Múlaþing: byggðasögurit Austurlands - 01.01.1971, Side 128

ónot. Ekki hefur þetta orðið minna fyrir það, að Sigfús hefur
jafnan verið einbeittur og farið sinna ferða, nokkuð skapharður,
óvæginn, tannhvass og beizkur þegar honum hafa þótt smámenni og
oflátungar troða sér um tær eða viljað skopast að og gera lítið úr
íslenzkum fræðum eða íslenzkri menningu.“
Arni Ola segir í landsmálablaðinu Verði 1922:
„Til eru þeir menn sem vinna stórvirki í kyrrþey og í tómstund-
um sínum. Svo er um Sigfús Sigfússon frá Eyvindará. Með fádæma
kostgæfni hefur hann um margra ára skeið, jafnframt því að heyja
harða lífsbaráttu sem hver annar alþýðumaður íslenzkur, safnað
ógrynnum af íslenzkum þjóðsögum og sögnum, og eru nú þegar
prentuð fjögur stór bindi af þeim. Þetta eru mestmegnis nýjar
sögur og sýna það, að íslenzka þjóðtrúin er enn að skapa nýjar
sagnir í svipuðum stíl og áður var.“
Þórbergur Þórðarson segir svo er hann skrifar um íslenzka menn-
ingu í Bréfi til Láru:
„Sigfús Sigfússon frá Eyvindará hefur safnað þjóðsögum og
mannlýsingum í marga áratugi. Samt er hann blásnauður. Mér er
ekki kunnugt um, að honum hafi hlotnazt til þessa önnur sæmd en
sú sælukennd guðhræddrar sálar að vera talinn hérvillingur meðal
manna. I dýrtíðaruppbót hefur hann fengið að þræla hjá bændun-
um fyrir lélegt kaup. Utgáfan á þjóðsögum hans er aðallega kostuð
af verzlunarstjóra.“
Um þessa grein segir Sigfús í minningum sínum:
„Um Sigfús Sigfússon fer hann hinum tilgerðarlegu fordildar-
orðum er hér fylgja. Enda þekkir hann Sigfús lítið og eigi farandi
eftir öllu slúðri.“
Erlendir fræðimenn veittu þessu safni líka athygli. Norskur pró-
fessor var hér á ferð og fór austur á Seyðisfjörð til að hafa tal af
Sigfúsi. Sigfús segir svo frá þeim viðburði:
„Það var 13. ágúst 1925 að Norræna félagið hleypti lystiskipi inn
á Seyðisfjörð undir forustu Thorlev Hanaas söguprófessors frá
Bergen. Allir á skipinu voru úrvalslið, höfðingjar og menntamenn.
Prófessorinn hafði áður skipzt á nokkrum bréfum við Sigfús. Hafði
hann nú beðið Stefán Th. Jónsson konsúl að sjá svo til að hann
fengi að finna Sigfús að máli. Sigfús var við slátt úti í Austdal og
124
MÚLAÞING