Ritröð Guðfræðistofnunar - 01.01.2002, Qupperneq 91

Er biblíumál karlamál?
kvenkyn er notað (Vertu viðbúinl) þá ætti setningin einungis við kvenfólk.
Einkunnarorð Vindáshlíðar, sumarbúða KFUK, eru væntanlega vísun í
Opinberunarbókina 2.10 „Vertu trúr allt til dauða“ en þar sem þetta eru
einkunnarorð stúlkna er kvenkyn notað: Vertu trú!
A síðustu árum eða áratugum hefur borið á aukinni viðkvæmni gagnvart
karlkyni í þessari notkun og sumum hefur fúndist ástæða til að leggja áherslu
á að þar með væri verið að útiloka konur. Ýmsar útgáfur má sjá af 2. per-
sónu eintölu þar sem sérstaklega er áréttað að konur séu ekki útilokaðar:15
(11) Ef þú ert ekki ánœgður/ánœgð ...
Ef þú ert ekki ánægð/ur ...
Ef þú ert ekki ánœgð(ur) ...
Þetta þykir sumum vera áfangi í jafnréttismálum. Svona dæmi sjást einkum
í mjög stuttum tilkynningum og ég hef aldrei séð lengri texta en örfáar línur
settan fram á þennan hátt. I eftirfarandi dæmi á að gæta þess að mismuna
ekki kynjum:
(12) Sunnudaginn 13. febrúar kl. 20 mun séra Anna S. Pálsdóttir flytja
fyrirlestur í Safnaðarheimili Neskirkju undir yfirskriftinni: Ertu
skilin(n). Fjallað verður um það að búa ein(n) síns liðs og mikilvægi
þess að vinna úr skilnaði og læra að vera ein(n).'6
Kæmi þessi leið til greina í þýðingu Biblíunnar? Hvemig skyldi heil bók líta
út, sett upp á þennan hátt?
(13) Ver hljóður/hljóð fyrir Drottni og vona á hann.
Ver eigi of bráður/bráð vegna þeirra er vel gengur,
vegna þess manns/þeirrar konu er svik fremur.17
Fleirtala
Hvaða kyn á að velja í 2. persónu fleirtölu? Að þessu atriði þarf að huga vel.
A að þýða Filippíbréfið 4.4 Verið ávallt glaðir ... eða Verið ávallt glöð ...? Á
að þýða Kólossubréfið 4.2 Verió staðfastir ... eða Verið staðföst... ? Þetta fer
15 Dæmi fengið úr fyrirspum til íslenskrar málstöðvar.
16 Morgimblaðið, 10.2.2000. Fyrirsögn þessarar tilkynningar var hins vegar í karlkyni: Fræðslukvöld
í Neskirkju um reynslu þeirra sem eru einir.
17 S137.7.
89