19. júní - 19.06.2015, Blaðsíða 49

Ársrit Kvenréttindafélags Íslands | 47
Dæmin sýna að töluverður árangur
hefur náðst í jafnréttisbarátt unni hér ­
lendis og víðar, þótt flestir getir verið
sammála um enn sé langt í land í átt að
fullu jafnrétti. Á meðan konur hafa ekki
náð jöfnum launum á við karla verða við
lýði viðteknar hugmyndir um hlutverk
kvenna. Þá eru réttindi karla ekki síður
mikilvæg, en sem dæmi má nefna að
hallað hefur á karla í forræðismálum við
skilnað hjóna.
Við lifum á miklum umbrota tímum
í jafnréttisbaráttunni. Nú er kona til
dæmis í framboði til valdamesta emb­
ættis hins vestræna heims, barns hafandi
kona var í framboði til forseta Íslands
í síðustu forsetakosningum og kona í
krabbameinsmeðferð var nýlega valin
í ráðherraembætti á Íslandi. Í öllum
þessum tilvikum eru það hæfileikar
þessara einstaklinga sem eru í forgr unni,
ekki kyn eða ástand. Þessum konum er
treyst til að taka ákvörðunina sjálfar og
afl eið ingum hennar, hverjar sem þær
kynnu að verða. Þetta hefði verið óhugs­
andi fyrir aðeins örfáum áratugum
síðan, alveg eins og óhugsandi hefði
verið að svartur maður myndi setjast í
embætti forseta Bandaríkjanna, sama
embætti og kona sækist nú eftir.
Að framansögðu er ljóst að árang­
ur hefur náðst sem gott er að minna sig
á og meta. Það er fyrir tilstuðlan seiglu
og fórnfýsi þeirra sem á undan gengu
að árangur náðist og nú er framtíðin í
okkar höndum. Áfram þarf að stuðla að
hugarfarsbreytingu og við verðum að
muna að það er hagur allra að jafna hag
og kjör og tryggja jafnrétti, og þá ekki
síst eldri borgara.
Allir vilja eldast en…
Í sumum samfélögum öðlast fólk
virðingu með aldrinum en víðast í hinum
vestræna heimi virðist nánast skömm
fólgin í að eldast. Allir vilja ná hærri
aldri, en bara „einkennalausir“. Hillary
Clinton sagði á einum framboðsfund­
inum að hún hefði tekið eftir því að sitj­
andi Bandaríkjaforsetar hefðu gránað
áberandi á forsetastóli og orðið líkari
húsinu sem þeir ynnu, Hvíta húsinu, á
litinn. Hún bætti síðan við að kjósendur
hennar þyrftu ekki að hafa áhyggjur
af því hvað hana varðaði, því hún væri
búin að lita hár sitt í mörg ár og myndi
ekki hætta því.
Clinton er fædd 1947 og er því 68
ára gömul. Hún kýs að sjá spaugilegu
hliðina á því að eldast um leið og hún
nýtir reynsluna sem hún hefur safnað
í lífinu í því sem hún vill taka sér fyrir
hendur í framtíðinni. Kyn eða litur skiptir
ekki máli.
Ef náttúran fær að ráða göngum
við mannfólkið öll sömu leið og finnum
fyrir sömu líkamlegu einkennunum
eftir því sem árin færast yfir. Óttinn við
að eldast felst öðrum þræði í að missa
líkamlega getu en ekki síður hræðslu
við tilgangsleysi og einmanaleika. En
ráðið gegn þessum ógnum getur meðal
annars falist í jafnrétti kynjanna!
Vildum byrja á
byrjuninni
„Stórt innlegg í jafnréttisbarátt­
una var að átta okkur á því að ala
strákana öðruvísi upp en foreldrar okkar
gerðu,“ segir Þórunn Sveinbjörnsdóttir,
formaður Félags eldri borgara, en að
hennar mati skiptu aukin tengsl feðra
við börn sín sköpum þegar kom að því
að jafna rétt kynjanna.
Þórunn hefur tekið þátt í jafnréttis­
baráttunni allt frá 1985 þegar hún sett­
ist í ’85 nefndina sem varð til vegna 10
ára afmælis kvennafrídagsins. Hún sat
síðan sem fulltrúi fyrir ASÍ í Jafnréttis­
ráði í mörg ár.
„Við vildum byrja á byrjuninni og
hvöttum konur til að ala strákana sína
upp með öðrum áherslum en hafði
verið gert,“ segir Þórunn. „Við vissum