Gerðir kirkjuþings - 2001, Síða 32

ALYKTUN
Kirkjuþing lýsir yfir ánægju með þær breytingar sem orðið hafa á starfsháttmn
Kirkjuráðs. Skipulag er í fastari skorðum en áður. Ráðinn hefur verið
framkvæmdastjóri. Þá er miðlun upplýsinga til fulltrúa á Kirkjuþingi svo og til
kirkjunnar allrar í gegnum kirkjuvefinn í góðu lagi.
Nýr kirkjuvefur var opnaður á fyrsta degi Kirkjuþings. Þar er að fmna skýrar og
skilmerkilegar upplýsingar um störf þingsins og framlögð mál. Auk þess hafa
fjölmiðlar flutt fréttir af þinginu og haft viðtöl við einstaka þingfulltrúa. Allt er þetta
liður í því að færa fólki upplýsingar um það, sem efst er á baugi hjá yfirstjórn
kirkjunnar.
Kirkjuþing tekur undir það mat Kirkjuráðs að óvarlegt hefði verið að breyta
fyrirkomulagi kosninga til Kirkjuþings án þess að á það hafi reynt, sbr. nýmæli um
tilnefningar sem er að fmna í 1. gr. starfsreglna um Kirkjuþing nr. 728/1998.
Kirkjuþing álítur mikilsvert að unnið sé áfram að mótun starfsmannastefnu
Þjóðkirkjunnar. Kirkjuþing gerir athugasemd við tillögur urn hvernig afla skuli aukins
fjár til að standa undir símenntun presta og annarra starfsmanna kirkjunnar eins og
þær birtast í fskj. 2 á þskj. 5. Símenntun presta ætti að vera hluti af launakostnaði
þeirra líkt og er hjá öðrum háskólamenntuðum starfsstéttum.
Kirkjuþing þakkar greinargerð brauðamatsnefndar. Hér er um mikilsvert verkefni að
ræða sem m.a. gefur dýrmætar upplýsingai' um umfang og eðli embættisverka og þess
kostnaðar sem þeim fylgir. Ljóst er að góð samvinna og skilningur presta og prófasta
er grundvöllur þess að skráningin takist sem best. Kirkjuþing leggur því til að góður
tími verði gefinn til kennslu og kynningar svo og til að prófa kerfið með það að
markmiði að almenn skráning í gagnagrunninn hefjist ffá og með 1. janúar 2003.
Kirkjuþing álítur að hugmyndin um að prestar hætti að reka embættin á sínu eigin
nafni og í staðinn fái hvert embætti sína kennitölu sé ekki hluti af sjálfu brauðamatinu.
Hugmyndin tengist kjarabaráttu presta og mun hafa all nokkrar breytingar í för með
sér fyrir presta bæði hvað varðar bókhald og skattskil. Eðlilegt er að fullt samráð sé
haft við Prestafélag íslands um útfærslu hugmyndarinnar.
Samkvæmt framlögðu lögfræðiáliti getur Kirkjuþing ekki sett í starfsreglur um
kosningu biskups íslands og vígslubiskupa ákvæði um með hvaða hætti sé unnt að
hafa biskupskosningu við lok fimm ára skipunartíma biskups. Slíkt fyrirkomulag
myndi krefjast lagabreytinga ef til kæmi.
Kirkjuþing álítur að það sé ekki til bóta að hafa þingtímann í tveimur lotum. En
skynsamlegt væri að hinar þrjár föstu þingnefndir væru jafnframt fastanefndir
kirkjunnar og störfuðu milli þinga. Þannig mætti undirbúa og vimra mál betur fyrir
Kirkjuþing og stytta sjálfan þingtímann. Eftir sem áður yrði Kirkjuþingið í eimii lotu á
svipuðum tíma og nú er. Þá væri ótvírætt hagræði af því að héraðsfundir yrðu haldnir
að vori eða snemmsumars.
Skipurit fyrir skrifstofu biskups íslands og skrifstofu Kirkjuráðs á fylgiskjali 1 gefur
glögga mynd af skipulagi skrifstofanna og hvert sé verksvið og ábyrgðarsvið einstakra
aðila.
28