Gerðir kirkjuþings - 2001, Page 49

12. Launamál og orlof
Þjóðkirkjan vill búa launuðu starfsfólki sínu þannig kjör að hún geti haft í þjónustu
sinni hæft starfsfólk.
Starfsfólk skal skipuleggja orlof sitt í samráði við yfirmann og/eða nánustu
samstarfsmenn, helst eigi síðar en fyrir lok mars ár hvert.
13. Siðareglur og starfsagi
Þjóðkirkjan ætlast til að starfsfólk hennar sýni kirkjunni fulla virðingu og gæti þess að
orð og athæfi samrýmist starfmu sem það gegnir.
Starfsfólki ber að hlíta lögmætum íyrirmælum stjórnanda/tilsjónarmanns. Starfsfólk
hafi þagnarskyldu í heiðri.
Starfsfólki í fullu starfi ber að fá leyfi yfirmanns til að stunda launuð aukastörf.
14. Starfsaðstaða og starfsumhverfi
Þjóðkirkjan leitast við að tryggja starfsmönnum sínum gott starfsumhverfi sem
fullnægir ströngustu kröfum um öryggi og hollustu. Taka skal sérstakt tillit til fatlaðra
starfsmanna svo og þeirra sem eiga við sjúkleika að stríða.
15. Framkv æmd, ábyrgð og gildistími
Starfsmannastefna Þjóðkirkjunnar er samþykkt af Kirkjuþingi. Hún er gefin út af
Kirkjuráði og tekur gildi 1. janúar 2002.
Biskup Islands, Kirkjuráð, prófastar, prestar, sóknarnefndir og aðrir stjórnendur
stofnana Þjóðkirkjunnar bera ábyrgð á því að starfsmannastefnunni sé framfylgt.
Starfsmannastefnan skal endurskoðuð eftir þörfum.
Kirkjuþing samþykkti eftirfarandi frávísunartillögu frá Jóhanni E. Bjömssyni:
Kirkjuþing 2001 samþykkir að vísa 5. máli um starfsmannastefnu Þjóðkirkjunnar til
Kirkjuráðs er leggi endurskoðaða tillögu fyrir Kirkjuþing 2002.
45