Skírnir - 01.01.1984, Qupperneq 319
SKÍRNIR
RITDÓMAR
311
litum, semur sig að þeirri uppstillingu sem tíðkaðist á portrettmyndum
þess tíma, hinni svokölluðu % stellingu, þar sem fyrirsætan snýr til vinstri.
Mannamyndir Sigurðar málara eru yfirleitt þrengri en ljósmyndir, andlit
snúa þar oft beint fram eða til hægri, en það heyrir til undantekninga ef
Arngrímur kemur andlitum sínum þannig fyrir.
Ég tel því að Arngrímur hafi síður en svo fundist sér skákað af Ijósmynd-
inni, heldur hafi hann að ýmsu leyti tekið hana sér til fyrirmyndar. Að
hann skuli hafa tekið til við málaðar mannamyndir um miðjan sjöunda ára-
tuginn er einungis til marks um vaxandi sjálfstraust hans.
Þjálfun Arngríms í gerð mannamynda kom honum síðan til góða er hann
hóf að mála altaristöflur sínar sem dr. Kristján kallar með réttu „mestu stór-
virki hans“. Áhuga Arngríms á altaristöflum rekur hann aftur til Möðru-
vallabrunans árið 1865, er listamanninum áskotnaðist mikið skemmd altaris-
tafla kirkjunnar þar. Upp úr þvf færist Arngrímur allur í aukana í bréfum
sínum til Sigurðar málara og spyr æ ítarlegri spurninga um málaralist.
Fyrsta altaristafla hans, Einarsstaðataflan, er hins vegar ekki gerð fyrr en
1871 eða 1872 og er því líklegt að Amgrímur hafi gefið sér góðan tíma til
að ná valdi á olíulitum, eins og dr. Kristján getur um. Milli 1871 og 1885
málaði Arngrímur síðan 10 töflur og hafa tvær þeirra glatast.
Þegar kemur að því að rekja áhrifavalda í altaristöflum Arngríms er færra
um ábendingar en í mannamyndunum. í a.m.k. einu tilfelli, altaristöflunni
í Grímsey, fer þó ekki á milli mála hver fyrirmyndin er, nefnilega Kvöld-
máltíð Leonardos. Dr. Kristján telur hana gerða eftir koparstungumynd
(„töblustikki") af verki Leonardos. Væri út af fyrir sig fróðlegt að vita hvar
Arngrímur hefur komist yfir slíka koparstungu. Önnur altaristafla. á Þverá i
Laxárdal (og á Upsum), er sömuleiðis merkt upphafsmanni eða „Ch. Van-
loo“ (Carle Vanloo, 1705—1765), mikilvirkum en ekki að sama skapi and-
ríkum málara. Aftur spyr maður sig um hingaðkomu hinnar prentuðu fyr-
irmyndar. Sfðustu altaristöflu sína, á Reykjum f Tungusveit, segist Arn-
grímur í bréfi hafa „hugsað sjálfur" og f Stykkishólmskirkju gerði hann
töflu sem „ég hugsaði að mestu og þókti mér það skemmtiligra en að copi-
era.“ Þó er sennilegt að í báðum tilfellum hafi „hugsun" listamannsins falist
f uppstokkun á ýmsum mótffum sem hann hafði rekist á f myndum. Um
uppruna fimm altaristaflna er því ekkert vitað, en eflaust mætti hafa upp
á fyrirmyndunum með eftirgrennslan, t.d. í Witt myndasafninu f London.
En leitin gæti reynst tímafrek, þar eð Arngrímur virðist á seinni árum
hafa haft allar klær úti hvað myndefni snertir. Dr. Kristján birtir bréf hans
til Davíðs prófasts á Hofi frá 1876, þar sem hann biður um lán á Illustreret
Tidende, stóru myndskreyttu tímariti frá Danmörku. Árið 1882 skrifar Arn-
grímur Benedikt á Auðnum og getur þá um not sín af ,,Uppáfyndingabók-
inni“, „Conversation Lexik" og „Jesu Liv“ með 20 myndablöðum eftir
Gustave Doré og segist vera „sólginn í að fá Jólanóttina eftir Rubens og
eins Jairusar . . . “. (?). I síðara bréfi, skrifuðu tveimur mánuðum áður en
hann dó eða 5. desember 1886, talar hann um hina miklu útgáfu ,,Bibelen i