Valsblaðið - 01.05.2012, Síða 102

102 Valsblaðið2012
UngirValsarar
Marteinn hefur æft með Val þar sem öll
fjölskyldan hans hefur alltaf haldið með
Val og bæði æft fótbolta og handbolta.
Honum finnst æskilegt að fjölga krökkum
í yngri flokkum til efla samkeppni. Hann
á sér þann draum að komast í atvinnu-
mennskuna og geta samhliða öðlast góða
menntun. „Ég get alveg séð mig fyrir mér
í atvinnumennskunni eftir 10 ár, en það
mun kosta mikla vinnu og mikið sjálfs-
traust sem ég er tilbúinn að takast á við.“
Hvernig tilfinning var að fá Friðriks­
bikarinn á uppskeruhátíðinni í haust?
„Það er mikill heiður að fá Friðriksbikar-
inn. Það hvetur mann til þess að halda
áfram og æfa meira en aðrir. Ég var ekkert
að búast við það að fá þennan bikar frekar
en einhver annar í flokknum mínum þar
sem um fyrirmyndarstráka er að ræða. En
auðvitað var ég kátur að fá hann því þetta
er mjög flott viðurkenning.“
Hvernig gekk ykkur í sumar? „Sumarið
hjá okkur strákunum gekk mjög vel á
köflum. Það komu auðvitað einhver mót-
læti en við börðumst gegn því og unnum
vel sem heild. Við fórum gífurlega ein-
beittir í bikarinn og löguðm mikla áherslu
á þá leiki. Okkur gekk mjög vel og slóg-
um út þau lið sem eru á toppnum í A-riðl-
inum og tókst okkur að komast í úrslita-
leikinn en þar mættum við Stjörnunni sem
unnu okkur 2-0 þrátt fyrir spennandi og
skemmtilegan leik. Það var virkilega gam-
an þegar við fórum í sumar út til Englands
á mót sem hét Keele Cup. Þar stóðum við
okkur virkilega vel og enduðum í 2. sæti.
Hópurinn núna er mjög flottur. Ég fór upp
úr 3. flokki og í 2. flokk þar sem er fullt af
flottum knattspyrnumönnum. Mér líst vel
á hópinn og finnst að framtíðin sé björt.
Það er góður andi í hópnum og alltaf gam-
an á æfingum. Ég er virkilega sáttur með
þjálfarana mína. Ég hef fengið góða þjálf-
un og bætt mig með tímanum.“
Fyrirmynd í boltanum? „Mér hefur
alltaf fundist Rúnar Már sem leikur með
meistaraflokki Vals vera skemmtilegur
leikmaður en fyrirmyndirnar mínar í fót-
boltanum erlendis eru þeir Fabregas sem
leikur með Barcelona á Spáni og Neymar
sem leikur með Santos í Brasilíu.“
Hvað þarf til að ná langt í íþróttum?
„Til þess að ná langt í íþróttum þarf að
hugsa vel um sjálfan sig. Það skiptir
mikli máli að borða vel og hollan mat og
fá nógu mikinn svefn. Það hjálpar alltaf
að gera aukaæfingar en eitthvað sem ég
lærði á þessu ári var hvað hugarfarið er
gríðarlega mikilvægt. Maður getur alltaf
bætt sig í hverju sem er en það sem ég
væri til í að bæta mig í væri styrkleiki,
sprengikraftur og hraði.“
Hvers vegna fótbolti? „Ég valdi fótbolt-
ann sennilega því ég byrjaði snemma að
horfa á enska boltann með pabba mínum
og systur minni. Systir mín var líka að
æfa með Val þegar hún var yngri og hún
var dugleg að taka mig með sér út á tún í
fótbolta. Ég hef bara æft fótbolta.
Frægur Valsari í fjölskyldunni? „Faðir
minn er helsti Valsarinn í fjölskyldunni.
Hann var sjálfur í handboltanum í Val og
var mjög góður. Hann spilaði sem mark-
maður og var valinn í mörg landslið.
Hann tók þátt á Norðurlandamóti með
landsliðinu eitt sinn og var valinn besti
markmaður mótsins.“
Stuðningur fjölskyldu? „Ég hef fengið
mikinn stuðning frá föður mínum hann
hefur alltaf verið duglegur að kalla inn á
völlinn og hvetja mann áfram. Mamma
mín kom á alla á þá leiki sem hún gat
komið á. Systir mín hefur líka verið dug-
leg að mæta og hvetja mig. Ég tel stuðn-
ing frá foreldrum og systkinum vera
mjög mikilvægur. Þau hvetja mann áfram
og veita manni ákveðinn stuðning.“
Hver stofnaði Val og hvenær? „Séra
Friðrik Friðriksson og hann stofnaði Val
árið 1911. Látið aldrei kappið bera feg-
urðina ofurliði eru hans einkunnarorð.“
Þaðermikillheiður
aðfáFriðriksbikarinn
Marteinn Högni Elíasson er 16 ára og
leikur knattspyrnu með 2. flokki og er
handhafi Friðriksbikarsins 2012
Flugeldasala
Vals 2012
hlíðarenda
OPNUNARTÍMI
28. des. kl. 16–22
29. des. kl. 16–22
30. des. kl. 14–22
31. des., gamlársdag kl. 10–16