Tölvumál - 01.11.2009, Blaðsíða 27
T Ö L V U M Á L | 2 7
Samantekt á svörum
Þekking á tölvunarfræði: Krakkarnir vita almennt ekki mikið um
tölvunarfræði en 78,6% vita lítið eða ekkert um tölvunarfræði. Mynd 3 hér
sýnir að 99 nemendur vita lítið eða ekkert um tölvunarfræði.
Mynd 3: Þekking á tölvunarfræði
Greinilegt er að tækifæri eru til að gera betur í kynningu á náminu og faginu
almennt. Ljóst er að auka verður við þekkingu og áhuga elstu nemenda í
grunnskóla á náminu ef bæta á aðsókn í tölvunarfræði í háskólum.
Ímynd tölvunarfræðinga: Ímynd krakkanna af tölvunarfræðingum kemur
ekki beint á óvart því 37,3% hafa þá ímynd að tölvunarfræðingar séu
„nörd“ og 68,3% telja að tölvunarfræðingar séu gáfaðir. Mynd 4 sýnir að
47 nemendur segja að tölvunarfræðingar séu „nörd“ og 86 að þeir séu
gáfaðir.
Mynd 4: Ímynd tölvunarfræðinga
Niðurstöðurnar úr þessari spurningu eru að hluta til mjög jákvæðar
þar sem það að telja að tölvunarfræðingar séu gáfaðir er jákvætt fyrir
starfsgreinina út á við, enda þykir alla jafna áhugavert hlutskipti að vera
gáfaður. Hinsvegar þarf ekki að vera bein tenging á milli þess og áhuga
fyrir náminu. Of „gáfuð“ ímynd getur verið hamlandi þar sem það getur
verið fráhrindandi ef fólk treystir sér ekki í námið. Nokkrir minntust á það
í könnuninni að þeir væru ekki nógu gáfaðir til að vera tölvunarfræðingar
sem styður þá kenningu.
Stór hluti lítur einnig á tölvunarfræðinga sem „nörd“ sem er líklega ekki
spennandi hlutskipti. Á þessum aldri skiptir félagsskapur flesta töluverðu
máli og fæstir vilja að litið sé á sig sem „nörd“.
Styrkja þarf því ímynd tölvunarfræðinga sem líflega og skemmtilega
einstaklinga, sem eru félagslyndir og hafa gaman af íþróttum eða öðrum
spennandi áhugamálum.
Hvað gera tölvunarfræðingar? Krakkarnir voru spurðir hvað þau telji að
tölvunarfræðingar geri. Þar var ekkert sem kom á óvart því 61,9% telja að
tölvunarfræðingar forriti. Eins og mynd 5 sýnir þá eru langflestir sem telja
að tölvunarfræðingar sitji og forriti allan daginn, eða 78 nemendur af 126.
Mynd 5: Hvað gera tölvunarfræðingar
Greinilegt er að kynna mætti betur það fjölbreytta val sem tölvunarfræðingar
hafa þegar þeir fara á vinnumarkaðinn. Ljóst er á svörum nemenda að þeir
telja starfið vera einhæft. Hið rétta er að starfið er fjölbreyttara en svo og er
forritun einungis einn hluti af því sem tölvunarfræðingar geta valið sér sem
framtíðarstarf.
Hvað ætlar þú að læra í framtíðinni? Þegar krakkarnir voru spurðir hvort
þau voru búin að ákveða hvað þau ætluðu að læra í framtíðinni kom í
ljós að krakkarnir voru ekki ánægð með þær greinar sem þau gátu valið
um því 38% völdu annað. Flestir, eða um 17% ætluðu að læra lögfræði
eða iðngrein. Einungis 8% völdu tölvunarfræði sem hugsanlegt nám í
framtíðinni. Mynd 6 sýnir niðurstöður um hvað grunnskólanemendurna
langar til að læra í framtíðinni.
Mynd 6: Hvað langar þig að læra í framtíðinni.
Orðið „nörd“ er búið að festa sig við
tölvunarfræðinga og erfitt er að taka það af