Ritröð Guðfræðistofnunar - 01.01.2002, Side 149

Andmœli við doktorsvörn Sigurjóns Arna Eyjólfssonar
vann úr heimi Lúthers og hefur vakið athygli á Lúther á ný sem öflug-
um viðmælanda nútímans.
4. Til bókarinnar er vandað eins og höfundur og útgefendur hafa getað.
Höfundur hefur lagt á sig ómælda vinnu við að leita af sér allan grun um
smáatriði og áreiðanleika. I því er einn stærsti kostur ritsins, því er hægt
að treysta um flest. Hugmyndastjórnun er ótrúleg og furðulega vel hald-
ið á afar flóknum lager. Aberandi einkenni í aðferð Sigurjóns er hvern-
ig hann rekur sig eftir einstökum þráðum allt til enda á ystu brúnir.
Stundum sundlar mann af hversu langar, margar og hvíldarlausar hjá-
leiðir og skógarferðir eru. En Sigurjón Árni kemur alltaf til baka og að
meginmáli og heldur síðan áfram.
5. Guðfræði Marteins Lúthers er hleypidómaeyðir. Henni er ætlað að
fræða um trú, trúartúlkun, Lúther og með því móti takast á við fordóma
fólks. Lesandi, sem hefur áhuga á að reyna eigin skoðanir og halda að-
eins hinu trúverðuga, getur í þessari bók fundið gildan menntasjóð og
verðugan viðræðuaðila. Bókin er því virðingarvert framlag til upplýstr-
ar orðræðu á íslandi um trú.
6. Bókin er rituð með það mörgum samhangandi klösum og uppriijunum,
að hægt er að fara inn í hana sem næst hvar sem er á kaflaskilum og lesa
sér til fróðleiks og íhugunar.
7. Bókin er öflugur guðfræðigerningur í lúthersku. Á grundvelli ritningar
er hún boðskapur Orðsins. Hún bendir til Jesú Krists þegar grannt er
skoðað og er því theologia í góðri merkingu þess orðs.
8. Bókin er huggunarrík sálgæsluguðfræði. Það er nærfærið samtal um
hjartans mál sem lesandinn nýtur. Flest það sem fyrir einn mann getur
komið er rætt og bent á svör og áherslur Lúthers í því sambandi. Þung-
lyndi, örvænting, sorg, áhyggjur, efi, sektarkennd, samviskukvalir,
syndarvitund - allt þetta kemur við sögu og er upplýst af því ljósi sem
Lúther brá á loft og Sigurjón Árni speglar. Þegar staldrað er við í lestri,
ekki síst þegar líður á læðist að lesara að sumt af þessum texta sé ritað
með blóði og svita. Ef svo er hefði gjarnan mátt skýra það. Guðfræði
Marteins Lúthers tjáir umhyggju, ástúð og guðlega elsku.
9. Það er innrím í þessari bók, kaflarnir eiga sér gjarnan samfellur annars
147