Múlaþing: byggðasögurit Austurlands - 01.01.1971, Page 139

Kristján lifði, en hann andaðist 1. júní 1932 og er jarðaður í heima-
grafreit þar. Einnig hvíla þar tengdaforeldrar Kristjáns, Sveinn og
Ingileif, Eyjólfur bróðir Sveins heitins og barn. Eyjólfur kom með
bróður sínum í Fagradal. Hann var lengi blindur og aldraður orðinn
er hann lézt. Barnið áttu hjónin Andrés Sveinsson og Guðrún Hall-
dórsdóttir. Var það stúlkubarn og fætt andvana.
Fagradalssystur. Dætur Kristjáns og Oddnýjar eru fimm. Verða
þær nefndar hér eftir aldursröð.
1. Inga K. Wíum (Sveinbjörg Ingileif) f. 22. febr. 1907 á Kóreks-
stöðum í Hjaltastaðaþinghá. Olst upp hjá foreldrum sínum á Vopna-
firði og í Fagradal. Var í héraðsskólanum á Laugum eldri deild
1926—’27. Kenndi á Héraði og í Vopnafirði 1927—’29. Við nám í
Putny School of Art í London 1929—’30. Inga giftist 7. júlí 1931
Stefáni Guðmundssyni smið. Var Guðmundur faðir hans Magnússon
frá Sleðbrjótsseli í Jökulsárhlíð, bróðir Sigurbjargar húsfreyju þar,
móður Björns hreppstjóra og bónda þar. Kona Guðmundar var Elín
Stefánsdóttir frá Teigi. Stefán og Inga byggðu viðbótarbyggingu í
Fagradal og bjuggu þar frá 1931—’47. Höfðu þau unglingaskóla
þar á þeim árum. Var þarna í raun og veru um merka og myndar-
lega skólastarfsemi að ræða miðað við aðstæður. Árið 1947 hættu
þau Stefán og Inga búskap í Fagradal og fluttu suður í Hveragerði.
Byrjaði Stefán á byggingu íbúðarhúss eins fljótt og ástæður leyfðu.
Gekk bæði fljótt og vel að koma því upp. Eins og áður sagði var
Stefán lærður smiður. Var hann vandvirkur og kappsamur og stund-
aði iðn sína af áhuga meðan heilsa entist. Hann er látinn fyrir fáum
árum. Inga á enn heima í Hveragerði. Hefur hún frá því hún flutti
þangað og fram á vor 1969 kennt við unglingaskólann þar. Þau
hjón eignuðust tvo drengi, Kristján Wíum og Guðmund. Eru þeir
báðir giftir og búsettir í Hveragerði.
2. systirin, Þórdís, f. 23. október 1910, er búsett í London. Mað-
ur hennar heitir Ralph Smith, bankamaður við Englandsbanka. Þau
hjón eiga eina dóttur.
3. dóttir Kristjáns og Oddnýjar heitir Guðbjörg Ólöf, f. í Fagra-
dal 29. júlí 1914. Er hún gift Magnúsi Guðmundssyni bróður Stef-
áns heitins manns Ingu systur hennar. Magnús fór í Fagradal 1941
M ULAÞING
135