Gerðir kirkjuþings - 2001, Page 51

sjóðsins að gera heildstæða úttekt á öllum eignum prestssetranna og ákvarða
verkefnisröð sem síðan verði fylgt. Með því móti er hægt að hafa betri stjórn á þeim
íjármunum sem fara í viðhald eignanna svo og að geta með ákveðnum hætti sagt
prestum og ijölskyldum þeirra hvenær og hvernig verður staðið að viðgerðum.
A árinu varð sú nýbreytni að gefið var út fréttabréf Prestssetrasjóðs og eru þar
tilgreindar ýmsar fréttir af ákvörðunum stjórnar og framkvæmdum á prestssetrunum.
Þetta hefur mælst vel fyrir og er ætlunin að fréttabréf komi út einu sinni til tvisvar á
ári.
Það er að segja af málefnum Útskála að á meðan síðasta Kirkjuþing stóð yfir var
keypt hús, sem er gömul hjáleiga frá Útskálum og fylgdi því húsi nokkuð land sem þá
endurheimtist til jarðarinnar. Varðandi gamla íbúðarhúsið þá bíður það frekari
ákvarðanna, en ákveðnir aðilar hafa sýnt því áhuga að endurgera það sem sérstakt
kirkju- og menningarsetur sem einnig kæmi til með að þjóna kirkjunni sem
þjónustuhús. Verður unnið að þessum málum áfram í samráði við heimamenn.
I síðustu skýrslu stjórnar var sagt að efst á lista stærri verkefna sjóðsins væri bygging
íbúðarhúss í Glaumbæ í Skagafirði og hefur þar engin breyting orðið á en ijárskortur
hamlað þessum áformum. Stjórnin samþykkti að byggja nýtt íbúðarhús í Glaumbæ, ef
íjármagn fengist til þess á góðum kjörum og er það nú fyrir hendi, en jafnframt liggur
fyrir álit Kirkjuráðs sem telur skuldsetningu sjóðsins of mikla og mælir því frekar
gegn þessum framkvæmdum nema að hægt verði að selja eignir á móti, en leyfi til
sölu eigna hefur ekki fengist frá Kirkjuþingi.
Þetta sama á einnig við um bæði Egilsstaði og Selfoss, en á Kirkjuþingi 1999 var
Selfossi bætt á lista þeirra staða sem eiga að hafa prestssetur. A þeim lista eru nú tveir
staðir án prestsseturs þ.e. Selfoss og svo Egilsstaðir, en þar býr presturinn í eigin húsi
og hefur svo verið frá því áður en Prestssetrasjóður tók til starfa árið 1994. Þrátt fyrir
vinsamlegar beiðnir sóknarprestsins á Egilsstöðum hefur ekki enn verið hægt að verða
við óskum hans. Varðandi Selfoss þá hefur verið unnið að samningum um að kaupa
þar hús og liggja fyrir samningsdrög og hagstæð ijármögnum til þeirra kaupa.
í þeirri ijárhagsáætlun sem stjórn sjóðsins hefur lagt fyrir Kirkjuþing er gert ráð fyrir
að fjárfestingar sem farið verður í þ.e. bygging nýs húss í Glaumbæ og kaup á húsi á
Selfossi verði fjármagnaðar með sölu eigna. Þar er gert ráð fyrir að selja m.a.
Vatnsfjörð en slíkri beiðni var hafnað á síðasta Kirkjuþingi. Helstu rök gegn sölu
Vatnsfjarðar voru saga staðarins sem kirkjustaðar frá öndverðu og því ómetanlegt
fyrir kirkjuna að eiga staðinn áfram. Þessi rök geta í sjálfu sér haldið en ekki fyrir
Prestssetrasjóð í þeirri stöðu sem hann er nú í. Þetta er sagt með það í huga að
meginhlutverk sjóðsins er að halda utan um prestssetur starfandi presta og þegar
sjóðurinn er á engan hátt í stakk búinn til að sinna því hlutverki sökum ijárskorts, þá
er ekki hægt að setja varðveisluhlutverkið ofar þessu aðalhlutverki sjóðsins. Ef
Kirkjuþing telur Vatnsfjörð þá eign að hún eigi að vera í vörslu og eign kirkjunnar þá
þarf að færa hana undir eignasafn Kirkjuráðs í flokk með Skálholti eða að Kirkjuráð
og Kirkjuþing veiti aukalega til Prestssetrasjóðs þeim íjármunum sem sjóðurinn
annars hefði fengið við sölu staðarins og haldi sjóðnum skaðlausum af öllu viðhaldi
og viðgerðum ásamt eftirliti.
Þá hefur orðið breyting á hlutverki prestssetursins á Hólum í Hjaltadal þar sem það
hús er ekki lengur prestssetur heldur vígslubiskupsbústaður og því eðlilegt að sú eign
47