Tölvumál - 01.11.2009, Blaðsíða 36
3 6 | T Ö L V U M Á L
Upphafið
Vefurinn er rekinn af sprotafyrirtækinu gogoyoko, sem var stofnað í
nóvember 2007 af Hauki Magnússyni og Pétri Einarssyni, en báðir hafa
þeir verið að fást við tónlist í áraraðir og sem meðlimir í hinum ýmsu
hljómsveitum gefið út tónlist sína á Íslandi sem og erlendis. Haukur hefur
jafnframt rekið plötuútgáfuna Arctic Wave Records.
Í upphafi höfðu Haukur og Pétur uppi áform að stofna nýja plötuútgáfu,
en sú hugmynd þróaðist fljótt út í að útbúa nýjan vettvang á netinu fyrir
tónlistarmenn og tónlistaráhugafólk, vettvang þar sem tónlistarmenn geta
komið tónlist sinni á framfæri á alþjóðavettvangi, án þess að þurfa að fara
í gegnum milliliði.
Reynsla Hauks og Péturs af að selja sína eigin tónlist á netinu, þar sem
listamaðurinn sjálfur hefur oft litla stjórn á því hvernig verk hans eru seld og
takmarkaður hluti sölunnar skilar sér til listamannsins, er einn helsti hvati
þeirrar hugmyndafræði sem liggur að baki gogoyoko.
Reynir Harðarson, einn stofnenda CCP, sýndi hugmynd þeirra, um að
stofna nýjan vettvang fyrir listamenn til að koma tónlist sinni á framfæri
á alþjóðavettvangi, mikinn áhuga og er jafnframt einn af stofnendum
fyrirtækisins.
Ný nálgun
Hugmyndafræði gogoyoko gengur út á að listamenn og áhugamenn um
tónlist geta verið í beinu sambandi sín á milli og keypt/selt tónlist, án
þess að þurfa fara í gegnum milliliði. Að brúa bilið milli tónlistarmanna og
tónlistaráhugamanna, þar sem þeir síðarnefndu geta hlustað á, keypt af og
verið í samskiptum við sína uppáhalds tónlistarmenn.
Tónlistarvefurinn gengur jafnframt út á sanngjörn viðskipti (e. fair trade) þar
sem listamenn og hljómsveitir hafa sem mesta stjórn á verkum sínum og
geta haft af þeim tekjur, bæði í gegnum sölu og hlustun á tónlist sinni.
Gegnum þennan vef geta listamenn og rétthafar tónlistarinnar sjálfir ákveðið
verðið á afurðum sínum, þ.e.a.s. lögum og breiðskífum. Þeir fá jafnframt
hluta af þeim auglýsingatekjum sem vefurinn skapar, í takt við hlustanir (e.
‘streaming’) á tónlist þeirra.
Þjónustan er einnig opin fyrir plötuútgáfum, enda markmiðið að þjónusta bæði
listamenn með plötusamninga sem og þá sem sjá um sín útgáfumál sjálfir.
Góðgerðarmál
Stefna fyrirtækisins, og þeirra sem að því standa, er að samfélagsleg ábyrgð
sé hluti af því því að reka fyrirtæki á 21. öldinni. Stuðningur við mannúðar-
og umhverfismálefni hafa því verið hluti af hugmyndinni á bakvið gogoyoko
frá upphafi.
Einnig er það trú aðstandenda fyrirtækisins að sambandið milli tónlistar og
góðgerðarmála sé sterkt, ekki síst fyrir atbeina tónlistarmanna sem vilja
styðja við ýmis góð málefni, m.a. með því að koma fram á góðgertónleikum,
útvega lög á safnplötur fyrir ákveðin málefni eða leggja verðugum málstað
nafn sitt.
Plötubúð
Vefur þessi er bæði tónlistarbúð og samfélagsvefur (e. social network).
Notendur geta og selt tónlist - en einnig átt í samskiptum sín á milli, hlustað
á tónlist og skipst á spilunarlistum og svo framvegis.
Tónlistarmarkaður
án milliliða
gogoyoko.com er nýr vettvangur á netinu fyrir tónlistarmenn og hljómsveitir til að selja tónlist sína, koma
sér á framfæri og halda sambandi við sína aðdáendur. Þetta er samfélagsvefur þar sem áhugamenn um
tónlist geta átt í samskiptum sín á milli, hlustað á tónlist og keypt hana beint af tónlistarmanninum.
Randver Þórarinsson, aðalritari
gogoyoko.com
Notendur geta verið í beinu sambandi
sín á milli, sem og við tónlistarmenn og
hljómsveitir – og öfugt