Tölvumál - 01.11.2009, Blaðsíða 37

T Ö L V U M Á L | 3 7
Í tónlistarbúð vefsins má sjá lista yfir vinsælar plötur og lög innan ákveðinna
tónlistargeira, hlusta á brot úr lögum. Fjölmargar aðrar tónlistarbúðir á
netinu bjóða upp á svipaða þjónustu, og þar er iTunes vafalaust stærst. Á
þessum vef njóta listamenn hins vegar betri kjara og verðleggja sjálfir sín
lög og plötur, sem ætti að gagnast neytendum.
Sumir hafa líkt gogoyoko við eBay tónlistar, því það eru listamennirnir eða
rétthafar tónlistarinnar sem er til sölu sem fá ágóða af sölunni. Ólíkt öðrum
tónlistarbúðum á netinu gengur viðskiptamódelið ekki út á að taka hlut
af tónlistarsölunni sem á sér stað á síðunni. Sem þýðir aukinn ágóði fyrir
listamennina.
Samfélagsvefur
Samfélagshluti þessa vefs snýst fyrst og fremst um tónlist. Notendum
síðunnar gefst kostur á skoðanaskiptum um tónlist og tónlistartengd atriði,
eins og tónleika og tónlistarhátíðir.
Notendur geta verið í beinu sambandi sín á milli, sem og við tónlistarmenn
og hljómsveitir – og öfugt. Hér er komið því komið tæki fyrir tónlistarmenn
til að vera í beinu sambandi við sinn áhangendahóp, þar sem hann getur
hlustað á og keypt tónlist beint af listamanninum.
Með gogoyoko spilaranum er hægt að búa til og skiptast á spilunarlistum.
Spilarann má færa og taka yfir á aðrar vefsíður og blogg, og gegnum hann
má kaupa (eða selja) tónlist.
Opnun vefsins
Í janúar 2009 gekk fjárfestingafélag, sem er í 90% eigu Nýsköpunarsjóðs
atvinnulífsins og 10% eigu Vilhjálms Þorsteinssonar, frá samningum um
fjármögnun á gogoyoko.
Nú starfa rúmlega 20 manns hjá fyrirtækinu, sem er með aðsetur í Mörkinni
í Reykjavík og með samstarfsaðila staðsetta í New York, London, Osló og
München. Meðal samstarfsaðila er fyrirtækið Ignitas í Noregi, sem hefur
víðtæka reynslu af áætlanaráðgjöf og starfsemi á netinu, og Sheridans
lögfræðiskrifstofan í London, sem kemur að málum er snúa að lagahlið
tónlistarbransans.
Tónlistarvefur þess er í dag starfræktur í lokuðu prófanaumhverfi, þar sem
aðeins boðsgestir fá aðgang. Opnað verður fyrir almenning á Íslandi og
Skandinavíu á árinu 2009 og í kjölfarið um heim allan.
Sanngjörn viðskipti þar sem listamenn og
hljómsveitir hafa sem mesta stjórn á verkum sínum
og geta haft af þeim tekjur, bæði í gegnum sölu og
hlustun á tónlist sinni