Dagblaðið Vísir - DV - 13.07.2012, Blaðsíða 20

É
g tel að hægri róttæklingar hafi
mótað umræðuna á Íslandi,“
segir Stefán Ólafsson, prófessor
og formaður Þjóð mála stofnunar.
„Þeir hafa með því ekki bara
fært miðjuna í stjórnmálunum langt
til hægri heldur hafa þeir einnig gert
umræðuna ómerkilegri, vegna þess
að þeir bera enga virðingu fyrir stað­
reyndum.“
Stefán er staddur í Grikklandi
um þessar mundir en DV hafði sam­
band við hann vegna umræðu um að
hugsanlega ætli hann sér í framboð
fyrir Samfylkinguna í næstu kosning­
um. Stefán hefur raunar verið orð­
aður við formannsframboð fyrst af
Smáfuglum amx.is og síðar af Agli
Helgasyni sjónvarpsmanni. „Ég er
ekki í stjórnmálum. Er ekki flokks­
bundinn í neinum flokki og er ekki
með nein áform um að fara í stjórn­
mál. Það gefur því auga leið að ég
er ekki að fara í formannsframboð í
flokki sem ég er ekki meðlimur í.“
Herferð gegn Jóhönnu
Í nýlegum skrifum Stefáns, færslu
sem ber heitið „Styrmir stjórnar
Samfylkingunni“, bendir Stefán á ít­
rekuð skrif Styrmis Gunnarssonar,
ritstjóra Evrópuvaktarinnar, þar sem
Jóhanna Sigurðardóttir, forsætisráð­
herra og formaður Samfylkingarinn­
ar, er sögð standa höllum fæti sem
formaður flokksins. „Hann hefur sagt
að hún hljóti að hætta. Ef hún haldi
áfram muni Samfylkingin bíða af­
hroð í kosningum að ári. Hann hefur
ávarpað þingmenn Samfylkingarinn­
ar og sagt við þá að fæstir þeirra muni
komast aftur á þing ef Jóhanna leiði
Samfylkinguna áfram. Hann reif­
ar hverjir eigi að taka við af henni og
svo framvegis. Svona gengur þetta
í síbylju, eins og rispuð hljómplata.
Til að hafa áhrif,“ skrifar Stefán á
bloggsíðu sinni á vefmiðlinum Eyj­
unni. Þá vekur athygli að Stefán lýs­
ir afdráttarlaust þeirri skoðun sinni
að Jóhanna sé pólitísk afrekskona.
„Enginn stjórnmálaflokkur hefur efni
á að setja pólitíska afreksmenn sína
til hliðar – síst af öllu ef það er einlæg
ósk pólitískra andstæðinga hans!“ DV
spurði Stefán hvort ekki mætti túlka
skrifin sem afdráttarlausa yfirlýsingu
um að hann telji ekki þörf á að Jó­
hanna stígi til hliðar. „Ég hefði haldið
það,“ svarar Stefán.
Makalaust virðingarleysi
Ólafur telur kenningar um fram­
boðshug hans raunar fráleitar og
dæmi um virðingarleysi áróðurs­
manna fyrir umræðunni. „Það er
raunar makalaust að menn eins og
Styrmir Gunnarsson, Páll Vilhjálms­
son og mykjudreifararnir á AMX
skuli taka svona ákvarðanir fyrir
mig og alveg út í loftið. Þetta eru allt
harðsvíraðir áróðursmenn og þeir
byggja þessi skrif sín á skálduðum
ósannindum,“ segir Stefán. Þar vitn­
ar hann til að mynda til skrifa Styrmis
um að innan Samfylkingarinnar sé
hópur fólks sem vilji sjá Stefán í for­
mannsframboði en sams konar skrif
hafa sést á vef Smáfuglanna sem og
bloggsíðu Páls Vilhjálmssonar, fram­
kvæmdastjóra Heimssýnar.
