Gerðir kirkjuþings - 2001, Qupperneq 95

Frumvarp til laga um breyting á lögum um stöðu, stjórn og starfshætti
Þjóðkirkjunnar, nr. 78 26. maí 1997 (skipun presta)
24. mál, flutt af dóms- og kirkjumálaráðherra
(Lagt fyrir Alþingi á 127. löggjafarþingi 2001-2002.)
1. gr.
37. gr. laganna orðast svo:
Biskup Islands skipar í embætti sóknarpresta sem og í önnur prestsembætti, sbr. 35.,
36., 44. og 45. gr.
2. gr.
Eftirfarandi breytingar verða á 40. gr. laganna:
1. mgr. orðast svo:
Biskup Islands veitir þeim embætti sóknarprests sem hlotið hefur bindandi val en
ákveður að öðrum kosti veitingu. Sama gildir um veitingu embættis prests skv. 35. gr.
4. málsl. 2. mgr. orðast svo: Kjósi meirihluti kjörmanna að embættið verði auglýst
skal sú samþykkt send biskupi Islands til ákvörðunar.
3. gr.
1. málsl. 41. gr. laganna orðast svo:
Hafi enginn sótt um prestakall eða embætti er biskupi Islands heimilt að setja prest í
embættið í allt að eitt ár.
4. gr.
Lög þessi öðlast gildi 1. janúar 2001.
Athugasemdir við lagafrumvarp þetta.
Á undanförnum árum hefur markvisst verið stefnt að því að auka sjálfstæði
kirkjunnar, jafnt í íjármálum sem ýmsum öðrum málum. í þessu skyni var
veitingarvald embætta sérþjónustupresta, héraðspresta, presta sem eru ráðnir til starfa
erlendis og annarra prestsembætta en embætta sóknarpresta flutt frá
kirkjumálaráðherra til biskups Islands með lögum um stöðu, stjórn og starfshætti
Þjóðkirkjunnar, nr. 78/1997. Sama á einnig við um skipun í embætti prófasts. Með
þessu voru aukin áhrif biskups Islands um innri málefni kirkjunnar.
Með nýjum starfsreglum um presta, nr. 735/1998, sem kirkjuþing samþykkti haustið
1998 á grundvelli laga um stöðu, stjórn og starfshætti Þjóðkirkjunnar varð
grundvallarbreyting á reglum um val og veitingu prestsembætta. Samkvæmt þeim
reglum velja svonefndar valnefndir, sem nú eru komnar til sögunnar, jafnt
sóknarpresta sem aðra presta í sóknum, sbr. 35. gr. laganna. Vegna samræmis er
eðlilegt að sami háttur verði hafður á um skipun sóknarpresta og annarra presta og að
veitingarvaldið verði hjá biskupi Islands. Lagt er til með frumvarpi þessu að biskup
Islands skipi alla presta.
I 23. gr. laga nr. 78/1997 um stöðu, stjórn og starfshætti Þjóðkirkjunnar er boðið að
dóms- og kirkjumálaráðherra skuli leita umsagnar og tillagna kirkjuþings um
lagafrumvörp um kirkjuleg málefni er hann hyggst flytja á Alþingi.
Samkvæmt ofansögðu lagði dóms- og kirkjumálaráðherra frumvarp þetta fram á
Kirkjuþingi í september á sl. ári til umsagnar. Flutt var framsaga fyrir málinu á
Kirkjuþingi og óskað var umsagnar um það. Kirkjuþingið fjallaði um málið og
91