Múlaþing: byggðasögurit Austurlands - 01.01.1971, Page 138

60,00 kr. árslaun. Næstu ár er bókað að hann hafi þennan starfa
áfram og fyrir sömu laun. A safnaðarfundi 25. maí 1913 er skráð
að Kristján hafi sagt af sér organistastarfinu.
Þetta vor eða sumar flytur hann með fjölskyldu sína í Fagradal.
Þessi ár þeirra hjóna hér á Vopnafirði hafa ekki verið nein vel-
gengnisár fjárhagslega. Kristján stundaði venjulega verkamanna-
vinnu og fékk að sjálfsögðu laun samkvæmt því. En vinna var stopul
og launin lág á þessum tíma. Þá var ekki greiddur styrkur með
hverju barni eins og nú. Flestar fjölskyldur reyndu að eignast kú
og kindur og notuðu hvert tækifæri til að komast á sjó og fá sér í
soðið. Kristján og Oddný voru aldrei eftirbátar annarra í að bjarga
sér; lifðu að þessu leyti við sömu kjör og aðrir.
Kristján hafði á hendi söngstjórn og söngkennslu á þessum ár-
um. Segir Oddný að hann hafi varið miklum tíma í að æfa kirkju-
kórinn. Á veturna tók hann oftast einhverja nemendur heim til sín
og kenndi þeim nótnalestur, söng og orgelleik. Telur Oddný að það
hafi drýgt tekjur þeirra dálítið. Varla hefur það þó verið mikið. Hitt
veit ég, að þetta hafa verið sólskinsstundir í lífi Kristjáns og átt
eftir að lýsa honum lengi. Er áður á það minnzt að hann hafði yndi
af að kenna söng.
Einn af nemendum Kristjáns á þessum árum var Björgvin Guð-
mundsson tónskáld. Var hann hjá honum a. m. k. að einhverju leyti
einn vetur. Hann var þá að vísu farinn að leika á orgel og jafnvel
að semjalög. Um þessi kynni segir Björgvin í bók sinni, að Kristján
hafi verið fyrsti maðurinn sem hafi skilið sig og hvatt sig til að
halda út á tónlistarbrautina. Mynduðust þá á milli þeirra þau
traustu vináttubönd sem aldrei slitnuðu meðan báðir lifðu.
Eins og áður segir fluttu Kristján og Oddný í Fagradal 1913.
Hélt Kristján áfram að taka nemendur til kennslu eftir að hann kom
þangað meðan heilsa og kraftar leyfðu. Sjálfsagt hefur árangurinn
í söng- og tónmenntinni orðið æði misjafn hjá þessum nemendum
Kristjáns eins og gengur. En hversu sundurleitir sem þeir voru hlutu
hjónin í Fagradal velvild og virðingu þeirra allra. Er mér kunnugt
um að margir þessir fyrrverandi nemendur hafa haldið sambandi
við Oddnýju fram að þessu.
Kristján og Oddný héldu áfram búskap í Fagradal meðan
134 MÚLAÞING