Jökull - 01.12.1992, Page 92

Kort af suðaustanverðum Mýrdalsjökli
sem sýnir líklegustu gönguleið Páls
Sveinssonar og félaga. Ekki er ljóst af
frásögninni hversu langt þeir fóru inn á
jökulinn.
nokkur væta, en ekki verulega úrkomulegt. Var því
heldur árennilegt að leggja upp, ef þomaði til með
stillu, og var af ráðið, að farið skyldi árla næsta dags,
þriðjudaginn 2. Sept., ef veður leyfði. Til fararinnar
réðust með mér þeir síra Sigurður Sigurðsson1 í Hlíð,
Jón bóndi Pálsson í Hrífunesi og Sigursveinn Sveins-
son, unglingspilturí Asum; skyldi hann gæta hestanna
neðan við jökulinn, ámeðan við værum uppi. Var hann
hjá mér á Flögu um nóttina, til þess að verða því fyrr
til taks að morgni. En síra Sigurður, er þá átti lengst
að sækja, skyldi taka lagið og leggja af síað frá Hlíð,
úr því að klukkan væri orðin 3 um nóttina. Gerði hann
það líka, því að veður var ágætt; kom kl. 4 að Flögu og
vorum við hinir þá á förum og ferðbúnir. Riðum svo
fram að Hrífunesi til Jóns. Er sá bær næstur Mýrdals-
sandi Skaftártungumegin. Þaðan héldum við svo allir
með „nesti og nýja skó“ laust fyrir miðjan morgun, og
var þá útlitið hið besta. Yfir Hólmsá fórum við alfara-
veg fram undan Hrífunesi, því að brúna, sem var eigi
allskammt fyrir innan bæinn, hafði tekið af í hlaupinu,
’Síra Sigurður lézt í Hlíð tæpum 2 árum síðar, 11. Júlí 1921.
Var nýkominn úr Reykjavík og hafði tekið megna lungnabólgu.
Agætismaður og klerkur góður.
er af gosinu varð. Stefndum svo beint á jökul hátt í
vestur, framan við Leirá, Rjúpnafell og Sandfell, er
liggur uppi undir Mýrdalsjökli í krika allstórum inn í
jökulinn; myndi því jökulferðin skemmst þaðan. Sótt-
ist ferðin heldur seint, því að hestar voru tregir að
fara þessa vegleysu, og svo margkinzaðir orðnir á kaf-
hlaupum á ferðalögum yfir Mýrdalssand, eftir gosið,
að ekki varð farið nema löturhægt yfir jökulhraunaleif-
ar, er reyndust þó vel færar. Komumst þó um dagmál
upp að jökli, eftir tæpra þriggja stunda reið frá Hrífu-
nesi. Stigum þar af hestunum og neyttum dagverðar.
Hey urðum við að hafa með okkur, því ekki var sting-
andi strá á þessum stöðum; mosateygingar þær, er þar
voru áður, þá allar sandorpnar. Bjuggumst við þar
fyrir með hestana á háum sandölduhrygg framan við
upptök Leirár, er rennur til landsuðurs, framanvert við
Sandfell og Atlaey, en norðan Rjúpnafells í Hólmsá.
Þetta er á Alftaversafrétti. Vorum við þama fram
undan jöklinum, þar sem jökulhlaupið eystra (austan
Hafurseyjar) spýttist fram. Hefir þetta Eystrahlaup
greinzt í tvennt við þennan ölduhrygg, og önnur kvísl-
in oltið fram Leirárfarveg í Hólmsá og með fram henni,
að mestu leyti framan við Atlaey, en skollið á norð-
90 JÖKULL, No. 42, 1992