Múlaþing: byggðasögurit Austurlands - 01.01.1971, Page 184
manns gefa svip af þeirri baráttu sem um alclir hefur verið háS á
einum sérkennilegasta vettvangi landsins og landsbúanna. Hér hafa
aðeins verið dregnir örfáir drættir varðandi þó nær ævilanga sam-
búð eins manns við Skriðurnar og leiðina milli Njarðvíkur og
Borgarfjarðar. Aþekk atvik og hér hefur verið lýst hafa gerzt í ferð-
um og fylgd Njarðvíkinga á þessari leið, og þau hafa verið svipuð
allar þær aldir sem liðnar eru síðan þeim mönnum sem örlög skák-
uðu á þessar slóðir datt í hug að stytta sér leið milli bæja með því
að leggja þarna mjóan stíg.
Þangað til nú. Með tilkomu hins nýj a vegar hafa orðið aldahvörf
í Skriðum eins og víðar hér í landi með innreið nýrra hátta. Þó er
enn ekki öll hætta liðin hjá og oft varúðar þörf. En hún er snöggtum
minni en áður. Bílveginn fyllir síður en þann gamla af snjó, klaka
og aur, og hann er það breiður að hann veitir snjóflóðum þó nokk-
urt viðnám. Hann er láréttur alla leið, allar brekkur horfnar, niður
í gil og upp á horn.
Með nokkrum rétti má segja að Andrés sé síðasti maður hinna
gömlu ferðahátta í Skriðum, með honum hefðu þeir gleymzt. Því
þakka ég honum fyrir þessa fylgd, sem mig langar til að kalla hand-
leiðslu í samræmi við gamla notkun þessa orðs og hina bókstaflegu
merkingu þess.
„Jörð og haf heimta sinn val“
Sú trú liggur í vitund fólks og stundum látin orð liggja að í riti,
að Njarðvíkurskriður hafi um allan aldur verið einstakur slysa-
staður, jafnvel slíkur er þess krefst að rétt standi á tug tala í mann-
fórnum. „Jörð og haf heimta sinn val,“ stendur hjá Sigfúsi, og hann
segir um Skriður: „Um Njarðvíkurskriður hafa gengið ýmsar mann-
skaðasagnir----------þar halda menn að einhverjir eigi eftir að
farast, því þar standi eigi rétt á tug.“
Eg meðtók í æsku þessa slysatrú sem lá eins og óstaðfest vitneskja
í loftinu. Hins vegar heyrði ég aldrei nema tvær slysasögur úr
Skriðum, aðra um séra Runólf og dósirnar hans og hina um snjó-
flóðið í Skriðuvík 1909. Nú hef ég gert nokkra leit að slysum í
skriöu- og snjóflóðaannálum Olafs Jónssonar (Skriðuföll og snjó-
180
MÚLAÞING