Tölvumál - 01.11.2009, Side 12

1 2 | T Ö L V U M Á L
Efnahagshrunið hefur orðið til þess að mikið er lagt upp úr nýsköpun af öllu
tagi og sprotafyrirtæki spretta upp eins og gorkúlur. Það að fá góða hugmynd
og stofna um það fyrirtæki ætti að vera í hópi þeirra stóru ákvarðana sem
fólk tekur í lífinu eins og að velja sér menntun, maka, stofna fjölskyldu
eða kaupa sér þak yfir höfuðið. Ef fólk ákveður að fara þessa leið þarf
að huga að mörgu eins og fram kemur í viðtali við ónefnda viðmælendur
sem stofnuðu fyrirtæki á árinu 2008. Þau kjósa að vera nafnlaus þar sem
fyrirtækið er á viðkvæmu stigi í þróunarferlinu.
Að hverju þarf að huga þegar stofnað er fyrirtæki?
Fyrst er það viðskiptaáætlun fyrirtækisins sem er mikilvægt að sé vel
unnin en viðmælendur okkar voru búnir að ganga með viðskiptahugmynd
í maganum í mörg ár áður en þeir leituðu eftir þekkingu og aðstoð í gerð
viðskipaáætlana. „Við fórum á sitt hvort námskeiðið um stofnun fyrirtækja
og gerðum sitt hvora viðskiptaáætlunina sem báðar sýndu möguleika á vexti
svona fyrirtækis. „En þó að áætlunin væri komin þá var ekki farið af stað:
„Við ákváðum að bíða um stund þar sem við töldum að markaðurinn væri
ekki tilbúinn fyrir þá þjónustu sem við ætluðum að bjóða. Við höfum svo
öðru hvoru skoðað málin og létum síðan slag standa síðastliðið sumar.“
Næst er það húsnæðið. Fyrsta verkefni fyrirtækisins var að gera upp lýs-
ingasíður um hugmyndina og var vefurinn unninn við eldhúsborðið til
að byrja með. Það getur verið erfitt að vinna heima fyrir, sérstaklega ef
aðstaða til slíks er ekki fyrir hendi, því skilin á milli vinnu og einkalífs hverfa
smám saman. Því fannst okkur mikilvægt að við fengum inni í aðstöðu
Nýsköpunarmiðstöðvar Íslands fyrir sprotafyrirtæki. Góð vinnuaðstaða og
gott vinnuumhverfi skiptir miklu máli eða eins og þau segja: „Við höfum nýtt
okkur þessa góðu aðstöðu til hins ýtrasta og það fer vel um okkur. Það hefur
skipt sköpum fyrir okkur að komast inn því fleira fylgir með í pakkanum
en húsnæði. Nýsköpunarmiðstöðin hefur veitt okkur mikinn stuðning og
ráðlagt okkur á margan hátt. Þá höfum við fengið fjölmiðlaumfjöllun sem
vakið hefur athygli á starfsemi okkar og þannig höfum við fengið innlegg
í markaðssetningu á þjónustu okkar.“ En það er meira sem felst í góðri
vinnuaðstöðu því þau leggja áherslu á að samneytið við aðra í svipuðum
sporum sé gríðarlega mikilvægt eða svo notuð séu þeirra orð: „Síðast en
ekki síst er hér hópur fólks sem er að vinna við sprotana sína og flestir
eru að ganga í gegnum svipaða hluti, þ.e. útfæra viðskiptahugmynd, stofna
fyrirtæki, leita að fjármagni og markaði fyrir vörur sínar og þjónustu. Fólk
getur því borið saman bækur sínar, leitað að samlegð eða bara krufið
þjóðmálin yfir kaffibolla.“
Þá er það fjármögnunin. Í framtíðinni ætlar fyrirtækið sér að reka beina
þjónustu við fyrirtæki og rafræna þjónustu á netinu. Frá því fyrirtækið fór
af stað hefur mikill tími farið í að afla hugmyndinni brautargengis og finna
leiðir til þess að fá inn tekjur. „Það hefur ekki gengið þrautalaust fyrir sig
í því efnahagsástandi sem hér ríkir því fyrirtækin í það heila halda að sér
höndum og reyna að vera sem mest sjálfbær um alla hluti. Ástandið gerir
því nýjum fyrirtækjum eins og okkar ennþá erfiðara um vik en ella að selja
vörur sínar og þjónustu“ segja þau. Það þarf að gefa nýjum fyrirtækjum
góðan tíma til að marka sér sess – það geti tekið nokkur ár að sanna
tilveruréttinn eins og dæmin um Marel, Össur og CCP sýna. Þetta kostar
mikla vinnu og mikinn tíma. „Við vörðum nánast heilum mánuði í það að
Nafnlaust sprotafyrirtæki
í fæðingu
Reynslusaga:
N.N (viðtal: Ásrún Matthíasdóttir)