Ritröð Guðfræðistofnunar - 01.09.2008, Síða 113

réttlæti og gæsku. I spegli laga Guðs, fyrirmælum um hegðun og líferni,
fáum við vitund um stefnu okkar, en jafnframt hver staða okkar er (630).
Vegna breyskleika og syndugs lífernis manna hefur Guð sent mönnum
lögmál sem herjar á og dæmir menn seka. Hið ægilega í mannlífi er að
við erum í bullandi órétti gagnvart Guði (51). Guð vill fyrst og fremst að
við viðurkennum stöðu okkar og sekt, skömmumst okkar og iðrumst og
auðmýkjum okkur og komum fram fyrir Guð með sundurknosaðan anda.
Guð dómarinn
Tengt löggjafarstarfi Guðs er dómaratign hans. Guð er hátignin sjálf, réttlátur
og strangur. Gagnvart slíkum ofurrétti eru hrasandi menn stöðuglega í órétti
gagnvart Guði. Guð hefur því eiginlega sjálfdæmi í málum manna. Þar sem
forsenda Guðs er velferð allra manna útdeilir Guð kjörum sem bæði eru
til hins besta í lífi manna og lúta einnig baráttu Guðs fyrir rétti og gæsku í
heiminum. Enginn maður getur áfrýjað hæstaréttardómi Guðs. Menn eiga
stöðugt á hættu að dómarinn sendi þá frá réttinum eða skyrpi þeim burt
eins og Jón Vídalín orðaði það. Allt hvílir á almættisákvörðun. Guð ákvarðar
og útvelur. En menn hafa rétt til að standa stöðugir í köllun sinni. f því er
fólgin von manna sem þó er engin stoð í raun því allir falla í breyskleika
sínum.
Dómur Guðs er mönnum ægilegur veruleiki vegna þess hve sekir og
óréttlátir menn eru og hversu heilagur og hátignarfullur Guð er. Þegar Guð
útdeilir kjörum meðal manna má maður ekki mögla því gæði eru gjafir
Guðs. Maðurinn á ekkert gott skilið í krafti eigin verðleika.
Dómarahlutverk Guðs er því annars vegar tjáning á alveldi og fullkomnu
réttlæti. Guð hefur allan rétt og allan mátt. En hins vegar er þessu hlutverki
tengd miskunnsemi. Dómarinn aumkvar sig yfir þá sem ekkert eiga annað
en glæpi. Dómarahlutverkið er því mótað af stórkonungsímyndinni og tengt
föðurhugmyndinni og einnig herstjórnarlíkingunni. Guð á í stríði og vill að
menn hans séu með í baráttunni en ekki fjarri vígvelli.
Guð herstjórinn
Þar sem satan ræðst á ríki Guðs á öllum sviðum er aðalstarfi Guðs í
heiminum í kjölfar syndafallsins að berjast við þennan óvin. Baráttan er á
111