Djarfir við lygar
„Það er einmitt meginástæðan
fyrir því að ég ákvað að fara að
blogga að mér hefur blöskrað hve
lítið staðreyndir eiga upp á pall­
borðið í þjóðmálaumræðunni og
hve menn eru orðnir djarfir við að
ljúga að þjóðinni í pólitískum til­
gangi.“ Hann segir hægriróttæk­
linga ekki aðeins hafa fært miðju
stjórnmálanna með yfirtöku sinni
á þjóðmálaumræðunni. Að mati
Stefáns er umræðan einnig ómerki­
legri vegna aðgangshörku áróðurs­
manna gegn óþægilegum stað­
reyndum. „Þeir bera enga virðingu
fyrir staðreyndum. Þeir hika ekki
við að afbaka upplýsingar, fara vís­
vitandi rangt með og afvegaleiða
almenning, í þeim tilgangi að ná
pólitískum markmiðum, það er að
ná auknum áhrifum og völdum.
Þeir stimpla staðreyndaupplýs­
ingar sem vinstriboðskap ef þeim
líkar ekki við niðurstöðurnar.“
Óþægilegar staðreyndir
Sjálfur segist Stefán hafa fengið að
finna fyrir aðferðum áróðursmanna
í eigin starfi. Þannig hafi niðurstöð­
ur rannsókna hans á þróun skatt­
byrði hér á landi ekki fallið í kramið
hjá róttækum hægriáróðursmönn­
um. Hann hafi þó aðeins komið á
framfæri staðreyndum og það frá að­
ilum eins og Hagstofu Íslands, OECD
og ríkisskattstjóra. „Þetta voru stað­
reyndir frá hlutlausum aðilum. Ég
boðaði aldrei neina skattastefnu sem
ég aðhylltist sjálfur, sagði bara hvern­
ig hlutirnir væru að þróast, sam­
kvæmt gögnunum,“ segir Stefán um
rannsóknir sínar. „Staðreyndirnar
voru þessum aðilum óþægilegar og
þá voru þær bæði stimplaðar og af­
bakaðar – í viðamikilli síbylju. Mark­
miðið var að blekkja almenning.“
Viðtækar þöggunaraðferðir
„Ég vonast til að leggja því lið, að stað­
reyndum verði tekið af meiri alvöru
í framtíðinni og að þjóðin láti ekki
stórpólitíska kuklara og sölumenn
snákaolíu stýra umræðunni,“ segir
Stefán ástæðu þess að hann bloggar
nú af miklum móð. „Þessar aðgerðir
hægriróttæklinganna á Íslandi bein­
ast ekki bara að fræðimönnum sem
voga sér að birta óþægilegar stað­
reyndir heldur beinist þetta einnig
að blaðamönnum. Þetta er hluti af
víðtækum þöggunaraðgerðum, sem
áttu sinn þátt í því fyrir hrun að halda
mikilvægum staðreyndum frá þjóð­
inni.“
20 Fréttir 13.–15. júlí 2012 Helgarblað
„Bera enga virðingu
fyrir staðreyndum“
„Þeir stimpla stað-
reyndaupplýsingar
sem vinstriboðskap ef
þeim líkar ekki við niður-
stöðurnar.
n Óflokksbundinn og ekki á leið í formannsslag n Staðreyndir stimplaðar „vinstri“
Atli Þór Fanndal
blaðamaður skrifar atli@dv.is
„Ég er ekki að fara
í formannsfram-
boð í flokki sem ég er
ekki meðlimur í
Áhugasamur um Samfylkinguna
Styrmir Gunnarsson ritstýrir Evrópuvaktinni
og fer mikinn um þörfina á formannsskipt-
um í Samfylkingunni.
Ábyrgðarmaður Smáfuglanna
Friðbjörn Orri Ketilsson er ritstjóri amx.is þar
sem nafnlausir skoðanapistlar Smáfugl-
anna birtast.
Ekki Baugspenni Páll Vilhjálmsson,
framkvæmdastjóri Heimssýnar, heldur úti
persónulegu bloggi um stjórnmál þar sem
staða Jóhönnu er gjarnan rædd.
Vill leggja staðreyndum lið
Stefán Ólafsson segir áróðurs-
menn hægriróttæklinga hafa
stundað víðtækar þöggunarað-
gerðir undanfarin ár.