Tímarit hjúkrunarfræðinga - 01.02.2012, Blaðsíða 19

Tímarit hjúkrunarfræ›inga – 1. tbl. 88. árg. 2012 15
Í þessari grein hefur mest verið fjallað um
notagildi handtækja við upplýsingaöflun
en möguleikar þeirra eru töluvert fleiri. Til
dæmis er staðsetningartæki innbyggt í
sum handtæki og ætti það að auðvelda
hjúkrunarfræðingum að hafa uppi á
samstarfsfólki sínu. Öflugar stafrænar
myndavélar fylgja flestum handtækjum
og opnar það á möguleika til að meta
sár og fleira hjá sjúklingum. Að auki
er hægt að taka upp hreyfimyndir á
flestum handtækjum og eykur það enn á
notkunarmöguleikana. Til dæmis er hægt
að bera mál undir samstarfsfólk og fá
ráðgjöf með því að styðjast við upptökur
og myndir. Þessu tengjast samskipti í
gegnum tölvupóst en þau fara sívaxandi
innan heilbrigðiskerfisins.
Hraðinn í nútímaheilbrigðisþjónustu er
mikill og þarf heilbrigðisstarfsfólk að
kunna skil á miklu magni upplýsinga um
fjölmarga þætti. Erfitt og tímafrekt getur
reynst að ná utan um alla þætti starfsins.
Því geta handtæki í hjúkrun létt undir með
hjúkrunarfæðingum, fækkað sporum, eflt
öryggi sjúklinga og umfram allt veitt
hjúkrunarfræðingum meiri tíma við hlið
sjúklinganna. Kannski eigum við eftir að
sjá alla hjúkrunarfræðinga styðjast við
handtæki í klínísku starfi innan fárra ára?
Þorsteinn Jónsson er hjúkrunarfræðingur á
bráðasviði Landspítala og aðjunkt í bráða­ og
gjörgæsluhjúkrun við hjúkrunarfræðideild HÍ.
Heimildir
Doran, D.M., Haynes, R.B., Kushniruk, A., Straus,
S., Grimshaw, J., Hall, L.M., og Jedras, D.
(2010). Supporting evidence­based practice
for nurses through information technologies.
Worldviews on Evidence-Based Nursing, 7
(1), 4­15.
Johansson, P., Petersson, R., og Nilsson, G.
(2011). Experience of using a personal digital
assistant in nursing practice: A single case
study. Journal of Nursing Management, 19,
855­862.
Lindquist, A.M., Johansson, P.E., Petersson,
G.R.I., Saveman, B.­I., og Nilsson, G.C.
(2008). The use of the personal digital
assistant (PDA) among personnel and
students in health care: A review. Journal of
Medical Internet Research, 10 (4).
Stroud, S.D. (2009). Personal digital assistant use
by nurse practitioners: A descriptive study.
Journal of the American Academy of Nurse
Practitioners, 21, 31­38.
Fyrir um einu ári hófst á Landspítala verkefnið Kynlíf og krabbamein.
Markmiðið er að bjóða fólki með krabbamein og aðstandendum þess
ókeypis kynlífsráðgjöf og sérhæfða ráðgjöf klínísks kynfræðings.
Tilgangurinn er einnig að fræða og þjálfa þá sem lækna og hjúkra
krabbameinsgreindum sjúklingum þannig að umræðan um kynlíf og
kynheilbrigði verði sjálfsagður þáttur í meðferð sjúklinga. Verkefnið
hefur sína eigin vefsíðu og er slóðin kynlifogkrabbamein.is.
Nanna Friðriksdóttir, sérfræðingur í hjúkrun krabbameinssjúklinga, er
verkefnisstjóri. Starfsmaður verkefnisins er Jóna Ingibjörg Jónsdóttir,
klínískur kynfræðingur. Jóna Ingibjörg hefur margra ára reynslu
af kennslu, ráðgjöf og rannsóknum innan kynfræða enda afar vel
menntuð í þessum efnum. Jóna Ingibjörg rekur einnig ráðgjafarstofu
og er konan bak við borðspilið Kynstrin öll. Á læknadögum í janúar sl.
var mikið talað um kynlíf í sambandi við veikindi og var Jóna Ingibjörg
í hópi fyrirlesara
Vefsíðan er hluti af verkefninu og Jóna Ingibjörg reynir að birta fréttir
eða annað efni vikulega. Hennar ósk er að vefurinn verði hluti af
úrræðum sjúklinga og heilbrigðisstarfsmanna. Þeir geti þar fengið
hugmyndir og fræðslu í sambandi við kynlíf og krabbamein.
Áhugaverðar vefsíður
Kynlíf og krabbamein