Valsblaðið - 01.05.2012, Qupperneq 26

26 Valsblaðið2012
Framtíðarfólk
Nám: Er í Verzlunarskóla Íslands.
Kærasti: Nei enginn svoleiðis.
Af hverju Valur: Mamma mín er algjör
Valsari og svo var stóra systir mín, Heiða
að æfa fótbolta með Val svo ég hermdi
eftir henni.
Hvernig skýrir þú hvað margar efnileg­
ar fótboltastelpur koma upp úr yngri
flokkum Vals: Góðir þjálfarar með góðar
æfingar og sem halda vel utan um hópinn.
Frægur Valsari í fjölskyldunni: Mamma
mín, Ragnheiður Víkingsdóttir.
Hvernig hafa foreldrar þínir stutt þig í
fótboltanum: Þau mæta á alla leiki sem
þau geta þ.e.a.s þegar þau eru ekki að
horfa á hinar systur mínar. Svo eru þau
dugleg að benda mér á það sem ég get
gert betur eða eitthvað sem ég gerði vel,
þannig þau hjálpa mer að bæta mig.
Hver er besti íþróttamaðurinn í fjöl­
skyldunni: Það eru allir íþróttamenn i
fjölskyldunni minni svo ég ætla bara að
segja ég.
Erfiðustu mótherjarnir: Breiðablik.
Eftirminnilegasti þjálfarinn: Bjössi og
Sossa.
Fyndnasta atvik: Við vorum nokkrar
Valsstelpur að fara til Færeyja að keppa
æfingaleik með U17. Þegar allir hittust
hjá KSÍ kemur Ingunn þangað með haus-
inn hangandi niðri, þá hefði hún farið í
sturtu og verið að teygja sig eftir
shampoo-inu og festi sig í hálsinum. Þótt
þetta væri ekki fyndið þarna var þetta
mjög fyndið eftir á því hún var eins og
einhver krypplingur alla ferðina. Hún
náði þó að spila seinni hálfleik í seinni
leiknum.
Athyglisverðasti leikmaður í meistara­
flokki kvenna hjá Val: Rakel getur ver-
ið algjör steik.
Hvernig líst þér á yngri flokkana í fót­
bolta hjá Val: Mér líst bara mjög vel á
þá.
Við hvaða aðstæður líður þér best:
Þegar ég er nýbúin á æfingu um vetur,
fer í sturtu og svo í rúmið mitt undir
sæng. Gæti ekki verið betra.
Skemmtilegustu gallarnir: Er frekar
þrjósk. Það er alveg gaman fyrir mig en
veit ekki með fólkið í kringum mig.
Landsliðsdraumar þínir: Stefni á það
að komast í A-landsliðið.
Besta hljómsveit: Get alltaf hlustað á
Sálina hans Jóns míns.
Besta bíómynd: Batman myndirnar eru
góðar og Inception.
Uppáhaldsvefsíðan: Facebook.
Uppáhalds erlenda fótboltafélagið:
Barcelona.
Nokkur orð um aðstöðuna á Hlíðar­
enda: Toppaðstaða, væri samt fínt að hafa
upphitaðan gervigrasvöll.
Toppaðstaðaá
Hlíðarenda
Hildur Antonsdóttir er 17 ára og leikur
knattspyrnu með meistaraflokki
Veriðvelkominíglæsilega
ValsbúðokkaraðHlíðarenda
Í búðinni fæst allur nauðsynlegur varningur til íþróttaiðkunar, Vals-
búningar og gallar frá Hummel ásamt ýmsum öðrum varningi eins
og derhúfum, treflum, Valsbrúsum o.fl. Hægt að merkja treyjurnar á
staðnum. Í Valsbúðinni geta iðkendur, foreldrar og félagsmenn
græjað sig upp í rauða litnum, rækilega merktir félaginu okkar!
Búðin er opin milli kl. 16 og 18
á virkum dögum auk þess sem hún
er opin á leikdögum.
Nánari upplýsingar á valur.is