Jökull - 01.12.1975, Síða 86

málunum og ýmsum fróðleik varðandi jökla, svo
og ferðasögur og aðrar lýsingar, sitthvað varð-
andi starfsemi félagsins, annáll merkra náttúru-
viðburða, svo sem hlaupa, gosa snjóflóða o. fl.
Vona ég að fundarmenn láti í ljós álit sitt á
þessu og öðru hér á eftir.
Hér skal þess getið með þakklæti, að fjár-
veiting hins opinbera til félags okkar var í ár
hækkuð úr 100 í 150 þúsund. Farið var fram
á hækkun í 200 þúsund, en þar eð, fyrir ein-
hvern misskilning, engin hækkun komst inn á
fjárlagafrumvarpið í þess fyrstu gerð, var vart
við því að búast, að sú hækkun, sem farið var
fram á, yrði öll veitt við síðari meðferð á frum-
varpinu.
Víkjum svo að öðru.
Síðastliðið ár var að venju gerður út leiðang-
ur til Grimsvatna. Aðaltilgangurinn var könnun
á ástandinu í Grímsvötnum og eftirlit með skál-
anum á Grímsfjalli. Fararstjóri var Carl Eiríks-
son. Einn þátttakenda, Jón ísdal, hefur góðfús-
lega tekið saman, að beiðni minni, útdrátt úr
dagbók sinni. Nefni ég hér aðeins einstök atriði
þessarar ferðasögu, sem ég vonast til að fá að
birta í Jökli, sem hefur hin síðari ár vanrækt
slíkar ferðasögur. Ferðin varaði frá 25. maí til
3. júní. Þátttakendur voru 14. Til Grímsvatna
var komið aðfaranótt 28. maí. Snjómokstur
næsta dag leiddi í ljós, að húsið okkar frá Bárð-
arbungu var fokið út i veður og vind. Carl Ei-
ríksson framkvæmdi tilskildar mælingar í Grims-
vötnum. Farið var til Kverkfjalla og þótti leið-
angurinn í heild vel takast.
Fundir urðu þrír á starfsárinu og fundarsókn
góð að venju. Aðalfundur var 24. jan. í Norræna
húsinu. Auk aðalfundarstarfs sagði S. Þ. ferða-
sögu frá Nýja Sjálandi. Þ. 19. apríl var fundur
í Hótel Esju. Þar sýndi Árni Kjartansson kvik-
mynd af boruninni á Bárðarbungu, en Guðm.
E. Sigvaldason sagði frá Nicaragua og jarðskálft-
anum mikla í Managua. Jörfagleðin var svo
haldin í átthagasal Hótel Sögu þ. 16. nóv. Þar
mættu um 140 manns og var þetta mikil gleði.
í tilefni af því að 15 ár eru liðin frá frægum
túristaferðum félagsins á Vatnajökul, hélt einn
þátttakenda i rnestu svaðilförinni, Þórarinn
Guðnason læknir, ræðu. Var ræða hans snjöll
og bæði i bundnu og óbundnu máli. Það kom
i ljós í „gleði“ þessari, að íbúar Grímsvatna-
hrepps eru ekki eins hundheiðnir og obbinn af
Islendingum og vottaði skemmtinefnd, áheyr-
endum til auðsæjar gleði, að Jesús hefði kastað
84 JÖKULL 25. ÁR
öllum syndum hennar bak við sig. Ég kann ekki
við það, að þakka skemmtinefnd svo sem hún
á skilið, meðan ég er einn nefndarmannanna.
En konunum í nefndinni vil ég þó þakka sér-
staklega vegna þess, að þeirra voru störfin mest
og best í þessari nefnd. 1 nefndinni störfuðu í
ár þær Día, Inga, Asta og Bára.
Valur Jóliannesson hafði, sem áður, veg og
vanda af ferðum á vegum félagsins og vinnur
með því mikið og óeigingjarnt starf. Þjóðhátíð
og þingkosningar settu að þessu sinni strik í
reikninginn með tvær af ferðunum, sem áætl-
aðar höfðu verið. Haustferðin í Jökulheima
undir stjórn Vals var farin föstud. 6. til sunnu-
dags 8. sept. Þátttakendur voru 39 og ferðin
hin ánægjulegasta, það get ég sjálfur vottað.
Gengið var á jökul við Nýjafell og eftir honum
austur að Langasjó. Föstudaginn 27. til sunnu-
dagsins 29. sept. var farin mælingaferð að Múla-
og Nauthagajökli, með göngu á Olafsfell og að
jökullóninu, sem þar hefur myndast. Fararstjóri
var Halldór Ólafsson. Þátttakendur voru 19 og
létu mjög vel af ferðinni. Ég þakka þeim, er
þátt tóku í þessari mælingu, og vil í því sam-
bandi einnig þakka öðrum þeim, sem taka að
sér sjálfboðavinnu að mæla jökulsporða.
Bílanefnd segir Bombardierinn okkar bíða
nýrra verkefna í góðu standi í Jökulheima-
skemmunni. Rauður gamli var seldur á árinu.
Víslarnir báðir í lamasessi, drif brotið 1 öðrum
og mótor ónýtur í hinum. Hvort hægt er að
gera eitt heillegt farartæki úr báðum, læt ég
ósagt. Þeir eru raunar búnir að gera það mikið
gagn, greyin, að þeir eiga skilið hvíldina.
Skálanefnd heldur skálunum vel við. Þakið á
Nýjabæ í Jökulheimum var málað. Hörður o. fl.
fóru inneftir í sumar leið og bikuðu eitthvað
af húsunum.
Kabyssa var sett i skálann á Grímsfjalli og
kom Jón ísdal þar aðallega við sögu. Svo er
þess að geta, að Stefán Bjarnason og nokkrir
með honum fóru austur á Breiðamerkursand s.l.
vor og máluðu braggaskála félagsins við Hálf-
dánaröldu og tóku til í honum, brenndu öllu
rusli. Er skálinn nú í góðu standi.
Það segir mér formaður skálanefnclar, að það
sem næst þyrfti að gera varðandi skálana, væri
að einangra skálann á Grímsfjalli. Gaman væri
og að fá ofn 1 Gamla skálann í Jökulheimum.
Læt ég svo þessari skýrslu lokið.
Sigurður Þórarinsson.