Tölvumál - 01.11.2009, Blaðsíða 2

2 | T Ö L V U M Á L
// Ritstjórapistill
Skýrslutæknifélag Íslands
er félag einstaklinga,
fyrirtækja og stofnana á sviði
upplýsingatækni. Markmið
félagsins eru m.a. að breiða út
þekkingu á upplýsingatækni og
stuðla að skynsamlegri notkun
hennar og að skapa vettvang
fyrir faglega umræðu og tengsl
milli félagsmanna. Starfsemin
er aðallega fólgin í, auk útgáfu
tímarits, að halda fundi og
ráðstefnur með fyrirlestrum og
umræðum um sérhæfð efni og
nýjungar í upplýsingatækni.
Félagsaðild er þrenns konar; aðild
gegnum fyrirtæki, einstaklingsaðild
og námsmannaaðild. Greitt er
fullt félagsgjald fyrir fyrsta mann
frá fyrirtæki, hálft fyrir annan og
fjórðungsgjald fyrir hvern félaga
umfram tvo frá sama fyrirtæki.
Einstaklingar greiða hálft gjald
og námsmenn hálft lægsta gjald.
Félagsgjöld 2008: Fullt gjald: kr.
21.500, hálft gjald: kr. 10.700 og
fjórðungsgjald: kr. 5.400. Aðild er
öllum heimil.
Stjórn Skýrslutæknifélags
Íslands:
Formaður:
Magnús Hafliðason
Varaformaður:
Sigrún Gunnarsdóttir
Gjaldkeri:
Bjarni Sigurðsson
Ritari:
Ragnheiður Magnúsdóttir
Meðstjórnendur:
Hjörtur Grétarsson, Ásrún
Matthíasdóttir
Varamenn:
Jón Heiðar Þorsteinsson
Nefndir og faghópar Ský eru:
Orðanefnd
Siðanefnd
Ritnefnd
Öldungadeild
Fókus, félag um upplýsingatækni í
heilbrigðisþjónustu
Vefstjórnendur, faghópur um
árangursríka vefstjórnun
UT-konur, félag kvenna í
upplýsingatækni
Fjarskiptahópur, faghópur um
fjarskiptamál
Öryggishópur, faghópur um
öryggismál
Faghópur um rafræna þjónustu
Persónuvernd, fulltrúi Ský:
Magnús Hafliðason
Sigrún Gunnarsdóttir
Fulltrúi í fjarskiptaráði:
Aðalmaður:
Sæmundur E. Þorsteinsson
Varamaður:
Jón Ingi Einarsson
Fulltrúi Ský í nefnd
Forsætisráðuneytis um þróun
upplýsingasamfélagsins:
Ebba Þóra Hvannberg
Þorvarður Kári Ólafsson
Ágæti lesandi
Hrun bankanna á síðasta ári hefur beint hugum fólks inn á nýjar brautir,
sem getur leitt af sér nýstárlegar hugmyndir. Sumar þeirra verða að
veruleika og til verður ný vara, þjónusta eða annað gagnlegt. Slíkt kallast
nýsköpun.
Tölvumál eru að þessu sinni helguð nýsköpun í upplýsingatækni. Þeir sem
hafa fengið hugmynd geta lesið hér um það helsta sem þarf að huga að
þegar kemur að því að hrinda henni í framkvæmd, og hvar hægt sé að
leita aðstoðar, m.a. við fjármögnun. Einnig má lesa um reynslu þeirra sem
hafa reynt að hrinda ýmiss konar hugmyndum á sviði upplýsingatækni í
framkvæmd og gengið misvel. M.a. er rætt við stofnendur Manna og músa,
sem hafa náð langt með sína hugmynd, en einnig er rætt við fólk sem er að
taka fyrstu skrefin og kýs að vera nafnlaust að sinni.
Loks er hér, að venju, að finna ýmsar greinar um afmörkuð viðfangsefni og
nýjungar upplýsingatækninnar.
Ritstjórn vonast til að lesendur hafi bæði gagn og gaman af lestri blaðsins,
og það verði jafnvel einhverjum hvatning til að gera eigin hugmynd að
veruleika.
Þorvarður Kári Ólafsson
Ritstjóri