Tölvumál - 01.11.2009, Blaðsíða 38
3 8 | T Ö L V U M Á L
Farsímar í nýju hlutverki
Innreið Apple iPhone á farsímamarkaðinn olli kaflaskilum á þessum
markaði en fyrir komu hans voru framfarir milli farsímakynslóða oft mældar
í hænuskrefum. Fyrir utan áhrifin sem hönnun iPhone símans hefur haft á
viðmót og hönnun símtækja komst veruleg hreyfing á þróun hugbúnaðar
fyrir farsíma og hvernig notendur geta nálgast hann.
Lengst af varð að nálgast nýjan notendahugbúnað í farsíma eftir marg-
víslegum leiðum, ef símtækið leyfði á annað borð nýjan hugbúnað, hér
má nefna að finna hann á vefnum og fara síðan á heimasíður höfundanna.
Apple fór hinsvegar þá leið að safna saman hugbúnaði í sérstaka „búð“ og
var hægt að tengjast henni beint frá símtækinu sjálfu gegnum snertiskjá og
myndræn notendaskil. Aðrir farsímaframleiðendur sem höfðu verið sofandi
á verðinum, tóku við sér og eru að fara svipaðar leiðir og hefur það hleypt
miklu fjöri í geirann.
Núna er hægt að sjá á heimasíðu Apple að búið er að sækja milljarð eintaka
af hugbúnaði frá búðinni og það þó símarnir sem seldir hafa verið séu ekki
nema um 20 milljónir. Þetta segir sína sögu um hversu markaðurinn var
tilbúinn til að taka við þessari nýjung og þörfina fyrir straumlínulögun í
notkun. Íslendingar standa þó utan gátta í að notfæra sér þetta að því leyti
að Apple síminn er ófáanlegur á Íslandi nema eftir óopinberum krókaleiðum.
Nokia kom inn á hugbúnaðarmarkaðinn í sumar með þjónustuna Ovi Store.
Frá fyrsta degi mun úrval verða talsvert og fróðlegt að sjá hvernig sú verslun
mun ganga í samanburði við Apple og aðgengi héðan frá verður vonandi
einnig greitt. Ovi Store er útvíkkun á núverandi starfsemi Nokia undir
merkjum Ovi þar sem boðið er upp á afritatöku af símaskrá og dagatali
ásamt ýmsum samskiptum og kaupum.
Yfirstandandi þróun og áherslur hafa orðið til þess að dýrari farsímarnir
eru orðnar fullkomnar lófatölvur sem ráða við fjölbreytt hlutverk sem
lengi vel var farsímum ofviða eða bundið við allt önnur og sérhæfð tæki.
Notendaskilin hafa líka gjörbreyst eftir innkomu iPhone og að Google
blandaði sér í farsímaslaginn, bæði með stýrikerfi í farsíma og allskonar
þjónustu. Svo lagði Microsoft meira undir og gaf stýrikerfi síma sinna nýtt
nafn. Það er því af nógu að taka til að benda á sem dæmi um það sem hefur
gerst á síðari tímum en hér verður sagt frá athyglisverðum leiðum til að
setja þessa nýju kynslóð farsíma í ný hlutverk með staðsetninga tengdum
þjónustum (e. Location Based Services).
Götukort í símana
Einn athyglisverður angi þróunarinnar er að nota farsíma sem leiðsögutæki
og til að leita uppi fyrirtæki og fólk og jafnvel sjá staðsetningu sinna nánustu
hvar sem er í heiminum. Þessu svipar því til hefðbundinna GPS-tækja en
hefur til viðbótar gagnvirkni og samspil við aðra farsímanotendur.
Google hefur um skeið boðið upp á þjónustuna Google Maps for Mobile.
Forritinu, sem gengur í margar gerðir farsíma, er bætt við í símann og
það væðir tækið með götukortum og loftmyndum og síminn getur staðsett
notandann með punkti á korti eða á loftmynd. Nokkur blæbrigðamunur er
á hugbúnaðinum eftir gerðum farsíma sem kemur fram í því hversu miklir
möguleikarnir eru.
Mesta nákvæmnin fæst ef viðkomandi farsími hefur GPS móttakara
og frávikið er þá lítið en afar athyglisvert er að sími án GPS getur einnig
staðsett notandann með talsverðri nákvæmni en á korti er sýnt mögulegt
frávik.
GPS-lausir farsímar geta notað staðsetningareiginleikann í Google Maps þar
sem vefsetur Google safnar saman í gagnagrunn smám saman upplýsingum
sem GPS-væddir símar hafa áður látið í té um eiginleika farsímasellunnar
sem sá GPS-lausi væri seinna staddur í.
Núna er hægt að fá kort yfir Reykjavík og nágrenni frá Google en kortin
Einar H. Reynis, rafiðnfræðingur hjá
Símanum
Snjallsímarnir
loksins snjallir
GoogleMaps og NokiaMaps væða farsíma með
götukortum og loftmyndum og síminn getur staðsett
notandann með punkti á korti eða á loftmynd