Gerðir kirkjuþings - 2001, Side 54

Skýrsla Prestssetranefndar
7. mál, flutt af Jóni Helgasyni, formanni Prestssetranefndar
Greinargerð Prestssetranefndar Kirkjuþings um prestssetrin og það sem þeim fylgir til
Kirkjuþings 2001
Inngangur
Ekki hefur ennþá fengist niðurstaða í viðræður prestssetranefndar við dóms-og
kirkjumálaráðuneytið og fjármálaráðuneytið um uppgjör við ríkið vegna afhendingu
prestssetranna.
Af óviðráðanlegum ástæðum gekk undirbúningsvinna með ráðuneytunum hægar en
vænst hafði verið. Af þeim sökum ákvað nefndin á síðastliðnum vetri að safna saman
þeim gögnum um þetta umfangsmikla mál, sem tekist hefur að afla og nefndin telur
mikils virði til að gera sér grein fyrir umfangi þess. Þessi mikla vinna hefur fyrst og
frernst verið unnin af nefndarmönnunum sr. Þorbimi Hlyn Arnasyni, sr. Halldóri
Gunnarssyni og sr. Geir Waage.
Þessi viðamikla skýrsla, sem fylgir hér með, var afhent viðræðunefnd ríkisins fyrr í
sumar og hefur prestssetranefndin síðan beðið eftir viðbrögðum ráðuneytanna.
í skýrslunni kemur skýrt fram hversu miklar eignir fylgdu prestssetrunum þegar ríkið
tók þau í sína vörslu snemma á síðustu öld og þá jafnframt hversu stór hluti varð eftir
í vörslu ríkisins þegar prestssetrasjóði var falin umsjón ákveðinna prestssetra með
hluta af því sem þeim fylgdi í ársbyrjun 1994.
Niðurstaðan snýst því ekki um styrk úr ríkissjóði til kirkjunnar, heldur að hvað miklu
leyti kirkjan fær bættar þær miklu eignir, sem ekki fylgdu með til prestssetrasjóðs
1994, sem kirkjan vill gera tvíhliða samning um gegn afsali hluta þeirra.
Sú staða, að presturinn á Þingvöllum hefur ekki haft afnot af prestsbústaðnum síðasta
árið, hefur einnig komið inn í viðræðurnar, en það mál verður að sjálfsögðu að fá
viðunandi lausn áður en samningum verður lokið.
Þrátt fyrir þann drátt, sem enn hefur orðið á niðurstöðu um prestssetramálið, verður
að vænta þess að efnisatriði þess liggi nú fyrir skýrar en áður, svo að farsælar lyktir
þess fáist fyrr en síðar.
28. september 2001
F.h. prestssetranefndar,
Jón Helgason
formaður
50