Ritröð Guðfræðistofnunar - 01.01.2002, Blaðsíða 174

Gunnlaugur A. Jónsson
Hér má nefna túlkun Magonets á orðunum i S1 22:19: „Þeir skipta með
sér klæðum mínum.“ Hann útilokar vissulega ekki að orðin beri einfaldlega
að skilja bókstaflega en nefnir annan athyglisverðan möguleika. Sú túlkun er
á þá leið að klæði geti líka táknað tign eða vald í ísrael. Til skýringar bend-
ir hann á samskipti Samúels og Sáls (1S 15:27-28) þar sem rifin skikkja
táknar að konungdómurinn sé rifinn af Sál. Með sama hætti sé eðlilegt að
líta svo á að illvirkjarnir (S1 22:17) séu að skipta með sér völdum þeim er
hinn látni leiðtogi (sálmaskáldið) hefur haft.
Rýmið leyfir ekki fleiri dæmi úr þessu óvenjulega riti um Saltarann.
Óhætt er að mæla með þessu riti sem sérlega læsilegu og áhugaverðu. Sum-
ar túlkanirnar virka vafalaust býsna langsóttar en fróðlegar eru þær engu að
síður og veita okkur dýrmæta innsýn í aðra túlkunarhefð en þá sem við, flest
hver, þekkjum best. Þetta rit er tvímælalaust góð viðbót fyrir þá lesendur
sem þegar hafa kynnt sér eitthvert hefðbundnara rit um sálma þá sem löng-
um hafa verið kenndir við Davíð konung.
172