Ritröð Guðfræðistofnunar - 01.01.2002, Qupperneq 116

Gunnlaugur A. Jónsson
Jafnan er það svo að sýningarstjóri velur mynd til sýningar, kynnir hana
með nokkrum orðum, síðan horfum við á hana með veitingar við höndina og
loks eru umræður í lokin. Okkur hefur þótt mikilvægt að þessi hópur hafi
getað hist í heimahúsum og því hefur gætt vissrar tregðu til að fjölga um of
í honum. Þess skal þó getið að í vissum tilfellum höfum við komið saman í
Skálholti á sérstökum sýningarhelgum. Þegar þetta er skrifað hafa um 150
kvikmyndir verið teknar til sýningar og umræðu innan hópsins.
í kosningu meðal félagsmanna um bestu myndirnar að loknum 100 sýn-
ingum voru 10 efstu myndirnar:
(1) Babettes Gæstebud (Gabriel Axel: 1987)
(2) La Passion de Jeanne d’Arc (Carl Th. Dreyer: 1928)
(3) Jésus de Montréal (Denys Areand: 1989)
(4) Trois couleurs: Bleu (Krzysztof Kieslowski: 1993)
(5) Breaking the Waves (Lars von Trier: 1996)
(6) Magnolia (Paul Thomas Anderson: 1999)
(7) The Godfather (Francis Ford Coppola: 1972)
(8) Blade Runner (Ridley Scott: 1982)
(9) Trois couleurs: Rouge (Krzysztof Kieslowski: 1994)
(10) La Double Vie de Véronique (Krzysztof Kieslowski: 1991).
Eins og sést á þessum lista eru evrópskar myndir fyrirferðamiklar, eins og
verið hefur á sýningum klúbbsins, og Pólverjinn Krzysztof Kieslowski í sér-
flokki meðal kvikmyndaframleiðenda með þrjár myndir á listanum yfir tíu
vinsælustu myndimar.
Kvikmyndir sem Midrash
Áhugi minn á kvikmyndum varð ekki umtalsverður fyrr en ég - í gegnum
rannsóknir mínar á áhrifasögu Gamla testamentisins - áttaði mig á að text-
ar, persónur og þó einkum margs konar stef eða hugmyndir úr Gamla testa-
mentinu hafa oft á tíðum gegnt ótrúlega stóru hlutverki í kvikmyndum. í
þessu sambandi er áhugavert að huga að notkun hebreska hugtaksins
„midrash“ sem upp á síðkastið hefur á stundum verið notað um áhrif eða
notkun biblíulegs efnis í kvikmyndum. Þannig minnist ég þess að í umræð-
um um kvikmyndina The Prince ofEgypt á SBL-þinginu3 í Boston 1999 töl-
uðu sumir þátttakenda um myndina sem nútímalegt midrash. Sjálfum finnst
3 Þ.e. árlegt þing Society of Biblical Literature.
114