Skírnir - 01.09.1991, Qupperneq 110

372
ANDREW WAWN
SKÍRNIR
tröllinu sem bæri ábyrgð á bréfinu með níði Ariostos: hver hafði
síðast fengið að láni eintak Advocates-bókasafnsins af Ariosto
[Repp]; hver kunni ítölsku á bókasafninu [Repp]; með hvaða
rithönd var bréfið stílað [þeir kölluðu til rithandarsérfræðing við
banka í borginni - ekki fékkst skorið úr málinu]; var yfirleitt hægt
að reka Repp [nefndir lögmanna höfðu sumarið áður skoðað óljós
ákvæði upphaflega ráðningarsamningsins].39 Lyktir urðu þær að
Þorleifur var að vísu ekki rekinn, en hlaut áminningu um að temja
sér meiri háttvísi í framtíðinni40 og athygli hans vakin á því að
ráðningarsamningurinn frá sumrinu 1829 væri aðeins til fimm ára.
Þessi fimm ár liðu í eins eitruðu andrúmslofti og hugsast getur,
enda gerði Þorleifur sér stöðugt far um að spotta Irving í hefndar-
skyni fyrir það óréttlæti og þá niðurlægingu sem honum fannst
hann hafa liðið af hendi síns æðra starfsbróður. Eins og áður
greindi lagði Þorleifur áherslu á vísindalegt mynstur, réttlæti og
sjálfstæði í skrifum sínum; á Advocates-bókasafninu hafði hann
mætt ringulreið, óréttlæti og niðurlægingu. Þorleifur hafði lof-
sungið menningarlega yfirburði Islands - í starfi varð hann fyrir
smán og vanvirðu.
Ef togstreitan milli Þorleifs og Irvings er sett fram sem nokkurs
konar útdráttur lítur hún svona út: a) Stofnað er til hefðbundinnar
orðasennu milli bókavarðanna tveggja - nokkurs konar síðari tíma
mannjöfnubar, b) Starfsreglur safnsins duga ekki til að lægja
öldurnar sem af hljótast; c) Deiluaðilar leita báðir ásjár vina og
samstarfsmanna; d) Til formlegra úrslita dregur í júlí 1834 þegar
aðstandendur safnsins ganga til nokkurs konar kviðdóms þar sem
Repp bíður að lokum lægri hlut með 68 atkvæðum gegn 69; e)
Fórnarlambinu og fjölskyldu þess er í fyrstu látið eftir að dreyma
um hefndir, en þau verða síðan að sætta sig við útlegð. Þessi út-
dráttur úr framvindu mála á síðustu dögum Repps á Advocates-
bókasafninu er nánast samhljóða atburðarásinni í 4.-7. kafla
Færeyinga sögu, en úr því efni kaus Þorleifur að vinna tvær endur-
39 Þorleifur Guðmundsson Repp, Statement to the Faculty of Advocates by
Thorl.Gudm.Repp on the subject of the statement by the Curators of the library
(Yfirlýsing til starfsmanna Advocates-bókasafnsins frá Thorl.Gudm.Repp um
efni yfirlýsingarinnar frá stjórn safnsins) (Edinborg 1834), bls. 7-8.
40 Sama heimild, bls. 9-11.