Tölvumál - 01.11.2009, Blaðsíða 47

T Ö L V U M Á L | 4 7
Tilgangur myndbandsins er að vekja áhuga ungra
stúlkna á möguleikum og fjölbreytileika þeirra
starfa sem bjóðast í faginu og slá á þann útbreidda
misskilning að fagið sé bara fyrir stærðfræðiséní
eða nörda
Tekin voru viðtöl við konur sem starfa á ólíkum sviðum innan fagsins og
vonumst við þannig til að gefa áhugaverða sýn á fagið og þau störf sem í
boði eru. Viðmælendur voru beðnir að lýsa hefðbundnum degi í vinnunni,
hvað þær eru að fást við og hvað það er sem gerir starfið áhugavert.
Haldnar voru kynningar á myndbandinu í framhaldsskólum á höfuð borgar-
svæðinu og á Suðurlandi, en UT-konur heimsóttu skólana í hádegishléi,
sýndu myndbandið og ræddu við nemendur. Vakti myndbandið áhuga meðal
nemenda og hefur það nú þegar skilað árangri því vitað er um nemendur
sem ákváðu í kjölfarið að innrita sig í tölvunarfræði nú í haust.
Fræðslupakkar í grunn og framhaldsskóla
Í framhaldi af kynningunum var ákveðið að senda „Fræðslupakka“ til allra
grunn- og framhaldsskóla landsins til að koma efninu á framfæri við stærri
hóp. Í þessum fræðslupakka er mynddiskur (DVD) með myndbandinu,
upplýsingar um nám frá háskólunum auk upplýsinga um UT-konur og
Skýrslutæknifélag Íslands. Hluta af þessum skjölum má nálgast á vefsíðu
UT-kvenna, www.utkonur.wordpress.com. Myndbandið ber yfirskriftina
„Upplýsingatækni – Fag án landamæra“. Er það von UT-kvenna að
myndbandinu verði gerð góð skil innan hvers skóla og efnið kynnt fyrir
nemendum.
Afrakstur samvinnu
Átak sem þetta kallar á vinnu og samtakamátt margra aðila. Jákvæð
viðbrögð og velvilji fyrirtækja og viðmælenda í myndbandi auk ómældrar
vinnu UT-kvenna hafa gert þetta verkefni að veruleika. Það sýnir að þegar
viljinn er til staðar og margar hendur vinna samtaka að settu marki, þá eru
okkur allir vegir færir. Vonandi skilar þetta átak sér í vaxandi áhuga ungra
stúlkna á upplýsingatækninni og raungreinum yfirleitt.
UT-konur, félag kvenna í upplýsingatækni, er faghópur innan SKY,
Skýrslutæknifélags Íslands. Allt starf UT-kvenna við vinnslu þessa
fræðsluefnis var unnið í sjálfboðavinnu og það sama á við um þá sem
fram komu í myndbandinu, en til framleiðslu og fjölföldunar á mynddisk og
útsendingu efnis nutum við stuðnings frá styrktaraðilum. Samtök Iðnaðarins
er aðalstyrktaraðili okkar en einnig fengum við styrk frá Háskólanum í
Reykjavík og SKY. Viljum við þakka þessum aðilum sérstaklega fyrir þeirra
framlag.
UT-konur þakka öllum aðilum sem komið hafa að gerð myndbandsins og
fræðslupakkans í heild, bæði þeim sem fram komu í myndbandinu svo og
þeim sem tóku þátt í að heimsækja framhaldsskólana með okkur ásamt
öllum þeim sem hafa styrkt okkur eða veitt stuðning og aðstoð á einhvern
hátt.
Er það von okkar að gerð myndbandsins og dreifing fræðsluefnis til
allra grunn- og framhaldsskóla landsins muni verða til þess að víkka
sjóndeildarhring um nám grunn- og menntaskólanema og kveikja áhuga
hjá sem flestum fyrir því að hefja nám á þessu sviði eða í það minnsta
íhuga það.
Vonumst við jafnframt eftir áframhaldandi samvinnu og stuðningi
háskólanna, SKY og sem flestra sem að þessum málum koma. Því með
sameinuðu átaki gerast ótrúlegustu hlutir.