Ritröð Guðfræðistofnunar - 01.01.2002, Qupperneq 9

Einar Sigurbjörnsson, Hjalti Hugason, Pétur Pétursson
Inngangsorð
Með þessu hefti Ritraðarinnar hafa orðið nokkur kaflaskil í útgáfusögu
hennar. Prófessor Gunnlaugur A. Jónsson, sem verið hefur ritstjóri frá 1990
lét af því starfi á árinu. Það varð að ráði að prófessor Einar Sigurbjömsson
tæki við ritstjórninni um sinn og auk hans sitja í ritstjóm prófessoramir
Hjalti Hugason og Pétur Pétursson. Gunnlaugi A. Jónssyni eru hér með
þökkuð störf hans sem ritstjóri Ritraðarinnar. Hann vann þau af mikilli prýði
og dugnaði.
Aðalefni Ritraðarinnar er að þessu sinni staða trúarbragða og trúar-
bragðafræða. Megintilefni þess er að á afmælisári Háskóla íslands 2001
hófu þrjár deildir hans samstarf um nám í almennum trúarbragðafræðum.
Þessar deildir eru guðfræðideild, heimspekideild og félagsvísindadeild. Al-
menn trúarbragðafræði höfðu þá verið kennslugrein við guðfræðideild í um
60 ára skeið og raunar hófust þau sem eins konar þverfaglegt nám en
kennsluárið 1942-1943 óskuðu guðfræðideild og heimspekideild eftir því
við séra Sigurbjörn Einarsson að hann héldi námskeið um önnur trúarbrögð.
Eftir að Sigurbjörn var ráðinn dósent við guðfræðideild árið 1945 voru al-
menn trúarbragðafræði gerð að fastri kennslugrein við deildina. í tilefni af
níræðisafmælum dr. Sigurbjörns og háskólans og því að þverfaglegt nám í
almennum trúarbragðafræðum var hafið við háskólann um 60 árum eftir að
Sigurbjörn hóf þar kennslu í þeim fræðum efndi Guðfræðistofnun til mál-
þings í Hátíðarsal Háskóla íslands þann 30. nóvember 2001 undir yfirskrift-
inni: Trúarbrögð við árþúsundamót. Fyrirlesarar á málþinginu voru fulltrúar
þeirra deilda er standa að þverfaglega náminu. Fyrirlesararnir bjuggu íyrir-
lestra sína út sem greinar til birtingar í þessu hefti Ritraðar Guðfræðistofn-
unar. Meginefni hennar er þar með að þessu sinni greinar um almenn trúar-
bragðafræði. Guðfræðistofnun leyfir sér að tileinka Sigurbirni Einarssyni
þetta hefti með árnaðar- og blessunaróskum. Hér birtist líka þakkarræða sú
sem Sigurbjörn flutti í lok málþingsins og var hún skrifuð upp eftir bandupp-
töku.
7