Múlaþing: byggðasögurit Austurlands - 01.01.1976, Síða 158

156
MÚLAÞING
Guðrún, átti Ólaf Andrésson lögréttumann frá Hnefilsdal.
Sr. Snjólfur var aðstoðaTprestur hjá sr. Guðmundi eitthvað
en fluttist þaðan að Stöð.
7. Guðmundur Högnason: Foreldrar hans voru Högni
Guðmundsson í Einholti og Þórunn yngri Sigurðardóttir á
Breiðabólstað í Fljótsihl’ð. Hann vígðist aðstoðarprestur 5.
nóvember 1682 til sr. Guðmundar Guðmundssonar að Hofi
í Álftafirði og fékk veitingu 13. nóvember 1683 að Hofi og
hélt staðinn til daiuðadags, þótt hann segði kallinu lausu
árið 1747. Þjónaði Þvottá 1708—17. Talinn vel að sér og
merkur maður og lagði sig sérstaklega eftir tungumálum.
Kona hans var Guðrún Bergsdóttir lögréttumanns frá
Hafursá. Börn þeirra voru nokkur, þeirra á meðal Amdís
síðasta kona Guðmundar prests Maignússonar að Þvottá
og síðar að Stafafelli, sr. Högni í Stöð, Malmfríður átti sr.
Jón Þorláksison að Hólmum, Þór-unn, sr. Bergur í Bjarna-
nesi en frá honum er mikill ættbogi um Skaftafe'llsiþing og
víðar.
Alls er sr. Guðmundur prestur í 65 ár eða frá 1682—1747
oig heldur raunar kallinu til 1749 eða til daiuðadags. Hann
varð 89 ára gamall.
8. Þorleifur Björnsson (um 1705—1783). Hann var prest-
ur á Hofi 1742—1778, þar af aðstoðarprestur sr. Guðmundar
Högnasonar í sjö ár. Var áður aðstoðarprestur í Einholti hjá
sr. Sigurði Högnasyni. Vígðist 1728. Féfck það prestakall
1732 en flúði þaðan vegna skemmda af ivatnagangi og lenti
þá til sr. Guðmundar á Hofi 1742 og fékk veitingu fyrir
Hofi 1747 i) og siagði af sér 1778 eftir 31 árs þjónustu þar.
Flutti þá að Rannveigarstöðum en andaðist að Flugustöð-
um.
Sr. Þorleifur var sonur Björns lögréttumanns að Reyni-
völlum í Suðursveit, Þorleifssonar og konu hans Þórdísar
Árnadóttur. Hann kvæntist 1732 Ingibjörgu f. um 1695, enn
á lífi 1784, Sigurðardóttur prests Högnasonar að Einholti.
1) íal. æviskrár segja 1749.