Tímarit hjúkrunarfræðinga - 01.03.2009, Síða 34

Tímarit hjúkrunarfræ›inga – 1. tbl. 85. árg. 200930
Elsa B. Friðfinnsdóttir, formaður Félags
íslenskra hjúkrunarfræðinga, ávarpaði
þingheim í upphafi þingsins. Bauð hún
velkomna Huldu Gunnlaugsdóttur,
forstjóra LSH, sem var sérstakur gestur
þingsins. Huldu var einnig árnað heilla í
sínu nýja starfi og boðin bæði samvinna
og samráð við hjúkrunarfræðinga á þeim
óvissutímum sem fram undan eru.
Á þinginu var boðið upp á fyrirlestra
um nýja möguleika hjúkrunarfræðinga
með breyttum lagaramma um skipulag
heilbrigðisþjónustu, heilsustefnu Íslend inga
og hvernig hjúkrunar fræðingar geta virkjað
leið togann í sjálfum sér bæði í lífi og starfi.
Nokkrir hjúkrunarfræðingar deildu
með þátttakendum framtíðarsýn
sinni varðandi hlutverk og starfs­
vettvang hjúkrunarfræðinga innan heil­
brigðisþjónustunnar og um menntun
hjúkrunarfræðinga. Mikill fjöldi hjúkrunar­
fræðinga sótti þingið og tók þátt í
umræðuhópunum sem fjölluðu um
hjúkrun og heilbrigðisþjónustuna, hlutverk
hjúkrunar fræðinga til ársins 2020,
stjórnun og starfsumhverfi og hvers konar
hjúkrunar menntunar sé þörf fyrir í breyttu
umhverfi heilbrigðisþjónustunnar.
Á þinginu kom greinilega í ljós að
mikill hugur er í hjúkrunarfræðingum.
Þeir eru tilbúnir til að takast á við
breytingar og nýta þau tækifæri sem
breytt lagaumhverfi og samfélagið
býður upp á. Þeir þurfa að kynna sér
vel lögin, gefa kost á sér og sækjast
eftir því að taka að sér verkefni innan
heilbrigðisþjónustunnar. Fram kom í máli
eins frummælanda að hjúkrunarfræðingar
hefðu ríka áhættumeðvitund sem væri
eftirsótt hjá stjórnendum dagsins í dag
og því þyrfti að auka þátt þeirra í stjórnun
heilbrigðisstofnana. Auk þess þurfa
hjúkrunarfræðingar að taka aukinn þátt í
sjálfstæðum rekstri á heilbrigðissviði þar
sem byggt er á gildum og hugmyndafræði
hjúkrunar.
Hjúkrunarfræðingar vilja og geta tekið
þátt í heilbrigðisþjónustunni á sviði
heilsueflingar, forvarna, snemmskoðana,
greininga, meðferðar og endurhæfingar.
Þeir geta sinnt þessari þjónustu bæði
utan heilbrigðisstofnana og innan, s.s.
í heilsugæslunni, á sjúkrahúsum, á
göngudeildum, hjúkrunarmóttökum og
víðar. Hjúkrunarfræðingar geta verið og
eru í forystuhlutverki á ýmsum sviðum
heilbrigðisþjónustunnar þar sem byggt
er á grunnhugmyndum hjúkrunar. Um
er að ræða heildræna sýn varðandi
stuðning við skjólstæðinga og fjölskyldur
þeirra, heilsuvernd, og fræðslu og ráðgjöf
varðandi forvarnir og heilbrigði. Þeir
þurfa í auknum mæli að koma auga
á möguleikana í breyttu umhverfi og
hafa frumkvæði og þor til að nýta þau
sóknarfæri sem skapast. Á þann hátt
ná þeir að nýta þekkingu sína á sem
bestan hátt til heilla fyrir fólkið í landinu
og samfélagið í heild.
Aðalbjörg Finnbogadóttir, adalbjorg@hjukrun.is
HJÚKRUNARÞING 2008
Halla Grétarsdóttir og Hrund Helgadóttir vinna að
samantekt frá hópvinnunni á þinginu.
Hjúkrunarþing Félags íslenskra hjúkrunarfræðinga
var haldið dagana 6.­7. nóvember sl. Yfirskrift
þingsins í ár var „Breytt umhverfi – ný tækifæri“.
Átti yfirskriftin að vísa til breytts lagaumhverfis,
það er nýrra laga um heilbrigðisþjónustu og
laga um sjúkratryggingar. Þessi lög hafa áhrif
meðal annars á starfsumhverfi og möguleika
hjúkrunarfræðinga til að starfa sjálfstætt. Vegna
ástandsins í þjóðfélaginu fékk yfirskriftin annað
og jafnframt aukið vægi og má segja að umfjöllun
okkar um breytt umhverfi heilbrigðisþjónustu og
hugsanleg ný tækifæri fyrir hjúkrunarfræðinga
hafi hitt á hárréttan tíma.