Fréttablaðið - 03.03.2016, Síða 68

3 . m a r s 2 0 1 6 F I m m T U D a G U r44 m e n n I n G ∙ F r É T T a B L a ð I ð
bíó
Frumsýningar
London Has FaLLen
Spennumynd
Aðalhlutverk Gerard Butler,
Aaron Eckhart, Morgan Freeman
og Angela Bassett.
IMDb 6,8/10
Frumsýnd: 4. mars
THe BroTHers GrimsBy
Gamanmynd
Aðalhlutverk: Sacha Baron
Cohen, Mark Strong og Isla Fisher
IMDb 6,8/10
Rotten Tomatoes 50%
Frumsýnd: 4. mars
Gods oF eGypT
Ævintýramynd
Aðalhlutverk: Brenton Thwaites,
Nikolaj Coster-Waldau og Gerard
Butler
IMDb 5,6/10
Frumsýnd: 11. mars
KVIKmYnDIr
Fyrir framan annað fólk
HHHH Leikstjórn: Óskar Jónasson
Aðalleikarar: Snorri Engilbertsson,
Hafdís Helga Helgadóttir, Hilmir
Snær Guðnason, Pálmi Gestsson,
Svandís Dóra Einarsdóttir, Þórir Sæ-
mundsson
Handrit: Óskar Jónasson, Kristján
Þórður Hrafnsson
Framleiðendur: Kristinn Þórðarson,
Leifur B. Dagfinnsson, Helga M.
Reykdal
Myndataka: Bergsteinn Björgúlfsson
Klipping: Valdís Óskarsdóttir og
Sigurður Eyþórsson
Tónlist: Atli Örvarsson
Leikmynd: Sveinn Viðar Hjartarson
Búningar: Helga I. Stefánsdóttir
Fyrir framan annað fólk er fyrsta
gamanmynd Óskars Jónassonar í fullri
lengd í næstum tvo áratugi, eða síðan
Perlur og svín kom út árið 1997. Hann
hefur þó fengist við grín í sjónvarpi
síðan þá en síðustu tvær bíómyndir
hans voru af allt öðrum toga en þær
fyrstu tvær.
Hérna er hann þó á aðeins öðrum
slóðum en í fyrstu tveimur myndum
sínum og mætti e.t.v. lýsa Fyrir framan
annað fólk sem örlítið Woody Allen-
legri rómantískri gamanmynd. Hún
segir frá hlédræga auglýsingateiknar-
anum Húberti sem tekst að heilla
stúlku að nafni Hönnu með því að
herma eftir yfirmanni sínum og for-
seta Íslands. Húbert byrjar að stunda
þessir eftirhermur af fullum krafti en
á endanum hættir hann að ráða við
þetta og byrjar að herma eftir fólki
ósjálfrátt. Þetta hefur áhrif á samband
hans við Hönnu og Húbert þarf að
gera eitthvað í málunum.
Hugmyndin á bak við myndina er
í senn einföld og óvenjuleg. Á vissan
hátt er þetta ósköp venjuleg róman-
tísk gamanmynd, en með ákveðnu
„twisti“ sem gefur henni áhugaverðan
blæ. Myndir af einmitt þessu tagi hafa í
raun lítið sést á Íslandi hingað til. Fyrir
utan rómantíkina ganga svona myndir
yfirleitt út á að skapa skemmtilegar
en um leið vandræðalegar aðstæður,
áhugaverða og litríka karaktera og
heimspekilegar vangaveltur. Nóg er
af því hér.
Í stuttu máli sagt er Fyrir framan
annað fólk vel heppnuð. Hún er
fyndin, vel leikin, fagmannlega gerð
og umfram allt bráðskemmtileg. Það
sem lætur hana virka fyrst og fremst
eru líflegir og eftirminnilegir karakt-
erar. Húbert er hlédrægur og vand-
ræðalegur á yfirborðinu en þegar eftir-
hermurnar fara á kreik verður hann
fyndinn og Snorra Engilberts tekst að
gera Húbert mjög trúverðugan.
Tveir leikarar skara þó mest fram
úr, þeir Hilmir Snær Guðnason sem
yfirmaður Húberts og Pálmi Gestsson
sem faðir Hönnu. Hilmir Snær er eins
og fæddur til að leika karakterinn sem
er hálfgerður drullusokkur sem maður
getur samt ekki annað en elskað. Ást
hans á Ítalíu og ítalskri menningu
er skemmtilegur eiginleiki í þessum
karakter og Ítalía er hálfgert þema í
myndinni allri þar sem ítölsk dægur-
lög koma mikið við sögu í henni.
Pálmi Gestsson er litlu síðri en Hilmir
og hefur í raun sjaldan verið skemmti-
legri. Hann leikur týpu sem margir
kannast við, óvirkan alkóhólista sem
talar alltaf um sig í þriðju persónu og
finnst Bubbi Morthens vera svalasti
maður á Íslandi.
Umfram allt er Fyrir framan annað
fólk afskaplega fyndin en hún hefur
þó líka nokkra dýpt sem gefur henni
aukið gildi. Eftirhermuáráttu Húberts
mætti líta á sem metafóru fyrir ein-
hvers konar sjúkdóm, jafnvel ein-
kenni af þunglyndi eða einhverfu. Í
myndinni eru ekki tekin beint fyrir
slík vandamál heldur eru þessir hlutir
settir í skemmtilegan búning þann-
ig að myndin fær mann til að hlæja
en skilur um leið eftir sig þegar hún
er búin. Þetta tengist líka pælingum
um eðli sambanda sem myndin veltir
beint og óbeint vöngum yfir, eins og
t.d. hvar fólk setji mörkin þegar kemur
að ástinni.
Ef það er eitthvað sem má setja út
á myndina þá er það kannski að þró-
unin í sögunni upphaflega er pínu
klunnaleg, persónur segja hver annarri
beint út að gera hluti sem hefði alveg
mátt gera á sjónrænan máta. Einnig
er vert að benda á að karlpersónurnar
í myndinni virka yfir höfuð dýpri en
kvenpersónurnar, karlarnir eru í það
minnsta mun meira áberandi og fá
meira að gera. Húbert hefur t.d. aðeins
meiri persónuleika en Hanna og faðir
Hönnu er mjög eftirminnilegur á
meðan móðir hennar er í raun bara
dæmigerð eldri kona. Atli Sigurjónsson
nIðUrsTaða: Bráðskemmtileg
rómantísk gamanmynd sem tekur
gamlar hugmyndir og setur þær í
ferskan búning. Myndin er vel leikin,
fagmannlega gerð og mjög fyndin.
Að herma eða ekki herma eftir
Bráðskemmtileg og Woody Allen-leg stjörnum prýdd gamanmynd Óskars Jónassonar
Á vissan hátt er þetta ósköp venjuleg rómantísk gamanmynd, en með ákveðnu „twisti“ sem gefur henni áhugaverðan blæ.
0
3
-0
3
-2
0
1
6
0
4
:2
4
F
B
0
8
0
s
_
P
0
7
3
K
.p
1
.p
d
f
F
B
0
8
0
s
_
P
0
6
8
K
.p
1
.p
d
f
F
B
0
8
0
s
_
P
0
0
8
K
.p
1
.p
d
f
F
B
0
8
0
s
_
P
0
1
3
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
8
A
7
-3
E
6
0
1
8
A
7
-3
D
2
4
1
8
A
7
-3
B
E
8
1
8
A
7
-3
A
A
C
2
7
5
X
4
0
0
.0
0
1
7
B

F
B
0
8
0
s
_
2
_
3
_
2
0
1
6
C
M
Y
K