buðust honum mörg spenn-
andi tækifæri sem honum hefðu
ekki annars boðist. Tilgangurinn
með þessari ákvörðun var meðal
annars sá að hleypa fleiri leikurum
að,“ segir Þórhallur ákveðinn.“
Einstakur starfsandi
Eitt af því sem Þórhallur taldi
mikilvægt að leggja áherslu á inn-
an RÚV var breyting á sjálfri dag-
skránni. „Ég vildi þétta dagskrána
og leggja áherslu á ákveðin kvöld
þar sem fjölskyldur gætu not-
ið sjónvarpsins saman. Styrkja ís-
lenskt leikið sjónvarpsefni sem er
þegar farið að skila árangri og gera
það meira aðlaðandi fyrir alla ald-
urshópa, ekki síst ungu kynslóð-
ina.“
Það er fleira sem Þórhallur vill
leggja áherslu á innan fyrirtæk-
isins „Mig langar að leyfa starfs-
fólki stofnunarinnar að þroskast og
dafna og gefa því aukin tækifæri.
Ég vil ekki að starfsfólki okkar líði
sem svo að það sé fast í einhverj-
um aðstæðum. Það eru mörg dæmi
þess að fólk hafi byrjað hjá okkur
og unnið sig upp og ég vona að það
geti gerst í sem flestum tilfellum.“
Hann segir einstakan starfsanda
ríkja innan veggja RÚV og starfsfólk
tilbúið að leggja allt af mörkum til
að láta hlutina ganga upp. „Við
erum heppin að því leyti að fólk
er mjög trútt vinnustaðnum. Fólk
vinnur allt upp í tvö- og þrefalda
vinnu og því um gífurlegt álag að
ræða og því miður oft á tíðum allt
of lágt launað. Samt sem áður þekki
ég ekki einn einasta starfsmann
sem ekki vinnur vinnuna sína af
ástríðu og vill stöðugt bæta sig.“
Oft harkalega gagnrýndur
Aðspurður hvort hann sé sátt-
ur við þann árangur sem hann hef-
ur náð innan RÚV segir hann langt
í land. „Þetta verður aldrei hin full-
komna stofnun. Ég hef komið að
mörgum hindrunum í starfi mínu
hér en það er alltaf vilji fyrir því að
breyta, það tekur bara svolítinn
tíma. Ég hef átt það til að fara svo-
lítið geyst.
Ef ég geri mistök fæ ég sem bet-
ur fer tækifæri til að bæta fyrir þau
daginn eftir og ef við stöndum okkur
illa í Kastljósinu reynum við alltaf að
gera betur.“ Hann segir áhorfendur
óhrædda við að segja skoðanir sín-
ar og að stundum rigni inn tölvu-
póstum og símtölum. „Ef áhorfend-
um finnst við til dæmis hafa gengið
of harkalega að viðmælendum okk-
ar hika þeir ekki við að láta heyra
í sér. Fólk hringir í mig persónu-
lega, sendir okkur tölvupóst og læt-
ur skammirnar dynja á konunum á
símanum. Þá koma þær og spyrja
hvað í ósköpunum við gerðum af
okkur í þetta skiptið,“ segir Þórhall-
ur og hlær. Hann leggur þó áherslu
á að áhorfendur hrósi þeim einnig,
hvetji þau áfram og séu duglegir að
senda inn hugmyndir að efni.
Íhugaði að hætta
Það er auðheyrt á sjónvarps-
manninum metnaðarfulla að hann
ver miklum tíma í vinnunni og er
með puttana í nánast öllu, sem
hann viðurkennir að sé stór galli í
sínu fari. „Ég á það til að skipta mér
allt of mikið af hlutunum, ég þarf
að læra að deila ábyrgðinni betur.“
Blaðamaður kastar fram þeirri
spurningu hvort hann telji sig vera
vinnualka. Þórhallur glottir út í ann-
að. „Konan mín, Brynja Nordquist,
orðaði þetta svo skemmtilega nú
fyrir stuttu þegar hún sagði mig
vinnuglaðan. Það orð kann ég bet-
ur við,“ segir hann og viðurkennir
um leið að hann vinni mjög mik-
ið og taki vinnuna með sér heim í
formi símtala, viðveru við tölvu og
með athyglina á fjölmiðlum.
