19. júní - 19.06.2015, Blaðsíða 85

Ársrit Kvenréttindafélags Íslands | 83
Hversdagssexismi er efstur á baugi í femínískri
umræðu í Noregi þessa dagana. Flestar norskar
konur virðast hafa upplifað kynferðislega áreitni
af einhverju tagi, en ákveðnar raddir hafa reynt að
gera lítið úr þessari staðreynd og jafnvel véfengja
hana. Í vor hefur hashtaggið #jegharopplevd
verið mikið notað á samfélagsmiðlum og er
grundvöllur fyrir mikilvæga umræðu um hvers­
dags sex isma hér í Noregi.
Helsta áskorun norskra femínista þessa
dagana er að innleiða reynslu og upplifun allra
inn í femíníska umræðu, en femínisminn hefur
lengi verið gagnrýndur fyrir að vera hvítur og
gagnkynhneigður. Meðvitund um þetta mál­
efni er orðin meiri en fyrir nokkrum árum,
en það þarf að halda áfram að vinna að því
að koma sem flestum sjónarhornum að. Sú
vinna hefur enn sem komið er ekki skilað
nógu miklu.
Hápunktur jafnréttisbaráttunnar
undanfarin ár er að á alþjóðlega kvenna­
deginum þann 8. mars 2014 var metmæting
í allar kröfugöngur. Þessi mæting var tákn
um þversamfélagslega samstöðu gegn
breytingum sem til stóð að gera á fóstur­
eyðingarlöggjöfinni það árið. Stjórn völd
vildu gefa læknum leyfi til þess að neita
konum um ráðgjöf í fóstureyðing­
ar ferl inu og neita að vísa áfram til
sjúkra húss ins þar sem fóstureyðingin
færi fram. Sem betur fer leiddi þessi
bar átta til þess að yfirvöld hættu við
lagabreyt inguna.
Dóra Björt Guðjónsdóttir
stofnandi Femínista félags
Oslóarháskóla og situr
í rit stjórn Fett (fett.no)
Noregur