Ritröð Guðfræðistofnunar - 01.01.2002, Page 92

Agústa Þorbergsdóttir
eftir því hverjir eru ávarpaðir; er um að ræða karlahóp, kvennahóp eða karla
og konur? Einnig þarf að huga að samræmi í textanum. Ef þeir sem eru
ávarpaðir eru nefndir bræðnr er eðlilegt að sagnfylling standi í karlkyni en ef
ávarpið er systkin þá ætti sagnfyllingin að standa í hvorugkyni.
Sérstaklega þarf að huga að því hvort konur hafi verið með í hópnum og
gæta að því að nota þá hvorugkyn. Vel má vera að stundum geti verið óljóst
hvort orðum í 2. persónu fleirtölu sé beint til kvenna eða eingöngu til karla
- þar reynir á þekkingu á samfélagi þess tíma sem textinn varð til á.
Stundum virðist nokkuð ljóst að ekki er verið að ávarpa konur:
Síðan sagði hann við fólkið: „Verið reiðubúnir á þriðja degi: Komið
ekki nærri nokkurri konu.“18
í honum eruð þér einnig umskornir þeirri umskum, sem ekki er með
höndum gjörð, heldur með umskum Krists, við að afklæðast hinum
synduga líkama.19
Síðara dæmið getur þó átt bæði við karla og konur þar eð Páll er að tala um
andlega umskurn og því mætti standa í hvorugkyni: „í honum emð þér
einnig umskorin ...“
í 1. Mósebók 9.1 talar Guð beint til Nóa og sona hans og þá er eðlilega
notað karlkyn: Verið frjósamir. Nokkmm versum síðar er notað hvomgkyn
og þá hefiir þýðandi litið svo á að tilmælunum sé ekki eingöngu beint til þeirra
feðga enda geta karlmenn ekki Qölgað sér án kvenna: Verið frjósöm, fjölgið
ykkur, verið íjölmenn á jörðinni. (1M 9.7).20
Eins og ávallt er kvenkyn einungis notað um konur. Eftirfarandi dæmi er
úr bókinni Aðlaðandi er konan ánœgð og eins og nafn bókarinnar bendir til
er henni beint til kvenna og því er kvenkyn notað.
(14) Borðið ekki svo mikið að þér verðið of mettar.21
18 Biblíurit/Nýþýðing 8: 2M 19.15.
29 Biblian 1981, Kól 2.11.
20 Biblíurit/Nýþýðing 2: 1M 9.1, 7.
21 Bennet 1945:55.
90