Inntur eftir því hvort hann verði
aldrei þreyttur er hann fljótur að
jánka því. „Í vor fannst mér ég
vera að brenna upp bæði líkam-
lega og andlega,“ segir hann alvar-
legur. „Þegar maður upplifir það
að maður sé að brenna upp dvínar
áhuginn á starfinu. Meira að segja
íhugaði ég að hætta en ég var svo
heppinn að mesta törnin var búin
og undirbúningur fyrir næsta ár var
að hefjast. Þar af leiðandi gafst mér
svigrúm til að vinna úr þessu.“
Aðspurður hvernig hann tókst
á við líðanina viðurkennir hann
að það hafi verið kominn tími á frí.
Hann byrjaði á því að reyna að ýta
vinnunni frá sér um helgar og tók
sér frí fyrir hádegi dag og dag. „Þeg-
ar ég kom heim á kvöldin reyndi ég
að komast hjá því að hlusta á frétt-
ir og svo skellti ég mér í vikufrí til
Spánar og spilaði golf í góðu veðri
með góðu fólki. Mér tókst að hafa
slökkt á töllvunni þessa vikuna en
símanum slekk ég aldrei á.“
Gaf skýrslu á golfvellinum
Og það var einmitt á fögrum og
sólríkum morgni þegar Þórhallur
var staddur á golfvellinum á Spáni
sem honum barst símtal frá Eggerti
Óskarssyni héraðsdómara.
„Ég þurfti að gefa skýrslu í máli
Jónínu Bjartmarz, fyrrverandi um-
hverfisráðherra, eftir að aðstand-
endur Kastjóss voru sakaðir um
að hafa verið í ófrægingarherferð
gegn Jónínu, í meiðyrðamáli sem
sonur Jónínu og tengdadóttir höfð-
uðu vegna umfjöllunar Kastljóss
um ríkisborgararétt tengdadóttur-
innar.
Þetta var rosalega sérstök til-
finning og kannski ekkert sérstak-
lega smekklegt, að vera staddur í
einhverri paradís að standa í þessu.
En þetta er bara eitt dæmi þess
að ég kemst oft ekki úr vinnunni.“
Þórhallur viðurkennir fúslega að
hann sé meðvitaður um hættuna
sem fylgir því að vinna svona mik-
ið. „Það er hættulegt að lifa svona
mikið fyrir vinnuna, sérstaklega til
lengri tíma litið.“
Óttalegur vitleysingur
Minntur á að fjörutíu og fimm
ára afmælisdagurinn nálgist óðum
skellir hann upp úr og segir það hið
undarlegasta mál. „Aldurinn snert-
ir mig ekki að einu einasta leyti,
það er svo erfitt að hugsa í aldri.
Ég er alltaf sami asninn, tala eins
og fíflast á sama hátt og ég hef gert
í gegnum árin. Ég er óttalegur vitl-
eysingur og finnst gaman að vera
til.“
Það vekur óneitanlega athygli
að Þórhallur hefur lagt það í vana
sinn að staldra við í tvö ár í hverju
starfi. Hann segir enga tilviljun þar
á ferð. „Ég skipti alltaf um vinnu
á tveggja ára fresti. Það hefur ver-
ið eitt af mínum mottóum,“ segir
þessi ákveðni maður sem nú er að
hefja sitt annað ár sem dagskrár-
stjóri ríkissjónvarpsins. Það verð-
ur því forvitnilegt að sjá hvort und-
antekning verður þar á eða hvort
hann heldur á vit nýrra ævintýra að
ári liðnu.
„Við sjáum til að ári,“ segir Þór-
hallur að lokum um leið og hann
heldur til vinnu á ný.
„Þetta verður aldrei hin fullkomna
stofnun. Ég hef komið að mörgum
hindrunum í starfi mínu hér en það
er alltaf vilji fyrir því að breyta, það
tekur bara svolítinn tíma. Ég hef átt
það til að fara svolítið geyst.“
„Aldurinn snertir mig ekki að einu
einasta leyti, það er svo erfitt að
hugsa í aldri. Ég er alltaf sami asninn,
tala eins og fíflast á sama hátt og ég
hef gert í gegnum árin. Ég er óttaleg-
ur vitleysingur og finnst gaman að
vera til.“
Undir miklu álagi „Í vor
fannst mér ég vera að brenna
upp bæði líkamlega og
andlega.“