Tölvumál - 01.11.2009, Blaðsíða 11

T Ö L V U M Á L | 1 1
Húsnæði
Nokkuð auðvelt er fyrir sprotafyrirtæki að fá húsnæði í dag. Nýsköp-
unarmiðstöð Íslands hefur í samvinnu við t.d. Landsbankann og Íslands-
banka boðið fólki aðstöðu á sanngjörnu verði og fleiri aðilar eins og Innovit,
Klak, V6 og Hugmyndahús Háskólanna hafa líka leigt út aðstöðu hjá sér.
Auk þessa er mikið af tómu leiguhúsnæði hér og þar og nokkuð auðvelt að
semja um hagstæð leigukjör, þannig að húsnæðismál er ekki eitthvað sem
ætti að stoppa fólk í núverandi árferði.
Hjálplegt fólk
Mikið er til af hjálplegu fólki sem er tilbúið til að deila reynslu sinni með
þeim sem ætla sér út í sprotabransann og hægt er að fara á ýmsa fundi til
þess að kynnast fólki sem er í svipuðum sporum og maður sjálfur. Til að
nefna dæmi er góð hugmynd að fara á fundi Hugmyndaráðuneytisins sem
haldnir eru vikulega.
Það er um að gera að tala við sem flesta um hugmyndina sína. Reynslan
sýnir að þegar þú ræðir hugmyndina við annað fólk, æfist þú í að segja frá
hugmyndinni og allar líkur eru á því að þú fáir góðar ábendingar og aðstoð
við að gera hugmyndina enn flottari.
Fjárfestar
Ef þú vilt fá fjárfesta inn í fyrirtækið þitt þá skaltu gera ráð fyrir að það sé
nokkuð stórt verkefni að finna þá. Fjárfestar koma inn í sprotafyrirtækin
á mismunandi þroskastigum fyrirtækisins. Þolinmóðustu fjárfestarnir eru
svokallaðir Englar. Englar leita yfirleitt af fyrirtækjum sem eru rétt að byrja
en eru með vöru eða þjónustu sem þeir telja að eigi mikla möguleika til
að stækka og dafna. Þeir eru oft tilbúnir til þess að setja bæði pening inn
í fyrirtækið og aðstoða við að koma fyrirtækinu á legg með því að veita
ráðgjöf. Aðrir fjárfestar gætu sett kröfur um að hugmyndin hafi verið
sannreynd, eða jafnvel sölumöguleikar hennar, áður en þeir setja peninga
inn í fyrirtækið. Oftast líta fjárfestar ekki við fyrirtækjum nema að þau séu
að leita að 25 milljónum króna eða meira og flestir fjárfestar líta ekki við
fyrirtækjum nema að það sé til góð viðskiptaáætlun með arðsemismat fyrir
vöruna.
Að lokum
Hér hefur verið stiklað á stóru og ofangreint er alls ekki tæmandi listi yfir
það sem búast má við við stofnun sprotafyrirtækis en ætti að taka á flestum
þeim þáttum sem fólk er að fást við sem er að vinna í sprotafyrirtækjum.
Það tekur oft á taugarnar að elta drauminn og stofna fyrirtæki en það
mikilvægasta er að hafa trú á hugmyndinni, hafa nóg af þolinmæði og gott
teymi sem hefur breiða þekkingu.
Mikið er til af hjálplegu fólki sem er tilbúið til að
deila reynslu sinni með þeim sem ætla sér út í
sprotabransann og hægt er að fara á ýmsa fundi til
þess að kynnast fólki sem er í svipuðum sporum og
maður sjálfur
Í viðskiptaáætluninni er mikilvægt að fara ofan
í sem flesta þætti sem við kemur vörunni eða
þjónustunni sem verið er að þróa